Yeremiya 36:2 - Ala Wone Peenok Peebi Mbanak

² “It aakumi Iterali inom, Yekura inom, aakumi inanebunu lombok abok aret inom, nen eeko logorak wone at Yotiya endagembogut logonet wone lengganogo yorage kagak yokkege nagagirak nen nok, yogondak kuli yokkege nogo abok aret mbuku pirik-perek aago wagangge logomenggendik, ti paga liiru mbanogo pu o.

Yeremiya 36:2 ပူးပေါင်းရင်းမြစ်များ

Etara 6:2

o Meriya aap endagembogut wonage menggim o kota Akemeta nogome mbuku pirik-perek eerak ambi kwaakkogogwaarak wone eebe liiru mbanak nogo yi aret. Wone abekak yuurak liiru mbanak o.

Ayup 31:35

An noone ari yi, Aap ambi konenuwak lak, Ao, mbake agarik o. An wone agan wagarak yi, abok abet aret me, At Omaawi Lombok Menggerak Ala nen mban Onggo yo'nege logowak o, yinuk, Nombo owak o! At maluk eekerak yo'nege nogo ti, Alom ndogop eekendak o, yinuk, Liiru liirogon mbanogo punuk wo'niruwak o.

Ndawi 40:7

An nen ari logonet, “Ai, nogoba Ala. An eeriyak nombareegindak Mbuku pirik-perek paga liiru mbanak wonage nogo An neebe nen aret eerikit nduk agarik o. Kat nen wone lengganogo pereegindak nogo An ninikime wonage me, Abet aret eerikit nduk, wagi o,” Yinuk, yereegirak o.

Wundeegwaarak 17:14

Inooke mbareegi, at Aliku ALA nen Muta yoge, “An nen eeppiyaminggirak paga yi aakumi ndi aakumi o nggween paga yime wonogwe nogo abok nen, It aakumi Amalek mendek arop ambi inanobak ki wonogwe yi o, yinuk, yogo logogun lek me, yogondak eerogo piigirak nogo mondok-mondok aberak logobagip nduk, mbuku paga liiru mbangge, ndi, at Yotuwa aruk paga pege, eeru o,” yoreegerak.

Yetaya 8:1

At Aliku ALA nen an yo'nege logonet, “Yugum tabak liiru mbangga nggwok ti wamen o. Wagangge logomenggendik, liiru mbanggo menggaarak ndak-ndak mbangge logonet, Mondok Alilaakwi Aakumi Inagugun Wagangga, mbanu o.

Yeremiya 1:10

Aakumi inanebunu lombok wonogwe me inom, aap inendagembogut inabu'me piinok menggam inom, eyo alom kinggwi kwak eerogo piige, o minggwi kwak minogo piige, lek eerogo piige, pak langgunogo pugwi kwak eerogo piige, o wurogo pugwi kwak eeppiige, awi yakwi kwak eerogo piige, eeke logonok nduk, ne yogondak yi paga mippagage yi, keenu aru o,” yinuk, yo'nereegerak.

Yeremiya 1:5

“Kagalo inikime awo keenggi-kiyok warak eerogo pagaga'lek logonet, keebe neenu wonage, Kagalo nen awo ndakkaka'lek kagak, keebe leenogo pagage, An nen yokkege neegak, it aakumi inanebunu lombok yoranet nege logonok nduk eerogo pagage, Eereegirak o.”

Yeremiya 1:9

Yo'nege nagagerik, Aliku ALA nen eenggi nappi wa'nuk nambe mbaanggage logonet, “An noone yoranet nage logonok nduk, kinikime pigi o.

Yeremiya 2:4

Kit Yakup paga wiganak yi wae. Kit kinanebunu Iterali paga ndarak abok aret yi wae. Aliku ALA nen wone yokkirage yi, kinaruk liirogon konenggo logonip o.

Yeremiya 25:3

“It Yekura mendek inowe endagembogut Amon aput Yotiya endagembogut a'nuk wonage kagak tahun 12 eeppunuk, ambi age paga nen nok, o yogondak kuli ti, tahun 23 aret agaarak me, at Aliku ALA nen wone yo'nege kenok, kit yokkiragak mban eekitak kwe, kinaruk konengga'lek aret monggotak o.

