Yeremiya 39:18 - Ala Wone Peenok Peebi Mbanak

¹⁸ An nen at agap ndarigin me, wooluwak paga warak kambigin lek o. Iniki an noba panggombanegerak paga kugun wogoren nogo mengga kwak, agap ndarak aret logogin o, yinuk, Aliku ALA nen aret yegerak, yori nak o,” yinuk, yoreegerak.

Yeremiya 39:18 ပူးပေါင်းရင်းမြစ်များ

1 Mbinineegwaarak 5:20

Eeko logonet, “Yeenggwa niret o,” yinuk, inoone nggwok paga Ala yogo mbareegwa, iniki Ala oba panggombunuk, tamban eereegwaarak nogo, at Ala nen aruk konembunuk, yeenggwaarage logonet, it Kagari mendek inom ogogwaarak nogo abok aret ineenggime piige mbareegi,

Ayup 5:20

Mbi noogelo age paga kangge keyo, keebe unde wakkake, Wim eeko logonet wooluwak paga koorukwak kili eerogo pagage,

Ndawi 147:11

It aap at inagabiti ombakwi kenok perak, Aliku ALA nen inikilom mbake, Iniki kunik eeginabit wundi wage nogo Yi aap ndi aap iniki ti paga lunik wonogwe iinok, Ale'nggen inombake, Eeke menggerak o.

Ndawi 2:12

At Aput anini mbet-mbet mi'nage menggerak me, Kit eerit nogwe kiigak, Anini nen lek eerogo pinagukwak, At iyok paga pirik-perek yi wogo logonip o. Yi aap ndi aap at abu'me wonogwe nogo, Inale'nggen aret mbako menggaarak o.

Ndawi 33:18

Togop aret kwe, It aap Aliku ALA inagabiti mbakwi nogo Iniki kunik mban eeginake menggerak me, “Nit kunduk iniki kunik ee'nabigin o,” yinuk, Iniki at paga lunik wonogwe ti, It kanggwi iyo, inagap ndake, Mbi noogelo wonogwe kwe, Ineebe op logowak nduk eeppiige, Eerikit nduk, Aliku ALA nen enegen wogonake menggerak o.

Ndawi 34:22

At Aliku ALA nen, At ayeloman mini nogo wondet eerogo piige, Ndi, ineebe op logowok nduk abu'me ari unggwogwe nogo Aaninggin inoba kwippiiga'lek teppiige, Eeke menggerak o.

Ndawi 37:3

Kiniki Aliku ALA oba panggombunuk obeelom mban eekwi, Ndomba inikilom paga iri'ngga mili nenet nugwi kwak, Kit togop aret o nggween yi paga wonogo logonet, Abe wone mban mugurok nogwe,

Ndawi 84:12

Togop aret me, Komaawi Lombok Menggendak Kaliku ALA wae. It aap iniki koba panggombunuk menggaarak nogo inale'nggen aret wonogo logogun o.

Ndawi 91:7

Keeben abeenok aap ineebe seribu kanggwi, Keenggi abe'nggan aap ineebe sepuluh ribu kanggwi, Eerumenggaarak kwe, It inoba a'nuk kambemenggaarak nogo ti, Kat koba ari woraagin lek o.

Yetaya 26:3

Aap ambi Aliku ALA oba panggonak wonage kenok, iniki nu'lek wonage nogo, Iniki ugun mondok tayenak logowak nduk, Aliku ALA nen eeppege menggerak o.

Yeremiya 21:9

It o kota yime logorak mbakwi iinok, wooluwak paga, mbi noogelo paga, kugilingga paga, aret kambugun kwe, it o kota yime mbo punuk, it aap tebenogo piya ungguurak eekwi Mbaben mendek nogo iya wunggo logomenggaarik, Ninooriyak mage o, yorogwe iinok, inoorugun lek ineebe aret inagap ndakkolaagun, yegerak o.

Oroma 2:12

It aakumi endekem konenggulik mendek ti, at Ala nen Muta wone lengganogo yoreegerak ineenggo'lek logonet, maluk eeko logomenggaarak paga onggo eeppiyaagin kwe, Muta wone yoreegerak mugurok maluk onggo eeppiyaagin lek o. It Yakuri mendek perak, at Muta yoreegerak wone ineenu logonet kwe, maluk eeko logomenggaarak me, at Ala nen Muta wone yoreegerak ti paga panggombunuk iniki kwaake logomenggerik, owak looninabigin.

Epetut 1:12

Ti eeppinaniyak koonogo pereegerak nogo ti, “Nit nen, Keritut ndogop eeppinanigin o,” yinuk, aa'nduk abet mba'nuk, niniki at oba panggombereegurak nogo eerit nogwe paga Ala endage tiyak yuwak nduk, mii'ninabeegerak me, at alut eeko logowok o.