Yeremiya 37:18 - Ala Wone Peenok Peebi Mbanak

¹⁸ Yoge nagagerik, at Yeremiya nen aap endagembogut Terekiya nogo wone ambi yoge logonet, “Kat inom, kawuri kinom eeka inom, aakumi o yime wonogwe inom, maluk ngge eeppinagagirak kenok, an keele maarogo mambiigo menggam mambanggotak?

Yeremiya 37:18 ပူးပေါင်းရင်းမြစ်များ

Wakkagagerak 31:36

Eeke mbareegi, at Yakup enete aagi wu eeppunuk, Laban mberege logonet, “Nami o. An nano eekirak? An maluk ngge eeppagagirak paga kat mu'neren-ma'neren nege agandik?

Kini Wuppiige 17:13

Aap ambi nen at obeelom eeppege kagak onggo maluk aret eeppege kenok, At ame maluk mban aret wonage logogin o.

Kini Wuppiige 17:26

Aap maluk eeka'lek obeelom wonage kagak, maluk onggo eeppugwi, Aakumi inoweewi koonak eeppiigwi iigak, yawi inookwi, Eeriyak ti, maluk aret o.

Yeremiya 26:19

Wone ti yoragagerak paga it Yekura inowe endagembogut Kitikiya nen ilik, it aakumi Yekura menggaarak abok aret nen a, Mika warogo pereegwaarak mbakop? At Kitikiya nogo Aliku ALA agabiti mbake logonet, Ninabuwa mbaru o, yinuk, yoreegerak nogo lek a? Ndi, yoge mbareegi, Aliku ALA nen aaninggin eeppiyoorak yoragagerak nogo eeppiyoolik iniki yanggoppunuk, puk agagerak nogo lek a? Puk agagerak kwe, nit yi perak, aaninggin mondok iya lombok mendek ninoba kwippatiyak nduk, eeko ogoorik o,” yinuk, yorogogwaarak.

Ndaniyen 6:22

yoge nagagerik, “Nogoba Ala nen an maluk ambi eeka'lek ugun wonage neege, ndi, kat nogoba kendagembogut kenggaanom paga kunduk, an maluk eeka'lek wonage neege, eeke nagaarik, singa inambe narogo puwak nduk, malayikat nogo ambi nappi wagaarak inambe narogo piigerak me, ineyak nibinnaka'lek an ugun agarik o.”

Yaya 10:32

Waganggo mbareegwa, Yetut nen it yorage logonet, “An obeelom eeke logorak nogoba nen yo'nereegerak nogo kit kaabagip nduk, apit aret eeke nagarak kwe, ngge eekirak paga kit yogondak yugum paga an nooriyak nduk, eeko ogotik?”

Nappiigak 23:1

At Pawulut nogo wonok, oolo mippi nage mbareegi, it wone amburu mbangga nogo enegen loorage logonet, “Noreewi o. An Ala abu'me logonet, o maan nen yogondak kuli an ambi eekirak paga niniki penggenneegak ee'naka'lek aret agarik o.”

Nappiigak 24:16

Togop me, Ala inom, aakumi inom, inenggaanom an ambi eeppiyaminggirak paga niniki penggenneegak eeke logokwak liippunuk eeke minggirak o.

Nappiigak 25:11

Maluk eekwi iinok, inooko menggaarak nogo mendek ambi abet aret eekirak kenok ti, nooriyak op aret kwe, noba lek kagak yo'nugwi me, it nooruwak nduk, neebe wogoroorak kit nen ambi yuurak mondok lek aret o. At Kayitat nen mban nawone amburu mbanuwak o,” yoreegerak.

Nappiigak 25:25

Wa'nip o, yo'negaarak kwe, maluk eekwi iinok, inooko menggaarak ti mendek ndak-ndak ambi eerulik kagarak kwe, at nogo nen, Aap endagembogut Kayitat nen aret an nawone mbanuwak o, yo'nege mbaki, o Oroma time at Kayitat wonage me nappuurak koonogo pigirak o.

Nappiigak 25:8

Oba lenggenggo mbareegwa, at Pawulut nogo nen aana'le mbanggolage logonet, “Lek o, noreewi. Ala wone yugu liiru mbanak it Yakuri eeko menggaarak nogo tagangge, Ala awi wurik me maluk eerogo pege, ndi, ninogoba Kayitat endage meek eerogo pege, eekerak o, yo'nugwi yi, an ambiriluk ambi abu eerulik aret o,” yinuk, yoragagerak.

Nappiigak 26:31

wundi nogo nogogwaarik, “Maluk eekwi iinok, o keele maarogo mambiigo menggam mambiigwi, inookwi, eeko menggaarak mendek at togop ambi eerulik kogo o,” yinuk, ambi yogak eeko nogogwaarik,

Nggalatiya 4:16

yogondak kit eeko monggotak an paganogo yokkirage paga kinawim negen ogoorogo panugwi kiigi o.