Yeremiya 38:28 - Ala Wone Peenok Peebi Mbanak

²⁸ Ndi, at Yeremiya nogo aap endagembogut awi nggwok abe wurik arum waka inawoore'nggam wonage kagak Yerutalem tebeni unggwi wogogwaarak.

Yeremiya 38:28 ပူးပေါင်းရင်းမြစ်များ

Ndawi 23:4

An tu nggelo'me o apit paga nage neegak, Kat nimbirak nage me, “Maluk noba ariminggi ilik?” yinuk, Nagabiti mbakak nagin lek o. Kowaanggun inom, kandomba wogoninaka ya'nggage inom, Ti paga niniki eyak wappanege menggendak o.

Yeremiya 33:1

At Yeremiya nogo aap endagembogut awi wurik arum waka inawoore'nggam awo keele maarak wonage me, Aliku ALA nen wone ambinom yoreegerak nogo yi aret.

Yeremiya 37:20

Nogoba kendagembogut wae. An yokkirikit mbakirak yogondak yokkege yi, mbo puurak mage o. Ata, karuk liirogon konengge logot o. O apit inake liiru mbangga aap Yonatan ame niyokan nappanege keenok, kambigin aret me, time nappaniyak mage o.”

Yeremiya 37:21

Yoge mbareegi, at Terekiya nen at awi nggwok abe wurik arum waka inawoore'nggam, “Time logowak o,” yinuk, wone lengganogo yorage, ndi, “Tu it oroti worako menggam nen ko'lu-kii'me wonok iri wagak mban eekwi iigak, oroti ti lek aruwak o,” yinuk, yorage, eereegerak paga at Yeremiya nogo aap endagembogut awi nggwok abe wurik arum waka inawoore'nggam taati aret wonagagerak o.

Yeremiya 38:13

at Yeremiya niyo kabunik me nen keele pugunik nogo paga yabonogo nippi wogogwaarak. Nippi wogo mbareegwa, at Yeremiya nogo aap endagembogut awi nggwok abe wurik tum waka inawoore'nggam nogome aret wonagagerak.

Yeremiya 38:27

Yoge mbareegi, it aap inengga warak nogo abok nen Yeremiya ka wogo nogogwaarik, eegwa'me waganggo mbareegwa, at aap endagembogut nen, “Wone yogop yoraanu o,” yoreegerak nogo ndak-ndak aret yoragagerak. Yorage mbareegi, wone aap endagembogut imbirak yereegwaarak nogo, aakumi ambi ineenu arulik me, ambinom yoroolik mbo punuk nogogwaarak.

Yeremiya 39:13

aap endagembogut wonok nega inowe Nebutararan inom, aap endagembogut awi o nggwok abe wurik me arum menggaarak inowe Nebutiyataban inom, aap nagawan ambi Neregan-Taretet inom, aap it Mbaben mendek inowe endagembogut awuri inengga warak eegu inom, abok aret nen Yeremiya nogo

Yeremiya 39:14

aap endagembogut awi wurik arum waka inawoore'nggam wonage me time nen piinogo wumbuwak nduk, yorogogwaarak piinogo punuk, aap Tapan ombooluk Akikam aput Nggeraliya nen at Yeremiya ame lombok pi nawak nduk, wogori wogogwaarak at nen wonok ame pi nage mbareegi, owe-awot inenggela'me ugun aret wonagagerak.

Yeremiya 39:15

At Yeremiya nogo aap endagembogut awi o nggwok abe wurik arum waka inawoore'nggam awo keele maarak wonage me, Aliku ALA nen wone yoreegerak nogo yi aret.

2 Timotiyut 3:11

Ndi, an o Andiyokiya inom, o Ikoniyum inom, o Litera inom, wonage me, piyak-payak ee'-nakwi iigak, nogogumbuk logonet wagangge nagagirak kwak, yogondak ee'nakwi iinok, wagangge minggirak abok aret kat keenu aret o. An o time wonage me eeppanugwi iigak, nogogumbuk logonet wagangge neegak, nowe nen nagap ndareegerak me, iya!