Yeremiya 38:10 - Ala Wone Peenok Peebi Mbanak

¹⁰ Yoge mbareegi, aap endagembogut nogo nen at aap Kuti mendek Ebet-Melek nogo yoge, “Aap Ala yoge kagak yoraga ti, eebe awo kangga'lek kagak niyo kabunik me nen pilanogo nippi woraawak nduk, aap ineebe 30 yime nen wogoren nak o.”

Yeremiya 38:10 ပူးပေါင်းရင်းမြစ်များ

Etet 5:2

aap endagembogut nogo nen at akwe kwe nggwok Etet ko kole ogoorak nogome mi'ndak wonage enegen kage nagagerik, abuwa nen owaanggun mbuti emas paga ogobakkigirik eenggime wonage nogo Etet titik ege mbareegi, at Etet nen owagam wage nagagerik, waanggun abo nogo eenggi mbaanggagagerak.

Etet 8:7

Yoge mbareegi, aap endagembogut Akatiwerot nen kwe nggwok Etet aap Yakuri mendek Morekayi imbirak yorage logonet, “Aap Kaman nogo it aakumi Yakuri mendek apit aret inooriyak nduk wone lengganeegerak paga Kaman enggaanok keele yilinogo pogo mbaka, amindik-amendek abok aret waganogo kat Etet wokkigirak o.

Ndawi 75:10

It aap maluk mendek inomaawi nogo, at Ala nen lek eerogo piige logonet kwe, It aap iniki abe koonak nogo perak, inomaawi ambik eeppiige logogin o.

Kini Wuppiige 21:1

Aap endagembogut iniki nogo ti, Aliku ALA eenggi paga wonage me, “Niyo time aret nage logowak o,” yinuk, koonogo pegetak nage menggi kwak, “Aap endagembogut iniki ndogop koonuwak o,” yinuk, eeppege menggerak.

Yeremiya 38:11

Yoge mbareegi, at Ebet-Melek nogo aap ineebe 30 wogoren aap endagembogut awi o nggwok abe wurik me yi mendek ndi mendek pugu menggim ko ambime unggwi nanuk, yum nibinik inom, yum yirik wonagaatak mbo pugu inom, wagangge nagagerik, keele pugunogo Yeremiya niyo kabunik me wonage me wurabeegerak.

Yeremiya 38:7

Wambeegerak wonage me, aap Kuti mendek ooli wogo aap endagembogut awi o nggwok abe wurik me eeke nagagerak endage Ebet-Melek nogo nen, Yeremiya niyo nggween kabunik me wuppereegwaarak aruk koneneegerak. Konembunuk, ne ti eyom paga aap endagembogut o kota tu unggwogo menggam endage Mbeniyamin taati kwi'ndak wonage me,

Yeremiya 38:9

“Nowe kendagembogut wae. It aap yi nen Ala yoge kagak yoraga Yeremiya eebe waganogo niyo kabunik me wuppegaarak nogo, o kota yime oroti abu lek arit nage paga kambuwak nduk, eekaarak ti, mondok maluk aret eekaarak o.”