Yeremiya 38:13 - Ala Wone Peenok Peebi Mbanak

¹³ at Yeremiya niyo kabunik me nen keele pugunik nogo paga yabonogo nippi wogogwaarak. Nippi wogo mbareegwa, at Yeremiya nogo aap endagembogut awi nggwok abe wurik tum waka inawoore'nggam nogome aret wonagagerak.

Yeremiya 38:13 ပူးပေါင်းရင်းမြစ်များ

Wakkagagerak 37:28

“Op aret o,” yinuk, wonogwe me, it aap Miriyan mendek yi mendek ndi mendek kungga nogo wogo mbareegwa, at Yutup mbuun me wonage nogo oweewi nen nippi wogo nogogwaarik, aap Itamayen mendek nogo wogorogo mbareegwa, onggo wu mbuti perak 20 wogorogo nogogwaarik, Yutup wonok o Metit nogogwaarak.

1 Endagembogut 22:27

Aap endagembogut nen, Aap yi keele maarogo mambiigo menggam time mambogo logomenggaarik, oroti inom, niyo inom, mbuuluk wogoremenggaarak ti mban nengge kagak, an obeelom aret woroorak kuli ari nawak, yegerak, yoraamunggup nduk, eebe pigaanip o.”

Nekemiya 3:25

ndi, unggut me nogo panggombunuk, aap endagembogut awi o nggwok abe wurik arum menggam oore'nggam o nggorek wurik kuli aap Utayi aput Palan nen ogobakkigirogo pit nage,

Kini Wuppiige 29:10

Aap aakumi inamiya nengga nogo nen aap iniki abe nogo ineebi lombok mbako menggaarak kwe, It iniki abe koonak nogo nen aap abe ti, ineebe inili yogo menggaarak.

Yeremiya 26:16

Yorage mbareegi, it aap inoweewi inengga warak inom, it aakumi kuwak aago abok aret inom, nen it aap Ala unde kunduk, Ala nen yorage kagak yoraga kunduk, yorogo logonet, “Wologwe wae. Aap yi, Aliku ninogoba Ala yegerak kenok, yo'niragaarak me, eebe wariyak mondok mage o,” yinuk, yereegwaarak.

Yeremiya 37:21

Yoge mbareegi, at Terekiya nen at awi nggwok abe wurik arum waka inawoore'nggam, “Time logowak o,” yinuk, wone lengganogo yorage, ndi, “Tu it oroti worako menggam nen ko'lu-kii'me wonok iri wagak mban eekwi iigak, oroti ti lek aruwak o,” yinuk, yorage, eereegerak paga at Yeremiya nogo aap endagembogut awi nggwok abe wurik arum waka inawoore'nggam taati aret wonagagerak o.

Yeremiya 38:12

Wuppege logonet, aap Kuti mendek Ebet-Melek nogo oone nggwok paga Yeremiya yoge, “Keele kagabolo mbanukwak, yum maluk nibinik ti, kane'nggen me nabenogo pu o.” Yoge mbareegi, yoreegerak ndak-ndak eekkolage mbareegi,

Yeremiya 38:28

Ndi, at Yeremiya nogo aap endagembogut awi nggwok abe wurik arum waka inawoore'nggam wonage kagak Yerutalem tebeni unggwi wogogwaarak.

Yeremiya 38:6

Yorage mbareegi, it nen Yeremiya wonok aap endagembogut awi wurik tum waka inawoore'nggam aap endagembogut aput Malikiya aniyo kabunik me time eebe keele pugunogo wuppereegwaarak. Wuppogo mbareegwa, nggween kabunik nogo niyo yenggenak lek purok mban wonage me, Yeremiya nogo yobok togon wambeegerak.

Leendawi 3:58

Nogoba wae. An nawone mondok koonogo panege, Neenik logokit nduk, nagap ndarogo panege, Eereegindak o.

Nappiigak 23:35

“Inoone koba lenggenggaarak ti, wogwe iinok, alom kwaaruwok o,” yoge nagagerik, “Keroret awi nggwok wurik me wonok nogo logomonggotik, arum logonip o,” yinuk, apuri yoragagerak.

Nappiigak 24:27

At Pelikit nen, “It Yakuri inikilom nombaruwak o,” yinuk, Pawulut keele maarak piinogo wumbega'lek kagak, tahun mbere eeppunuk, at obaane'me Perikiyut Petut mippereegwaarak.

Nappiigak 28:16

O Oroma unggwogo mbareegu, aap eegin warak ambi arum logowak nduk mippereegerak nogo, at Pawulut imbirak inalik logowak nduk, o ambi unde eeppereegwaarak.

Nappiigak 28:30

Tahun mbere eeke kagak, o luulu logorak onggo pegak eeke me nogome wonage me, at owagam wogwe iinok, abok aret keyage wappiige nagaatik,