Yeremiya 4:20 - Ala Wone Peenok Peebi Mbanak

²⁰ Ne ambi paga yigirogo piya unggwagak, ne ambi paga yigirogo piya unggwagak, eeko logonet, O yi abok aret mondok maluk eerogo pugwi iigirak o. Ne ambit liingge an nawi wurik mi eerogo pugwi, Yini-panip nawooliya wurik nogo yinik-minik eerogo pugwi, Eekwi iigirak o.

Yeremiya 4:20 ပူးပေါင်းရင်းမြစ်များ

Ndawi 42:7

Yi taakut wurabit wagagindak oone wo-wo ari ti, Niyo kole yenggenak ambi inikime nen Niyo kole yenggenak ambi inikime yoge, Yi nggwok kilaarak-mogonik eerogo wunabit nage menggendak nogo, An aret tebenogo panit wage, Eeke agaarik o.

Ndawi 72:19

At endage mondok-mondok tiyanak aret wonage me, At wogoppugwi, Eeko logowok o. O nggween paga yime abok aret At endage mban ndak warak logowak o. Abet aret yagi o. Abet aret yagi o.

Yetaya 13:6

Naliku an ALA nen eeppiyoorak eyom muk panggo yi wagaarak me, inale yikkologwe, Ti eeppiyoorak eyom ti, Nomaawi Lombok Minggirak an nen it lek eerogo piyaagin me, inaleenggu maakkologwe, Eeko logowak o.

Yetaya 15:5

O Mowap mendek eeppiyoorak paga inabuwa mbake agarik o. It mugogo wumbiigwi iigirak nogo nen kole o Towat arit nogwe, O Egelat-Telitiya arit nogwe, Ando nen leenggu maarit tu puut Lukit paga lagit nogwe, Ando nen, Mugogo wumbinanega o, yinuk, inoone nggwok paga le agan tu Koronayim paga nogwe, Eeko agaarik o.

Yetaya 33:20

Ninale'nggen nen laago lako logorak yugu lako monggom o Tiyon nogo kinigen nakkogo logonip o. Ooliya wurik minogo ambime wonok nawak nduk, eyak yinik kinggwi, Keele eyak paga pugunik nogo piinggwi, Eeka'lek mondok wurik menggi kwak, O Yerutalem ti, yi wone ndi wone lek obeelom mban wonage kaamunggup o.

Yetaya 47:9

Wone alom mbere yagandak ti, ne ambit liingge inigen kubuk yogo mengga kwak Kaagalogwe lek ogwe, kwe nanu age, eerumunggun o. Tili pagangge, kagugi omaawi paga eeke, Eeremenggendak kwe, Alom mbere ti, ambi teppigin lek abok nggwik togon aret koba arigin o.

Yetaya 54:2

“At nen nggween agi-ogu inom, iru-ogwe inom, wiganogo pit nage, Ndi, at paga ndarak nen yi aakumi ndi aakumi inanggween tebenggologo logonet, It wonogogwam kota-kota yi oone ndi oone lek nogome ye mbanggola unggwogwe, Eerugun me, Ando pegak eerugurik o. Ata, awooliya wurik ti, ambinom akom pogukkage, Awooliya wurik yum tugunik nogo mbiganogo pege, Awooliya keele pugunik ti, ambinom nggigippege, Eyak yinik nogo mondok nu'lek eerogo pege, Eeke logowak o.

Yeremiya 12:11

It aakumi ti nen neyabu yarak me yi oone ndi oone lek kugume eerogo pegaarak me, Aakumi le yogo mengga kwak, nggween ti, iniki puru ari logonet, le ari kage agarik o. Nanggween ti abok aret karume aakumi wonogolik me negen eerogo pegaarak kwe, Aap ambi nen, Nggween yi agaarak, ao, mbaka'lek wonogo agaarik o.

Yeremiya 17:18

It aakumi an piya'nabit nugu menggaarak nogo inenggali aruwak nduk, eeppiyoorak op aret kwe, An nenggali aruwak nduk, mbo panege, It inaganak waruwak nduk eeppiyoorak op aret kwe, an naganak waruwak nduk, eeppanege, Eeriyak mage o. Aakumi aaninggin inoba piyoorak koonak nogo ti, aaninggin inoba kwippiige, Ndi, maluk eerogo piige logonet, maluk ne mbere eeppiyookwak nggwik togon aret eerogo piige, Eeke logot o.

