Yeremiya 4:19 - Ala Wone Peenok Peebi Mbanak

¹⁹ Wim eeriyak nduk nggomookwi, Oone nggwok eeka trompet nogo oone pu eekwi, Eekwi nogo Naruk konenggirak me, Niniki andi o! Niniki andi o! Niniki andi nen yagan yobak-nggolak wake, Niniki lombok nggoguk yi unggwage, Niniki mondok ponok-ponok ee'nake, Eeke me, Niniki ko wariyak mondok meek lombok ee'nake agaarik o.

Yeremiya 4:19 ပူးပေါင်းရင်းမြစ်များ

Wakkagagerak 49:6

Kinanini nen aap inookwi, Kiniki mba'nuk tapi-lembu iniyok omanggen mbanogo piigwi, Eeko monggotak me, An ninom niniki ambit eeppunuk, ninom kuwak eeke, Ninom wone koongge, Eeke logogin lek o.

2 Endagembogut 4:19

Ka nagagerak me, yinip-panip elege nogo nen, “Nanobak o! Nanobak o!” Yinuk, ogoba yoge mbareegi, ogoba nogo nen ayeloman ambi yoge, “Elege yi, wonok agalo wogori nak o.”

2 Endagembogut 8:11

Yoge nagagerik, at Katayen etenggen paga enegen looge mbareegi, at Katayen nogo enggali agagerak. Enggali age nogo at Ala wone liirogon eeka nen kage nagagerik, le yereegerak.

Ndawi 103:1

Niniki yi wae. Aliku ALA tiyappege, Niniki-neebe yi wae. At endage abu abe alik leenak me, alut eeke, Eeke logot o.

Ndawi 116:7

Togop me, niniki yi wae. Aliku ALA nen obeelom eeppagage menggerak me, Aa'nduk wonagandak kwak ugun aret logot o.

Ndawi 119:136

Koone yugu Muta liiru mbaneegerak nogo It aakumi woppunuk eeka'lek paga Niyo wu'nuk wage menggi kwak Nale togop aret wambit wage menggerak o.

Ndawi 119:53

It aap maluk mendek nogo nen kat koone yugu Muta liiru mbaneegerak nogo mbo pereegwaarak kenok, Nanini kani omoonuk kwak mi'nage menggerak o.

Ndawi 146:1

At Aliku ALA tiyappogo logowok o. Niniki yi wae. Aliku ALA tiyappege logot o.

Ndawi 16:2

An nen Kaliku ALA yokkege logonet, “Kat nogoba aret me, An abe mendek porogo minggirak nogo ti, Yi mendek ndi mendek lek o. Kat keebe mban aret porogo minggirak o,” Yinuk, yokkigirak o.

Yetaya 15:5

O Mowap mendek eeppiyoorak paga inabuwa mbake agarik o. It mugogo wumbiigwi iigirak nogo nen kole o Towat arit nogwe, O Egelat-Telitiya arit nogwe, Ando nen leenggu maarit tu puut Lukit paga lagit nogwe, Ando nen, Mugogo wumbinanega o, yinuk, inoone nggwok paga le agan tu Koronayim paga nogwe, Eeko agaarik o.

Yetaya 16:11

Nggitat arigi nggoonggo eeko mengga kwak O Mowap eeppegaarak nogo paga niniki puru ari, O Kit-Karetet eeppegaarak nogo paga niniki ndugu agan unggwage, Eeke agarik o.

Yetaya 21:3

Ti yorage kage nagarik, kumi elege ndaruwok nduk andi yagan wako mengga kwak, Neebe andi lombok ee'nake, Eeppiyoorak konenggirak nogo paga niniki ndenggak ari, Nenegen kagarak nogo paga niniki ma'nage, Eekerak o.

Yetaya 21:4

“Iya!” yinuk, niniki lek-lek ee'nake, nagabiti nen naganak wake, Eeke kenok, Nogo yikit nduk, o mbet-mbet kiip aruwak lak, ao, mbake minggirak nogo, Yogondak o kiip ari wage paga nagabiti nen namineeri ne agan nage agaarik o.

Yetaya 22:4

An perak, aakumi an napuri niniki kundugu ineebe ambik inoorak paga Niniki maluk a'nuk leenggu maake neegak, ina koonogo pe'neegwi, Niniki eyak wappanugwi, Eerugwaarik o,” yinuk, ari kagarak o.

Yeremiya 13:17

Kit an yokkirage kinaruk konengga'lek kiniki wogoppakwi paga nalik kumaarak logonet, le ari, Aliku ALA andomba kit keele maakkiren nagun me, Niniki wakkolage logonet, nale yi wurik kwak wurabit wage, Eeke logogin o.

