Yeremiya 38:17 - Ala Wone Peenok Peebi Mbanak

¹⁷ Yoge mbareegi, at Yeremiya nen Terekiya yoge logonet, “At Omaawi Lombok Menggerak Iterali inogoba Aliku Ala nen yegerak nogo yi aret. At Terekiya nogo wundi nage logomenggerik, Wim mage o, yinuk, aap endagembogut Mbaben mendek awuri inabu'me tebe yi nage kenok, ili eerogo pugwi, o kota ti, kani mbelanogo pugwi, eerugun lek at apurilogwe inom ineenik aret logogun o.

Yeremiya 38:17 ပူးပေါင်းရင်းမြစ်များ

2 Endagembogut 24:12

aap Yekura inowe endagembogut Yoyakin inom, agalo inom, inom eeko menggaarak inom, aap inengga warak inom, at awi arum menggaarak inom, abok aret, “Wim mage o,” yinuk, ka wundeegwaarak. Ka wunggo mbareegwa, aap Nebukanetat nen aap Yoyakin keele maarogo pereegerak. Ndi, aap Nebukanetat nogo aap Mbaben mendek inowe endagembogut logonet, wone lengganogo yorage kagak, tahun 7 eeppunuk, ambi age ti eyom paga aap Yoyakin keele maarogo pege nagagerik,

2 Endagembogut 25:27

Ndi, aap Yekura endagembogut Yoyakin wonok, o Mbaben keele maarogo mbo pi nagagerak wonage kagak, tahun 36 eeppunuk, ambi age paga aap Ewin-Merorak o Mbaben inowe endagembogut agagerak. Age nagagerik, tahun ti paga tut 11 penembunuk, ambi penenak tanggal 27 paga, at Yoyakin nogo keele maarogo mambiigo menggam wonage me, piinogo wumbereegerak.

Etara 9:4

Kwi'nage nagagirik, wonage neegak, it aakumi wogoren piya nagagerak wogogwaarak nogo nen wone yugu liippega'lek ugun eerit nugwi iinok, it Iterali ando inogoba Ala wone yereegerak inagabiti mbakwi nogo nen an wonage me kuwak ari wogogwaarak wonogwe iigak, an nomanggen tayok yereegerak kwi'ndak wonage neegak, o kiyoma Ala ake warogo wogogo menggam kuli aret ari nagagerak.

Ayup 23:13

Ala ti, iniki alik agak eekeelik aret me, Aap ta nen at eeriyak mbake nogo, non mbanogo pigin mbakop? At iniki mbake nogo mban aret eeke,

Ndawi 80:14

Togop aret me, Komaawi Lombok Menggendak Ala wae. Kena aa'nduk menggendak ndak-ndak kena koonogo na'niya wage, Mbogut paga nen kenegen wu'niya wage, Eeru o. Keenggi abe'nggan paga eyo awi yake, Kat kaput kwak eyo eno'mbak wiganogo pit nage, Eekkolagagindak yi, Liirogon ndegengge logot o.

Ndawi 80:7

Komaawi Lombok Menggendak Ala wae. Nit aa'nduk wonogogukwak eerogo pinani wage, Ninagap ndarak logowok nduk, Kena koonogo pe'niige logonet, Keya ninoba pindanogo pinanege, Eeru o.

Yeremiya 27:12

Ndi, wone eerogo nappiyareegirak nogo ndak-ndak it Yekura inowe endagembogut Terekiya yoreegirak. Yoge logonet, “Eyo aaninggin tapi inuut paga pogo mengga kwak, aap Mbaben inowe endagembogut nen eeriyak aaninggin kinoba pinagage kenok, E o. Eeko logowok o, yinuk, abu'me logonet ake eekwi, aakumi at apuri nogo inake eekwi, eekwi kiinok, kinagap ndarak aret logomunggup o.

Yeremiya 27:17

inoone konenugwaarik o. Ata, it Mbaben mendek inowe endagembogut oone konembunuk, ake eekwi iinok, inagap ndarak aret logogun o. O kota yi, nonggop nduk, yinik-minik aago mban logorak?

Yeremiya 27:8

It aakumi inanebunu ambi nen a, aakumi inabu'me piigo menggam ambi nen a, aap Mbaben mendek inowe endagembogut Nebukanetat ayeloman a'nuk, Ake eekwi nineebi, yogwe, eyo aaninggin tapi inuut paga pogo mengga kwak, At Nebukanetat nen aaninggin ninoba pinaniyak nineebi, yogwe, eekwi iinok, an nen it aakumi ti, wooluwak paga inoorogo piige, mbi noogelo inoba piige, kugilingga inoba kwippiige, eeke neegak, aap ti nen aakumi ti, tigippiige logowak nduk, eenggime pigin o, yinuk, Naliku ALA nen aret yagi o.

Yeremiya 39:3

Langgunogo pogo nogogwaarik, aap Mbaben mendek inowe endagembogut awuri inengga warak, aap Neregan-Taretet inom, aap Tanggat-Nebo inom, aap endagembogut awi nggwok abe wurik arum menggaarak inowe Tarekim inom, aap nagawan Neregan-Taretet inom, aap it Mbaben inowe endagembogut awuri inengga warak eegu inom, tu endage, Oolo Unggwogo Menggam time kwi'nari unggwogogwaarak.

Yeremiya 40:9

Ka wogo mbareegwa, at Tapan ombooluk Akikam aput Nggeraliya nogo nen it inawuri inom wogogwaarak nogo yorage logonet, “It aap Mbaben mendek inabu'me logonet, inayuk wuriyak kinagabiti mbariyak mage o. Ata, o yime wonogo logonet, aap Mbaben inowe endagembogut abu'me logonet, ayuk wukwi kiinok, kineebe op aret logomunggup o.

Yeremiya 44:7

At Omaawi Lombok Menggerak Iterali inogoba Aliku Ala nen yegerak nogo yi aret. “It eekwi paga aap inom, kumi inom, wologwe-komologwe inom, elege awo ngget ndarak inom, inenggaawak lek eerogo pakwi me, it Yekura mendek ando yumbunogo teppiyoorak lek, lek eerogo piyoorak eekwi ti, nonggop nduk, Aaninggin togop aret eeppinanuwak o, yinuk, eeko agaarik o?

Yetikiyen 8:4

Pani nage mbareegi, Iterali inogoba Ala tiyanak lombok eya aago o kobappaga niyo Kebat aa'nggi paga aa'nduk nabinggaanggo kagagirak nogo ndak-ndak, taati wonage kagagirak.

Amot 5:27

An nen wogoren o Ndamitik kagak nda time mbo piya nagin o,” yinuk, at Omaawi Lombok Menggerak endage Aliku ALA nen aret yegerak me, yokkiragi o.