Yeremiya 30:2

“Iterali inogoba Naliku Ala nen wone an nen yokkege nagagirak ti abok aret mbuku ambi paga liiru mbanogo pu o,” ari nagagerik,

Yeremiya 36:14

Aap Kuti nen aput Telemiya ndake, Telemiya nen aput Netaniya ndake, Netaniya nen Yekuri ndake, eereegwaarak me, it aap inengga warak nogo nen aap Yekuri nogo yogo logonet, “At aap Mbaruk nen mbuku pirik-perek aago paga liiru mbanak aakumi ambik inenggaanom paga lunggerak ti, wonok woraawak nduk, kat yori nak o.” Yoreegwaarak yori nage mbareegi, Mbaruk nogo mbuku pirik-perek aago liiru mbanak nogo wonok, it wonogwe me wagagerak.

Yeremiya 36:18

Yogo mbareegwa, at Mbaruk nen, “E o. Wone yi abok aret at Yeremiya nen an yo'nege kagak amburu mili paga mbuku pirik-perek aago yi paga liiru mbanogo pigirak o.”

Yeremiya 36:23

At Yekuri nen mbuku pirik-perek aago mbanak nogo mbere mbiginik lungge kenok, aap endagembogut nen at liiru mbangga owaruk mbuuluk nogo paga mbanogo kani kunik me nogome mambege, kenagan mbiginik lungge kenok, mbanogo kani kunik me mambege, eerit-eerit mbuku nogo lek eerogo kani kuneegerak.

Yeremiya 36:29

Ndi, Aliku ALA nen yegerak o, yinuk, it Yekura inowe endagembogut Yoyakim yoriyak nogo yi aret. It Yekura inowe endagembogut nen mbuku pirik-perek aago liiru mbanak ti, kani kumbunuk, at Yeremiya yoge logonet, Aakumi Mbaben mendek inowe endagembogut wage logomenggerik, o yi lek eerogo pege logonet, aakumi inom, inaanggumi inom, inenggaawak lek eerogo piyaagin o, yinuk, nonggop nduk, liiru mbanogo pegendak?”

Yeremiya 36:6

inambe mage negen eeppunuk wonogwe ne ti paga, Aliku ALA awi wurik me unggwi nage logomenggendik, wone an yokkege neegak mbuku pirik-perek aago paga liiru mbanogo pegendak nogo, aakumi kuwak aago wonogwe ti, inenggaanom paga lungge, it aakumi Yekura mendek inawi kota-kota nen wogwe kunduk, it abok inenggaanom paga lungge, eerumunggun o.

Yeremiya 45:1

At Yotiya aput Yoyakim nogo it Yekura mendek inowe endagembogut a'nuk, wone lengganogo yorage kagak, tahun kenagan eeppunuk, ambi eeke paga aap Neriya aput Mbaruk nogo Ala yoge kagak yoraga Yeremiya nen yoge kagak abok aret mbuku pirik-perek aago paga liiru mbangge mbareegi, aap Yeremiya nen aap Mbaruk yoreegerak nogo yi aret.

Yeremiya 51:60

At Yeremiya nen aaninggin-paaninggin o Mbaben oba kwi'nariyak abok aret wone mbuku pirik-perek aago paga liiru mbaneegerak me,

Yetikiyen 2:9

Yo'nege nagagerik, ambi mendek eenggime logonet, titik nege kagagirak. Titik nege nagagerik, nenegen neegak mbuku pirik-perek eerak mbiganogo punuk, leendawi paga ndawi pugu inom, iniki wakkoloorak wone inom, aaninggin inoba ariyak me inabuwa o, yuurak wone inom, liiru mbanak peenok-peenok wonage kagagirak.

Oteya 8:12

Eeko logorak yorage nagagirak wone inake ambik aret liiru mbanogo pereegirak wonage kwe, It nen, Ti aap inambik inake liiru mbanak o, mba'nuk, we aret eerogo pereegwaarak o.

Pelaareegerak 31:24

Yoge mbareegi, at Aliku ALA nen eeko logorak wone yugu yi, alom me kuli nen nok irip paga kuli abok aret at Muta nen li'luk eerogo mbuku paga liiru mbangge nagagerik,

Iberani 10:7

Ai, nogoba Ala o. An eeriyak nombareegindak mbuku pirik-perek paga liiru mbanak wonage nogo, an neebe nen aret eerikit nduk, agarik o,” yinuk, yoreegerak.