Yeremiya 20:9

Togop kwe, an niniki mbake logonet, At Ala endage ambinom kungge, Ala yo'nege kagak yokkiragi o, yinuk, ambinom yorage, Eerigin lek o, mbake paga Koone yorage logorak ninikime kani wuninik kwak nowak enoona nenet unggwage, Yoraga'lek wone nggerembunuk, porogo wonage, Eeke paga Neebe abu ndeyak lombok ee'nake me, puk logorak meek ee'nake o.

Yeremiya 23:9

“Ala nen yegerak o,” yinuk, yoraga nen yorogwe iinok, Niniki abu wakkolage, naganak mondok wake, eeke agaarik o. Aliku ALA eeke menggerak paga, at oone pilit ariilik abet mban ari menggerak paga, An niyo kumili aganaka nenok kwak ee'nake, Anggur amburu nenok iniki lek age menggi kwak ee'nake, Eeke agaarik o.

Yeremiya 4:21

Ndiimbu walok eekwi nenegen kage neegak, ne mande ari nage, Ndi, oone nggwok eeka trompet oone pu eekwi naruk konengge neegak, ne mande age, Eerigin mbakop?

Yeremiya 4:5

“It o Yekura menggaarak inaruk paga pege, It Yerutalem menggaarak wone yoranet nage, Eeriyak nogo yi aret. An o omarip paga pa'nggwe nen aaninggin inoba piya wage, Abu alik negen eerogo piya wage, Eeke me, O yime abok aret oone nggwok eeka trompet nogo, Oone pu eeko logonip o, yorage, Kuwak eeppunuk, o kota-kota yugum pak wurik me time, Kole mbaganip o, yinuk, kuum-keek eerogo nappit nage, O Tiyon ena time o, ena time o, yinuk, ndiimbu walok eerogo nappuwak nduk, yorage, Puk aga'lek inagap ndakko'nok kole mbaganuwak nduk, yorage, Eeke logot o,” yinuk, yo'negerak me, yokkiragi o.

Yeremiya 42:14

ndi, kit nen, Lek o. Nit o Metit wim eekwi, oone nggwok eeka trompet nogo oonebu ari konenggwi, mbi abu nen yagan wakwi, eekulik me time ari nanuk logowok o, yinuk, yogwe, eekwi kiinok,

Yeremiya 49:2

“It Amon mendek inawi o kota Araba nogome wim eeriyak noone nggomooriyak eyom panggoni woraagin me, Noone ari neenok, o ti, yigirik-noonom eerogo logonogo pit lagangge, Ndi, enaagan-ambokan yaga'lelo lombok kani nenet nage, Eerigin o. Ti eeke neenok, aakumi nen it Iterali tebembiigo logonet, inanggween unde eekkologogwaarak nogo, Iterali nen it tebenogo piigo logonet, inanggween kolaagun o,” yinuk, Aliku ALA nen aret yegerak o.

Yeremiya 50:22

“O time wim nggoguk ari, o maluk eerogo pit nogwe, Eeko logonet, Inoone agan nogwe nogo konenit nogo agaarik o.

Yeremiya 6:24

It inabok agan wogwe nogo ninaruk konembunuk, ninaganak ngginuk ari, Kwe ambi elege ndariyak enegen paganak yagan wake menggi kwak, andi negen ee'ninake, Eeke agaarik o.

Yeremiya 8:18

An niniki abu puru aago wonage, Neebe andi negen ee'nabit unggwage, eeke me, Obeelom ee'naburak meek aret o.

Yeremiya 8:21

Yogo mbaka, an nen, “It aakumi an nowe-nawot iniki andi negen wonogwe iinok, An kunduk, niniki andi negen logonet, niniki puru ari, nomanggen tayok ari, eeke agaarik o.

Yeremiya 9:1

Nanobak me niyo yenggenak kwak wonage, Ndi, niyo kila-kila wundi wage menggi kwak, nenegen me nen wundi wage, Eeke logowak lak, ao! Togop aret logonetak en, it aakumi an nowe-nawot inoorak nogo liingge-oonikiya inale ari logonetak o.

Yeremiya 9:10

Puut-puut inom, o karume inom, time aakumi lek me, tu ti paga nugwi iige, Lembu-tapi iri'ngga mbanogo nenet nugu logonet, inoone yogwe konengge, Yi towe ndi towe wiga agan nugwi nogo mendek abu mbaganeegwaarak me nenegen ambi iige, Ndiimbu-nggwiya wonogwe me, nenegen iige, Eeka'lek me, Puut-puut eeppiinet noorak nogo inale ari, inaleenggu maake, Eeke logonet, O karume iri'ngga mbanogo nenet nugu menggam ariyak nogo kunduk, niniki puru ari logonet, inaleendawi piyanigin o.

Leendawi 1:16

Togop aret me, nale yikkolage, Nale amburu niyo negen wambit wage, Eeke agaarik o. An niniki eyak wappanega ambi ninom wonage, Niniki teeluk eerogo panega ambi koorok wonage, Eerak lek aret o. An nawim nogo inomaawi ambik lombok me, naagalogwe inamindik-inamendek mondok lek agagerak wonogo agaarik o,” Yinuk, ari agaarik o.

