Yeremiya 4:14 - Ala Wone Peenok Peebi Mbanak

¹⁴ Kat Yerutalem yi wae. Maluk eeriyak kinikime koonit nage keegak, ne mande ari nagin o. Kagap ndaruwak nduk, komaluk kinikime wonage nogo abu nggarenogo mbo pege logot o.

Yeremiya 4:14 ပူးပေါင်းရင်းမြစ်များ

Ndawi 119:113

It aap iniki mbere wonogwe nogo Neebi lombok inombake minggirak kwe, Koone yugu Muta nen liiru mbaneegerak nogo perak, Niniki kundugu minggirak o.

Ndawi 51:2

Nomaluk abok aret koorogo panege, Maluk noba lenggennagaarak yi, mbeenogo panege, Eeru o.

Ndawi 66:18

An maluk eeriyak ninikime koongge logonet, Nogoba Ala yo'netak en, at aruk konenenetak lek kwe,

Kini Wuppiige 1:22

Iniki warak nen ari logonet, “Aap kiniki yuundurak yi wae. Kiniki koongga'lek ugun wonogwe, Kit meek eerogo piiga nen aakumi meek eerogo piyoorak kinikilom mbakwi, Kit kiniki lek wi negen nen wone nineenu ariyak, Nineebi o, mbakwi, Eekwi kiigak, Ne mande ari nagin o.

Yetaya 55:7

It aap maluk mendek nen eerit nugwi nogo mbo pugwi, It aap iniki maluk nen eeriyak koonogo pit nugwi nogo teppugwi, Eeko logomenggaarik, Yungguninuk iniyokan Aliku ALA owagam woraawak o. Owagam wogwe iinok, Aliku ALA it inabuwa nen teppiige, Yungguk togon ninogoba Ala ka wogwe iinok, Ala nen inomaluk ambi teppigin lek abok aret mondok lek eerogo piige, Eerigin o.

Yeremiya 13:27

At mbabilu eekko'net nage, Iniki aganggen nen, Ee'nabinip o, agan nage, Enggali mbaka'lek, Ee'nabinip, mban aap ugun-ugun yoranet nage, Eyoongga ku'mbanak me inom, yabu nggulaame inom, ogole warak lombok eerit nage nogo abok aret kagaarak me, At Yerutalem ti, abuwa o! Yiluk-maluk eerak kagak, ne mande logogin o?” yinuk, Aliku ALA nen yegerak me, yokkigi o.

Yeremiya 17:1

At Aliku ALA nen ari logonet, “It Yekura inomaluk ti, liiru mbangga irip mbuti kunik paga inom, Liiru mbangga irip yugum mee'nggen kunik paga inom, Yugum tabak paga kwak inikime mbanak wonage, Ndi, warogo kani kunggo menggam unggut-unggut to ari nogo paga ayo wogo wonage, Eerak aret agaarik o.

Yeremiya 18:11

It aakumi Yekura mendek inom, it o Yerutalem wonogwe nogo inom, wone yoroorak nogo yi aret. Naliku ALA nen it Yekura mendek inom, it o Yerutalem mendek inom, abet aret aaninggin nggwok mendek ambi eeppiyoorak pipuk eerogo pege, inoba kwippiyoorak koonogo piige, eeke me, it inalitik-inalitak maluk eekwi nogo mbo punuk, inobaabut alik ogwe, alik ngget mendek eekwi mamunggologwe, eeruwak, yegerak, yoret o. Ndi, yoramenggendak kwe,

Yeremiya 2:22

Wun yanengga paga punuk ineebe paga nggunggologwe, Tapon paga ngguu'mo wakak mban eekwi, Eekwi kwe, Maluk inoba lenggenak itok aret wonage iige agarik o,” yinuk, Aliku Itok Menggerak ALA nen yegerak me, yokkiragi o.

Yeremiya 6:19

It aakumi o nggween paga wonogwe ti, inaruk konenggwi, Eeko logowak o. It an napuri yi wone ndi wone yoragatak nogo liirogon konengga'lek taganogo pugwi, Eeko logorak wone yoragatak nogo mbo pugwi, Eeko logonet, Iniki koonogo punuk eerit nugwi paga an nen aaninggin mondok nggwok lombok it aakumi ti, inoba pege agarik o.

Yetikiyen 18:31

It Iterali mendek ti, nonggop nduk kambuwok, mbako agaarik? Noone yugu taganogo punuk maluk eerit nugwi nogo mbo punuk, iniki inom, inobaabut inom, alik ngget mendek eerogo pako logowak o.

Takariya 8:17

At ambi nen oreeluk ambi maluk eerogo puurak koonggwi, pilit kagak, Abet aret o, yinuk, kumbuk mbaniyak inikilom mbakwi, eekwi ti, abok aret an neebi lombok mbake me, eerugwaarik o,” yinuk, Aliku ALA nen aret yo'nege, eereegerak.

Matiyut 12:33

Yetut nen wone ambinom yorage logonet, “Eyo anggen obeelom yugu kogwe kenok ti, Ero obeelom paga aret yegerak, mbakwi, ndi, eyo anggen maluk yugu kogwe kenok ti, Ero maluk paga aret yegerak, mbakwi, eeko logonip o. Eyo ti, anggen yi'nage nogo paga kineenu arumunggup o.

Lukat 11:39

Mbake mbareegi, at ninogoba Yetut nogo nen, “Kit Pariti mendek nen aakumi inamendek yumbu-lambu agago kologwe inom, yi maluk ndi maluk eekwi inom, kinikime apit yagabit aago kagak, kinagiiwak-kinarenggap agabolo endekem mban kooko monggotak.

Yaya 13:9

Yoge mbareegi, at Timon Peterut nen, “Ai, ti kenok, nogoba o. Niyok mban lek o. Ata, neenggi-nanobak abok aret koo'nabu o.”

Nappiigak 8:22

Kat maluk eeriyak koonggendak ti, mbo punuk, kiniki mbakendak kogoba Ala nen lek eerogo pagawak nduk yoru o.

Oroma 1:21

It Ala ineenu aret logonet kwe, “Ti at Ala aret o,” yinuk, wogoppugwi, “Ala nogoba wa,” yinuk, keyage wakwi, eeka'lek logonet, iniki lek negen we ugun aret koonit nugwi me, iniki o apit negen kobak aago wonogo agaarik o.

1 Korindut 3:20

ndi, at ambi nen ari logonet, “It aakumi abok nineenu mbakak koonggwi nogo, Ala nen we aanom warogo aret koonggwi iige menggerak o,” yinuk, ari, yereegwaarak liiru mbanak wonage me,

Yakobut 4:8

Kit Ala owagam nogwe kiinok, at kunduk, kit kinowagam ari wage logogin o. Kit maluk eeko monggotak yi, kineenggi kookwi, ndi, kiniki mbere yi, ambit eeppunuk kinomaluk mbo pugwi, eeko logonip o.