Yeremiya 4:23 - Ala Wone Peenok Peebi Mbanak

²³ An nen o nggween yi pekkage logonet, Owak mbanak naalop-kaalop aago wonage kage, Mbogut paga nikkage logonet, o eya eeka lek aret kage,

Yeremiya 4:23 ပူးပေါင်းရင်းမြစ်များ

Wakkagagerak 1:2

O nggween wakkagagerak nogo, yi mendek ndi mendek mondok lek eebe apit owak mbanak aret wonagagerak. Ndi, niyo irimbaga o apit aago wonage me, Ala Aberiniki niyo nogo obaga wiga agan nege nagagerak.

Yetaya 13:10

Ti eeppiige neegak, Laaluguragan mbogut paga wonogwe inom, Laaluguragan ambit me ninggirik wonogwe inom, Inabinak pinda yogo menggaarak nogo lek age, Oonegen lagi wage nogo apit age, Tut kunduk abinak lek age, Eerigin o.

Yetaya 5:30

Ne ti eyom paga niyo laut yenggenak oone wo ari menggi kwak, wim nggoguk ari kagak, It wonogo menggam yumaak eerak wonage, iniki ma'nage, Ndugwi nen o eya apit eerogo pege, Eerigin nogo Inigen kaagun o.

Yeremiya 2:12

At mbogut ti, it togop eekwi iinok, mondok iya tit ndipuk eeke, Togop eekulik kwe, eekwi yi, iya! yinuk, aganak wake, Eeke logowak o,” yinuk, at Aliku ALA nen yegerak o.

Yeremiya 9:10

Puut-puut inom, o karume inom, time aakumi lek me, tu ti paga nugwi iige, Lembu-tapi iri'ngga mbanogo nenet nugu logonet, inoone yogwe konengge, Yi towe ndi towe wiga agan nugwi nogo mendek abu mbaganeegwaarak me nenegen ambi iige, Ndiimbu-nggwiya wonogwe me, nenegen iige, Eeka'lek me, Puut-puut eeppiinet noorak nogo inale ari, inaleenggu maake, Eeke logonet, O karume iri'ngga mbanogo nenet nugu menggam ariyak nogo kunduk, niniki puru ari logonet, inaleendawi piyanigin o.

Leendawi 3:2

An o eya paga naakit nduk, wo'neren noolik, o apit aago me naakit nduk mbo panege,

Yowen 2:10

It unggwi nogwe iigak, nggween ndipuk eeke, Mbogut nuk-nuk eeke, Oonegen inom, tut inom, yumaak eerogo pege, Laaluguragan abinak eeke menggerak nogo lek age, Eeke agaarik o.

Amot 8:9

“Ne ti paga ariyak nogo ti, o liingge kagak oonegen kilu yi nage, O liingge wonage kagak, o nggween paga apit age, Eeruwak nduk, eeppigin o.

Takariya 14:6

Wogwe ne ti eyom paga oonegen eya inom, tut eya inom, laaluguragan eya inom, logogin lek aret kwe, eya eerak mban logogin o.

Matiyut 24:29

Wone ambinom yorage logonet, “Kineebe aaninggin-paaninggin eeppinagago mbaremengga, Oonegen apit age, tut abinak lek age, Laaluguragan mbogut paga nen nggaru-nggaru nggween paga wambit wage, It mbogut oolo yime inomaawi menggaarak nogo, inaganak nugirage, Eerigin o.

Matiyut 24:35

Mbogut-nggween yi, lek arigin aret kwe, an noone ti perak, lek arigin lek mondok aret logogin o,” yoragagerak.

Wayu 20:11

Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.