Yeremiya 38:6 - Ala Wone Peenok Peebi Mbanak

⁶ Yorage mbareegi, it nen Yeremiya wonok aap endagembogut awi wurik tum waka inawoore'nggam aap endagembogut aput Malikiya aniyo kabunik me time eebe keele pugunogo wuppereegwaarak. Wuppogo mbareegwa, nggween kabunik nogo niyo yenggenak lek purok mban wonage me, Yeremiya nogo yobok togon wambeegerak.

Yeremiya 38:6 ပူးပေါင်းရင်းမြစ်များ

Wakkagagerak 37:24

at eebe waganogo mbuun me nogome mbo wuppereegwaarak. Mbuun nogo ti, niyo yenggenak lek woloonak aret wonagagerak.

Ndawi 109:5

An nen obeelom eeppiige neegak, onggo negen it nen an maluk eeppanugwi, Niniki kunik eeginake neegak, Onggo negen it nen ineebi lombok nombakwi, Eeko agaarik o.

Ndawi 40:2

Eeke nagaarik, aakumi lek ogo menggam mbuun ambe purok ambik me yobonak wonage me, At nen piyanogo nippani wage, Niyok waganogo yugum paga yappanege, Niyok yabegak naakit nduk panggonnake, Eekerak o.

Ndawi 69:2

Niyok ngga puubok nen purok alobok ambik me, yobok togon wangge, Niyo alobok nen neebe yubunnaburak eeke, Yi wu'nuk wage logonet aan lebennake, Eeke agaarik o.

Yeremiya 36:26

At aap endagembogut nogo nen it yogwi, nogo inoone konembunuk, puk ariyak op kwe, kagak aret, at aput endage warak Yera'meen nogo inom, Atiriyen aput Teraya inom, Aberen aput Telemiya inom, nen aap liiru mbangga Mbaruk kunduk, Ala yoge kagak yoraga Yeremiya kunduk, imbirak piginabi nawak nduk, yoragagerak kwe, Aliku ALA nen it aap ti, ineebe kumaappiyareegerak me, kwaariyoolik aret.

Yeremiya 37:16

Keele maarogo mambiigak o abu'na nggween nenaarogo pit nogogwam ambi me mambereegwaarak wonage kagak, o ndime ari nagagerak.

Yeremiya 37:21

Yoge mbareegi, at Terekiya nen at awi nggwok abe wurik arum waka inawoore'nggam, “Time logowak o,” yinuk, wone lengganogo yorage, ndi, “Tu it oroti worako menggam nen ko'lu-kii'me wonok iri wagak mban eekwi iigak, oroti ti lek aruwak o,” yinuk, yorage, eereegerak paga at Yeremiya nogo aap endagembogut awi nggwok abe wurik arum waka inawoore'nggam taati aret wonagagerak o.

Yeremiya 38:13

at Yeremiya niyo kabunik me nen keele pugunik nogo paga yabonogo nippi wogogwaarak. Nippi wogo mbareegwa, at Yeremiya nogo aap endagembogut awi nggwok abe wurik tum waka inawoore'nggam nogome aret wonagagerak.

Yeremiya 38:22

It kumi aap Yekura inowe kendagembogut kawi o nggwok abe wurik me wonogwe nogo wogoren aap Mbaben inowe endagembogut awuri inengga warak inowagam piya wogwe iinok, inoone nggwok paga kat yokkogo logonet, Koreewi lombok nen pilit pugunogo yokkugwi, tebenogo pagagwi, eekaarak o. Kiyok purok me yobok togon wangge keegak, it koreewi ti, mbo paganuk nagaarak, yokkogo logogun o,

Ndaniyen 6:16

Yogo mbareegwa, at aap endagembogut nogo nen, “Ndaniyen wa nanuk, mbuun ambena singa wonogwe me mbo wuppinip o,” yoragagerak wuppugwi iigak, “Kat ko'lu-kii'me alut eekak mban eeke menggendak kogoba Ala nogo nen aret kagap ndarigin o,” yinuk, at aap endagembogut nogo nen Ndaniyen yoreegerak.

Takariya 9:11

Aliku ALA nen ari logonet, “Kit perak, ninom wone abuk nggaruk togon koonogo punuk, abet mbaruwok nduk amiya kilirogo pereegurak ti paga Nggween kabunik niyo lek menggi kwak, It kit mendek keele maageren mbo piya nogogwam wonogwe me nen wondet eerogo wumbiya woraagin o.

Nappiigak 16:24

Aruk wareegwaarak nogo konembunuk, o ko ogoorak oolo aken time mbo mambiige nagagerik, iniyok eyo paga mbet tebenogo piyareegerak.

Iberani 10:36

At Ala nen ari logonet, “At woroorak nogo ti, elaambirik logonuk woraagin lek o. At mbet-mbet aret woraagin me, it an napuri iniki abe koonak nogo nen iniki noba panggombunuk abet mbakwi iinok perak, mondok-mondok ineenik aret logogun o. Ndi, it abet nombakwi nogo mbo pugwi iinok ti, an inabuwa inombarigin lek o,” yinuk, yereegerak me, Ala nen kit eeko logorak kinombareegerak nogo, abu eekwi kiinok, wokkiroorak yereegerak nogo wokkiraawak nduk, maluk eeppinagagwi iigak kwe, kinogogumbuk logonet, waganggo logonip o.