Yeremiya 38:5 - Ala Wone Peenok Peebi Mbanak

⁵ Yogo mbareegwa, at aap endagembogut Terekiya nen onggo it yorage logonet, “Kit eeriyak yogwe ti, nendagembogut an nen non mbanogo pinagarak meek me, at eeppuurak mbakotak nogo kinobaalombok eeppumunggup o.”

Yeremiya 38:5 ပူးပေါင်းရင်းမြစ်များ

2 Tamuwen 19:22

Ari mbareegi, at Ndawut nen onggo yoge logonet, “Kwe Teruya aagalogwe kit yi, wone at yegerak yi ti, an nobaalombok kagak, kit nonggop nduk ninom ogookkologo ogotik? An yogondak iluk yi aret aakumi Iterali inowe nendagembogut ari nage neegak, aap Iterali mendek ambi wariyak nduk, yogo ogotik?”

2 Tamuwen 3:39

Kinowe nendagembogut an aret amburu eerogo mippanggerak kwe, nomaawi lek aret wonage neegak, kwe Teruya aagalogwe yi, inomaawi ambik aret agaarak me, at Aliku ALA nen it maluk eeppegaarak nogo, onggo ndak-ndak aret eeppiige logogin o,” yinuk, yoragagerak.

Kini Wuppiige 29:25

Aakumi paga inagabiti mbarit nugwi ti, keele pugu kwak inenggaanok nggerenggologo menggaarak kwe, Iniki Aliku ALA oba panggombugwi nogo perak, tu kuuri'me aret nugu menggaarak.

Yeremiya 26:14

Ndi, an perak, kit kineenggime aret agarik o! Kineenggime wonage me, eeke neegotak nogo ndak-ndak eeppaniyak kenok ti, op aret o.

Yeremiya 37:17

Ari nage mbareegi, ne ambi paga aap endagembogut Terekiya nen aap endagembogut awi o nggwok abe wurik me at Yeremiya nogo pi woraawak nduk, yoragagerak wonok pi wogo mbareegwa, kote yoge logonet, “Aliku ALA nen wone ambi yokkegerak ilik?” Yoge mbareegi, “Ambi wonage o! Kat keebe waganogo aap endagembogut Mbaben mendek eenggime pagagun, yegerak o.”

Ndaniyen 6:16

Yogo mbareegwa, at aap endagembogut nogo nen, “Ndaniyen wa nanuk, mbuun ambena singa wonogwe me mbo wuppinip o,” yoragagerak wuppugwi iigak, “Kat ko'lu-kii'me alut eekak mban eeke menggendak kogoba Ala nogo nen aret kagap ndarigin o,” yinuk, at aap endagembogut nogo nen Ndaniyen yoreegerak.

Ndaniyen 6:17

Yoge mbareegi, mbuun ambena wuppereegwam nogome yugum tabak ambi waganogo ambe nogo nobappereegwaarak. Yugum nobappereegwaarak nogo paga aap endagembogut nen, “Wumbuurak mage,” ineenu aruwak nduk, at eenggime yirik nogo paga amburu pege, at awuri nagawan-nagawan ineenggime yirik nogo paga amburu pugwi, eereegwaarak.

1 Tamuwen 15:24

Yoge mbareegi, at Tawun nogo nen Tamuwen yoge logonet, “An abet aret maluk eekirak o. Aliku ALA nen, Yogop eeru o, yinuk, yo'negerak nogo inom, nogoba kat nen yo'negendak nogo inom, taganogo pege nagarik, an nawuri ineebe paga nagabiti nen inoone yo'negaarak nogo konembunuk, eekirak o.

1 Tamuwen 29:9

Yoge mbareegi, at Akit nen onggo yoge logonet, “It Ala yonggo malayikat mendek ninikilom mbake minggi kwak kat togop aret kombake minggirak ti, neenu aret kwe, it aap Pilitin ineegin warak inoweewi nogo nen, At ninom wim namburi noorak lek o, yagaarak me,