Yeremiya 38:7 - Ala Wone Peenok Peebi Mbanak

⁷ Wambeegerak wonage me, aap Kuti mendek ooli wogo aap endagembogut awi o nggwok abe wurik me eeke nagagerak endage Ebet-Melek nogo nen, Yeremiya niyo nggween kabunik me wuppereegwaarak aruk koneneegerak. Konembunuk, ne ti eyom paga aap endagembogut o kota tu unggwogo menggam endage Mbeniyamin taati kwi'ndak wonage me,

Yeremiya 38:7 ပူးပေါင်းရင်းမြစ်များ

2 Endagembogut 24:15

Eeke nagagerik, aap Yoyakin keele maarak o Yerutalem nen o Mbaben pi naakit nduk, eeke logonet, agalo inom, akuwi inom, awi arum menggaarak inom, aap o time inengga warak inom, wogonake,

Ndawi 68:31

Aap inendage warak o Metit nen mbuti tembaga paga Yi mendek ndi mendek ogobakkigirik wonok wogwe, It o Kuti mendek nen, “Ninarum wonage onggo o,” yinuk, Mbet-mbet kat Ala kiri wogwe, Eerugun o.

Kini Wuppiige 29:10

Aap aakumi inamiya nengga nogo nen aap iniki abe nogo ineebi lombok mbako menggaarak kwe, It iniki abe koonak nogo nen aap abe ti, ineebe inili yogo menggaarak.

Yetaya 56:3

It aap inambik ambi Aliku ALA apuri inom agagerak nogo nen ari logonet, “Aliku ALA apuri ninom kuwak eeke neenok, Mage, yo'nirigin mbaki o,” yinuk, ari, Ndi, it aap inooli wogo ambi nen, “An eyo mbuk kwak aret agarik o,” yinuk, ari, Eerugwaarik o.

Yeremiya 13:23

It aap Kuti mendek inagabolo mili nogo inagabolo laambu ariyak op mbaken? Ndi, mba'ngge eeruwak tikkarok aago nogo alik eekkoloorak op mbaken? Nogo ndak-ndak kat maluk kunik mban eeke menggendak nogo obeelom eeriyak ti meek aret keegi o.

Yeremiya 20:2

Ala nen yoge kagak yoraga Yeremiya nogo yawi warogo eenggi-iyok keele maappunuk, Aliku ALA awi wurik irimbaga tu unggwogo menggam endage Mbeniyamin nogome mambuwak nduk yoragagerak.

Yeremiya 26:16

Yorage mbareegi, it aap inoweewi inengga warak inom, it aakumi kuwak aago abok aret inom, nen it aap Ala unde kunduk, Ala nen yorage kagak yoraga kunduk, yorogo logonet, “Wologwe wae. Aap yi, Aliku ninogoba Ala yegerak kenok, yo'niragaarak me, eebe wariyak mondok mage o,” yinuk, yereegwaarak.

Yeremiya 29:2

Ti eereegerak nogo ti, it Yekura inowe endagembogut Yoyakin inom, at agalo kwe nggwok nogo inom, aap endagembogut awi o nggwok abe wurik me eyabu eeka inom, it aap inengga warak o Yekura mendek, o Yerutalem mendek, inarum menggaarak inom, it eyo paga, mbutiwak paga, ineenggi amburu lombok eeka inom, it abok aret o Yerutalem nen kugun wogoren o Mbaben piya nogogwaarak wonogwe iigak, liiru mbaneegerak.

Yeremiya 34:19

It aakumi o Yekura inoweewi inom, it kota Yerutalem inoweewi inom, aap endagembogut awi wurik me ake eeka inom, it aap an neebe unde inom, it aakumi o time menggaarak apit aret inom, nen tapi poorak peenok-peenok kagak tu oolo nogogwaarak ineebe ti,

Yeremiya 37:13

Mbeniyamin Tu Unggwogo Menggam ari nage me, it aap tu pak mbanak arum waka inowe Kananiya ombooluk at Telemiya aput Yeriya nogo nen at Yeremiya pippunuk, yoge logonet, “Wulaga! Kat aap Mbaben mendek kinom ariyak nduk wundi nage keegi o.”

Yeremiya 38:8

aap Ebet-Melek nogo aap endagembogut awi o nggwok wurik me nogome nen wundi wage nagagerik, aap endagembogut nogo yoge logonet,

Amot 5:10

It aap tu unggwogo menggam logonet, inowak loonggwi nogo kineebi inombakwi, Inowak loonggo logonet, liirogon mban inowak loonggwi nogo meek inombakwi,

Takariya 14:10

O Nggeba nen nok, kota Yerutalem ambokan o ame pa'nggwe kota Irimon kuli nggween ti abok aret, o Araba-Yoraran kobak nabunogo pereegi kwak eerogo pigin kwe, o kota Yerutalem perak, tu unggwogo menggam endage, Mbeniyamin, kuli nen nok, tu unggwogo menggam endage, Aa'nduk, kuli nen nok, tu unggwogo menggam, Unggu'me, kuli nen nok, o nggorek wurik Kananen kuli nen nok, aap endagembogut ake anggur aambiranggo menggam kuli, tiyarogon menggerak ndak-ndak aret eerogo pigin o.

Matiyut 20:16

Togop me, it peebi mendek nogo ti, inaa'nduk ogwe, ndi, inaa'nduk mendek nogo ti, peebi ogwe, eerugun o,” yinuk, yoragagerak.

Pelaareegerak 21:19

agalo-ogoba nen wulaga ti, wonok it inawi kota tu unggwi wogo menggam aap inoweewi wone mbangga wonogwe me taati pi nawak o.

Yotuwa 20:4

Aap nogo mbaganit o inagap ndake logowam ambime unggwi naakit nduk, tu unggwogo menggam taati mi'nari nage logomenggerik, it aap inoweewi o kota inagap ndake logowam wonogo logogun nogo yorage logonet, Wone alom yogop eekirak o, yinuk, liirogon mbininogo yorage kenok, it aap inoweewi nogo nen o kota nogome mambunuk, inom logowak nduk, o ambi wogorugun o.