Yeremiya 4:21

Ndiimbu walok eekwi nenegen kage neegak, ne mande ari nage, Ndi, oone nggwok eeka trompet oone pu eekwi naruk konengge neegak, ne mande age, Eerigin mbakop?

Yeremiya 4:27

Aliku ALA nen yegerak nogo yi aret. “O yi, an nen abu lek eerogo pigin lek kwe, apit aret o kugume aret logogin o.

Yeremiya 9:18

It aakumi ti nen yogo logonet, Mbet-mbet wogo logomenggaarik, eeppinanegaarak paga ninaleendawi aanggili-aanggelo yogwe iigak, Ninale ninigen me yenggembunuk, wuranet wage, Ninamunggut-ninale nggaru-nggaru ninamik paga ndooni wangge, Eeke logowak o.

Leendawi 3:47

Niniki mak eerogo pinanugwi, Labu pugume wambuwok nduk, eerogo pinanugwi, Nineebe lek eerogo pinanugwi, maluk eerogo pinanugwi, Eeko agaarik o,” Yinuk, yogo logowok o.

Yetikiyen 14:21

At Aliku Itok Menggerak ALA nen ari logonet, “Ti eeppiyoorak yagarak nogo ti, iya negen kwe, inomaluk onggo aaninggin alom 4 eeppiyoorak nogo ti, wooluwak paga nen, mbi noogelo paga nen, nggwiya anini warak paga nen, kugilingga paga nen, it Yerutalem wonogwe aap inom, inaanggumi inom, kambuwak nduk, inoba kwippiyaagin ti perak, abu iya o!

Yowen 1:15

Ne ti nogo ti, aakumi inamineeri ne agan noorak aret me, iya! At Aliku ALA eeriyak eyom muk koorok panggoni wagaarak o. At Omaawi Lombok Menggerak wage logonet, nit aakumi lek eerogo pinanege, Yi mendek ndi mendek mondok lek eerogo pege, Eeriyak eyom aret ari wage agaarik o.

Ala Unde 26:18

Togop eeppiyamenggaarak kwe, it Iterali an noone liirogon konengga'lek mban wonogwe iinok ti, inomaluk onggo aaninggin ne 7 kuli aret inoba kwippiige logogin o.

Ala Unde 26:21

It inogogumbuk a'nuk yorage nogo koneniyak ineebi nombakwi mban wonogwe iinok, inomaluk eekwi nogo onggo ndak-ndak aret andi-pandi ne 7 kuli aret inoba wuppi wage logogin o.

Ala Unde 26:24

an kunduk nogogumbuk a'nuk inomaluk onggo ne 7 kuli aret aaninggin inoba kwippiige logogin o.

Ala Unde 26:28

an kunduk, nogogumbuk a'nuk nanini nen inomaluk onggo ne 7 kuli aret aaninggin inoba kwippiige logogin o.

Abakuk 3:7

It aakumi o Kutiyan mendek inawooliya wurik me wonogwe nogo, inomanggen tayo-tayo nage, O Miriyan inawi wurik me wonogwe nogo, inaganak warit nage, Eeke kagarak o.

Linggineegwaarak 16:21

“It aakumi kuwak aago kinom wonogwe ti, ne yogondak yi paga aret lek eerogo piyaagin me, kinom logorak lek tayorak logonip o.”

Linggineegwaarak 16:45

“An nen it aakumi kuwak aago ti, ne ambit liingge lek eerogo piige yi aret me, it wonogwe me time nen mbo piinok nanip o.” Yorage mbareegi, Muta Karun imbirak inete wanduk ngginnogogwaarak.

Matiyut 10:28

It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.

2 Tetalonika 1:9

Ti eyom paga nit at apuri ake leenak nogo nen at eebe tiyappugwi, ndi, nit wone paganogo yokkirogogurak paga abet mbareegutak me, kit ninom abet mbakwi abok aret, “Wi!” ugwi, eeruwok nduk, woraagin o. Wage kenok, it Ala ineenggo'lek Yetut eeke nagagerak obeelom wone wagangga'lek mendek nogo, maluk onggo mondok-mondok aganabuwak nduk, at Ala nen, “An nomaawi paga eeppiinet nage neenok, aakumi nen, Wi! nugu menggam nenggaawak paga yayi logorak lek o,” yinuk, ogoorogo endekem wumbiyaagin o.