Leendawi 1:20

Kaliku ALA wae. Niniki abu piirik wonage yi, pe'neyet o. Niniki andi negen ee'nabit unggwage, Eeriyak yo'nege nogo, neebi mbakak eeke nagagirak paga niniki yi koonggak ndi koonggak eeke, Eeke agarik o. Endekem nen wooluwak paga inookwi, Ndi, akem nen kugilingga paga kanggwi, Eeko agaarik o.

Leendawi 2:11

An nanebunu mendek inenggaawak lek ogwe, Inapuri wologwe komologwe inom, elege ngget ndarak inom, o kota tu paga tu paga time inambuluk pit nogwe, Eekwi ti paga Le ari logonet nenegen piirogo panege, niniki andi lombok ee'nake, niniki awi lik-lek eerogo panege, Eeke agaarik o.

Ndaniyen 4:19

Yoreegerak at Ndaniyen endage ambi Mbelatatat nogo nen, “Yori ilik?” yinuk, iniki koonit unggwage kagak oonegen ambiriluk ambi age mbareegi, at aap endagembogut nen Mbelatatat nogo yoge logonet, “Mbelatatat wae. Nabinggaanggo kagarak eebe yokkigirak inom, Alom ndogop o, yinuk, yelok kagandak inom, ti paga kiniki piirik-paarik eerogo pagarak mage o.” Yoge mbareegi, at Mbelatatat nen, “Nogoba o. Kabi kagandak nogo it kinom wim mbanak a, kinom ogoorak a, eeppiyaawak lak, ao!

Ndaniyen 7:15

An Ndaniyen nen, Nabinggaanggo paga kagarak abok aret ti, nonggoti negen kagi, iya! yinuk, niniki piirik ee'nake mbaki,

Ndaniyen 7:28

Nabi kagarak alom kin paga yo'negerak nogo ti aret. Yo'nege mbaki, Wone yi, nonggoti yo'nege kagi? yinuk, an Ndaniyen nen niniki koonit nage logonet, niniki piirik lombok ee'nake, nagap nggilaame nek togon eerogo panege, eekerak kwe, aakumi ambi yoroolik nalik mban ninikime wonagarak o,” yinuk, liiru mbaneegerak ti aret.

Ndaniyen 8:27

Kage nagagirik, wone yo'nereegerak ti paga an Ndaniyen neebe mondok ndeyak lombok eerogo panege mbareegi, andi negen windak wonage neegak, ne mande negen agagerak. Age mbareegi, mi'na'nuk, at aap endagembogut nen eeriyak yo'nege nogo aret eeke logonet, nabinggaanggo kagagirak yelok koolik ti, “Nonggoti kagi?” yinuk, niniki koonit tit unggwage nagagirak.

Amot 3:6

O kota ambime oone nggwok eeka trompet nogo oone pu eekwi iinok, aakumi inogut nggigik ari menggerak lek mbakop? Ndi, at Aliku ALA nen it aakumi o kota ambime menggaarak nogo, aaninggin inoba kwippiyoorak koongga'lek kagak Aaninggin inoba kwi'nage menggerak mbakop?

Abakuk 3:16

Agan wage yi abok aret naruk konengge, niniki ma'nage, Nagabiti nen nambe lele ari, Nowak ne agan nage, Naganak ndik-ndik ee'nake, Eereegerak kwe kagak, It aakumi tebenogo pinani unggwogwe nogo, aaninggin inoba kwippiyorak eyom ari woraawak nduk, An niniki aanaganggenggwi lek tokkage logogin o.

Linggineegwaarak 10:9

Kit kiname wonogwe me, it kinawim nen kinooriyak eekwi nogo muguret wundi nogo logonet, trompet oone pu eekwi kiinok, Naliku kinogoba Ala an nen kinoba abeppunuk kinagap ndarigin o.

Oroma 10:1

Noreewi o. “Ala nen nowe-nawot Iterali mendek inagap ndaruwak lak, ao!” mbake logonet, inake tamban mban eeke minggirak.

1 Korindut 14:8

It aakumi wim namburuwok nduk, oone nggwok eeka trompet nogo oone pu abe eeka'lek kenok, nonggop togon it aap wim namburiyak nogo, inawuri lombok kuwak eeri woraagun mbakop?

Nggalatiya 4:19

Ai, napuri, kit an niniki kunik me, kumi elege enegen paganak yagan wako mengga kwak, kit Ala apuri arubagip nduk, an kinake yagan wake aret wonagagirak kwe, yogondak kit Keritut obaabut ndak-ndak arubagip nduk, ambinom yagan wake agarik o.

Owak Loongga 5:21

Niyo Kiton nogo ti, o maan mendek aret me, Ninawim nogo wogoren nage, Eeke kenok, Niniki yi wae. Ninogogumbuk eeppatinuk, wim eeko logowok o.