Yeremiya 37:2 - Ala Wone Peenok Peebi Mbanak

² Mippereegerak aret kwe, at Terekiya inom, at inom eeka inom, it aakumi o time menggaarak inom, Aliku ALA nen Yeremiya yoge kagak it yorage nogo liippega'lek aret wonogogwaarak.

Yeremiya 37:2 ပူးပေါင်းရင်းမြစ်များ

2 Tamuwen 10:2

Age mbareegi, at Ndawut nen ari logonet, “At Kanun ogoba Nakat nogo ti, an iniki kunik ee'nake logonet, obeelom eeppanege nagagerak nogo kokwak, aput Kanun niniki kunik logonet, obeelom eeppikit o,” yinuk, ogoba kambeegerak iniki eyak wappuwak nduk, at inom yabu eeko menggaarak nogo nappiyareegerak. Nappiyareegerak nogo, o Amon ari nogo mbareegwa,

2 Tamuwen 12:25

Natan yoge, “Wulaga ti, an niniki kunik aret me, at endage, Yeriya, tooni nak o,” yoreegerak.

1 Endagembogut 14:18

Kangge mbareegi, nggween taambunuk, at Aliku ALA nen ayeloman Ala yoge kagak yoraga Akiya yoreegerak nogo ndak-ndak, it aakumi Iterali mendek abok aret erabun ndoombunuk, aleenggu maako nogogwaarak.

1 Endagembogut 16:7

At Mbayeta nen Aliku ALA enegen kagak maluk ambik eerit nage paga Aliku ALA anini mbaruwak nduk, eeppereegerak kenok, aap Yerobeyam paga wiganak inom maluk eerit nogwe iinok, Aliku ALA nen inenggaawak lek eerogo piyareegerak nogo ndak-ndak, aap Mbayeta paga wiganak inom eeppiyoorak Aliku ALA nen aap Kanani aput Yeku yoreegerak nogo ndak-ndak, inenggaawak lek eerogo piyareegerak ti aret.

2 Mbinineegwaarak 36:11

Aap Yerekiya nogo, ndarak kagak tahun 21 age paga endagembogut a'nuk o Yerutalem logonet, wone lengganogo yorage kagak, tahun 11 eereegerak.

Wundeegwaarak 4:13

Yoge mbareegi, at Muta nen, “Lek o, nogoba. Aap ambi oone abe ari menggerak kero, nappet o.”

Kini Wuppiige 26:6

Aap ambi nen aap iniki lek wi negen yaga nogo wone eerogo nappi wage ti, Iyok kalenogo pake, aakumi inooka amburu nunggwi kwak aaninggin oba kwippake, Eeke menggi kwak aret wonage menggerak.

Kini Wuppiige 29:12

Aap aakumi inarum menggerak nen inoone pilit agan nugwi nogo liippege kenok, awuri inom eeko menggaarak abok aret ineraambe maluk ogo menggaarak.

Yeremiya 34:2

“Iterali inogoba Aliku Ala nen, Kat aakumi Yekura inowe endagembogut Terekiya wonage me nanuk, wone yoriyak nogo yi aret. At Aliku ALA nen ari logonet, O kota Yerutalem yi, aap endagembogut Mbaben mendek eenggime pikit nduk eeke me, ti pege neenok, at nen o kota yi, kani mbelenogo pigin o.

Yetikiyen 21:25

Ndi, Ala wone liippegeelik maluk eeka omaluk onggo irip paga eeppuurak muk panggoni wagaarak Iterali inowe nagawan ti,

Oteya 12:10

It an nen yorage neegak yoraga nogo wone yorage, Inabinggaanggo paga yorage, An yorage neegak yoraga nogo wone eegu laarogo yorage, Eeke nagagirak o,” yinuk, yegerak me, yokkiragi o.

Ala Unde 8:36

Yorage mbareegi, aap Karun apuri inom nen Aliku ALA nen Muta yoreegerak nogo ndak-ndak abok aret eereegwaarak.

1 Tetalonika 4:8

Togop me, aap ambi nen, “Wone yi, Ala nen yegerak lek o. Aakumi nen aret yagaarak o,” yinuk, taganogo mbo pege kenok, at nen aakumi mbo piige ti lek o. Ata, at Aberiniki wo'nirage Ala nogo aret mbo pege menggerak o.