Yeremiya 39:6 - Ala Wone Peenok Peebi Mbanak

⁶ o Iribila taati aret Terekiya enegen kagak apuri inoorogo piige, it Yekura inoweewi nagawan-nagawan nogo abok aret inoorogo piige, eeke nagagerik,

Yeremiya 39:6 ပူးပေါင်းရင်းမြစ်များ

Wakkagagerak 21:16

Teppege nagagerik, “An naagaluk nenegen neegak kambuurak ti neebi o,” mba'nuk, tayorogon maale namburik wobok yi nage menggim ndak-ndak kwi'nari nagagerak. Kwi'nage nagagerik, le nggwok yereegerak.

Wakkagagerak 44:34

At wulaga yi, ninom lek ninalik mban ninogoba wonage me nonggop togon noorak? An nogoba aaninggin-paaninggin alik negen oba age nogo nenegen koorak neebi o,” yinuk, yoreegerak.

2 Endagembogut 22:20

an o yi maluk eerogo puurak nogo, at kagak eerigin lek o. Ata, o yi abolok lek obeelom wonage kagak, ombomini kambunuk nogogwam nggwogoba wonogwe me, inom logowak nduk, nappigin, yegerak o, yinuk, yori nanip o,” yoragagerak. Yorage mbareegi, it nogogwaarak nogo wone yoragagerak wonok aap endagembogut yori wogogwaarak.

2 Endagembogut 25:7

Yogo nogogwaarik, at enegen kagak apuri inoorogo piinok, at enegen kilirogo pugwi, mbuti keele tembaga paga ogobakkigirik nogo paga eenggi-iyok maarogo pugwi, ee'nuk, wonok o Mbaben nogogwaarak.

2 Mbinineegwaarak 34:28

an o yi maluk eerogo pege, it aakumi yime menggaarak nogo aaninggin inoba kwippiige, eeke nogo, at wonage kagak eerigin lek me, enegen kaagin lek o. Ata, o yi abolok lek obeelom wonage kagak, ombomini kambunuk nogogwam nggwogoba wonogwe me, inom logowak nduk, nappigin, yegerak o, yinuk, yori nanip o,” yoragagerak. Yorage mbareegi, it nogogwaarak nogo wone yoragagerak wonok aap endagembogut yori wogogwaarak.

Yetaya 13:16

Inapuri awo ngget ndarak nogo inigen iigak taati aret ineebe nibik-nobak eerogo piigwi, Inamendek iname wonage abok aret pup eerogo waganggwi, Inakuwilogwe ugun-ugun aret wuginabit nogwe, Eerugun o.

Yetaya 34:12

It aap inengga warak nogo ti, aakumi inarum wonogwe lek aret age, Inoweewi nagawan-nagawan abok aret inenggaawak lek age, Eerak logogin me,

Yeremiya 21:7

Aliku ALA nen ari logonet, Ti eeke logominggirik, it Yekura inowe endagembogut Terekiya inom, aap endagembogut awuri inom, it aakumi kugilengga paga kanggwi, wooluwak paga warak kanggwi, mbi noogelo paga kanggwi, eeka'lek teppiyamenggerak it o kota yime menggaarak inom, nogo waganogo aap Mbaben inowe endagembogut Nebukanetat inom, it inooriyak eekwi inawim nogo inom, ineenggime piyaminggirak at aap endagembogut ti nen inabuwa mbake, ambi teppiige, obeelom eeppiige, eerigin mondok lek abok aret inoorogo piyaagin, yegerak, yori nabagip nduk, yokkiragi o.

Yeremiya 34:3

At Terekiya kunduk mbaganigin lek eebe pigaganggo logomenggaarik, wonok at Mbaben endagembogut eenggime pi nogwe iinok, it Mbaben inowe endagembogut enegen abe nen kage, inengga kunna'nuk wone mban-mban yogwe, eeppunuk, o Mbaben nagin o.

Yeremiya 38:23

Kakuwi-kapuri inom it aap Mbaben mendek ineenggime piyaagun o. Ndi, kat kunduk, it ineenggime nen kole mbaganumunggun lek aap Mbaben inowe endagembogut nen pikkake, o kota yi, kani mbelanogo pege, eerigin,” yo'negerak me yokkigi o.

Yeremiya 52:10

Yoge nagagerik, o Iribila taati, it Mbaben mendek inowe endagembogut nen at Terekiya enegen kagak apuri inoorogo piige, it Yekura mendek inom eeka inengga warak kunduk inoorogo piige, eeppunuk,

Yetikiyen 23:24

at tebenogo puwok nduk, ineegin-inomaale inom, nggweendo wim eeka inom, we ugun mendek inom, li'luk aago aakumi apit kuwak eerak inom wogo logomenggaarik, nggeemu nggwok inom, mbuuluk inom, waganggwi, petagi omaawi mendek yikwi, eeppunuk, oonda mbani ungguwok nduk, wanggekwi iigak, it nen maluk onggo at oba puwak nduk ineenggime piyaminggirak it aakumi inoone konenggwi lek iinok, eeppiigo mengga kwak ndak-ndak aret eeppugun o.

Tepaniya 1:8

Naliku ALA napuri ineebe lek eerogo piyoorak inayonggo piyareegirak ti eyom paga It aap inoweewi inendage warak inom, it aap inendagembogut inapuri inom, it aakumi inambik eeko menggaarak mugurok nogwe nogo inom, An nen it maluk eekwi onggo inoba kwippiige,

Pelaareegerak 28:34

Yi mendek ndi mendek eeppinagamenggaarak nogo kogo logomonggotik, kit eeriyak meek kenok, we kinigen kome yogwe ugun puk aret logomunggup o.