Yeremiya 33:3 - Ala Wone Peenok Peebi Mbanak

³ Kat nen an nggino yo'niru o. Nggino yo'nege keenok, an nen onggo yokkege logonet, iya tit eeriyak mendek inom, kat liippuurak meek, keenggo'lek mendek inom, yokkirigin o, yinuk, yo'negerak o.

Yeremiya 33:3 ပူးပေါင်းရင်းမြစ်များ

Ndawi 145:18

It aakumi nen Aliku ALA yogwi, Iniki ambit eeppunuk inoone nggwok paga yogwi, Eekwi iinok, At mbo piigeelik yeenggwaarage menggerak o.

Ndawi 25:14

Kaliku ALA nen wone kote koonogo pege ti, It aap inagabiti kombakwi nogo aret yorage, Kinom wone nggaruk togon koonogo piyareegindak nogo, aret ineenu eeppiige, Eeke menggendak.

Ndawi 50:15

Eekwi me, maluk eeppinagarak eyom panggoni wage kenok, Ninagap ndaru o, yinuk, nggino yo'nugwi kiinok, An nen kinagap ndake neenok, Kit an nendage tiyappanggo logomunggup o,” Yinuk, yoraagin o. Ti yorage kagak kwe, aap maluk mendek nogo yorage logonet,

Ndawi 91:15

Yeenggwa niru o, yo'nege kenok, yeenggwaage, Maluk eeppugwi iinok, ili ari, Aap ineenggime nen ndinogo wumbege, At endage tiyappege, Eeke logogin o.

Yetaya 45:3

Iterali inogoba Naliku ALA nen kat kendage kunogo wiigigirak keenu arenok nduk, Yi mendek ndi mendek oome aken time kumaarogo pegaarak nogo wokkege, Yi aap ndi aap ineenggi warak inamendek kumaarogo pakaarak wonage nogo pelenogo wokkege, Eerigin o.

Yetaya 48:6

Eeriyak yorage nagagirak koneneegwaarak nogo muk eerit wagagerak liippogo logowak o. Liippunuk, Ala yereegerak ndak-ndak arit wage abet aret o, yinuk, yaga'lek nonggop nduk wonogo agaarik? O yogondak kuli nen an yorage nogo ti, peebi eeriyak wone alik ngget mendek yorage, It ineenu aga'lek tabarak wone nogo yorage, Eeke logogin o.

Yetaya 65:24

It awo nggino yo'nega'lek iigak, yo'niriyak mbakwi nogo onggo muk yorage, Ndi, awo tamban eekwi iigak, an muk aret naruk konengge, Eeke logogin o.

Yeremiya 23:35

It inoreewi a, inowe-inawot a, inom at ambi nen at ambi yogak eeko logonet, Aliku ALA nen wone onggo ngge ari kogotak? Aliku ALA nen wone nonggop ari kogotak? yinuk, yogo logorak op aret kwe,

Yeremiya 29:12

Ti eyom paga, Yeenggwa niret o, yinuk, inoone nggwok paga yo'nugwi, ndi, nowagam woraanuk, tamban eekwi, eekwi iinok, inoone yogwe nogo naruk konenigin aret o.

Yeremiya 32:17

“Kaliku Kitok Menggendak ALA ai. Kat nen eeriyak meek ambi lek ti lek abok op mban aret o. Keenggi omaawi paga eeriyak kobam aret me, nggween inom, mbogut inom, wakkagagindak o.

Yeremiya 32:27

“It yi aap ndi aap abok inogoba Naliku Ala an aret me, an nen ambi eeriyak meek aret nombaken?

Ndaniyen 2:18

Yorage nagagerik, “It aap yi wone ndi wone alom ineenu nogo inooko logonet, nit ninom ninoorukwak, at o mbogut unde menggerak Ala nen ninabuwa mba'nuk wone nobarak ti, kin paga yo'niraawak nduk, tamban eeruwok o,” yinuk, yoragagerak.

Ndaniyen 2:22

Wone nobarak ineenu ariyak meek mendek nogo, yelok kaawak nduk, kin eeppege, O yumaak paga wonage abok aret at eenu wonage, Eeke menggerak me, At eebe paga eya mban ndak warak menggerak o.

Ndaniyen 2:23

Ninombomini inogoba Ala wae. Niniki warak eeppanege, nomaawi logorak eeppanege, Yogondak nit ambi yo'niroorak yokkugwi niinok yo'nirage, Aap endagembogut abinggaanggo kegerak nogo yo'nirage, Eekendak me, Kat, Wa! yokkege, kendage tiyappagage, Eeke agarik o,” yinuk, yoreegerak.

Yowen 2:32

Eeke mbaremenggi, aap ambi nen, Kaliku ALA wae, yinuk, an nendage kunogo yo'neremenggerak kenok, agap ndarigin o. It ando teppiyamenggaarak puut Tiyon wonogwe inom, o Yerutalem wonogwe inom, Naliku ALA nen leenogo piyaagin o, Yinuk, Naliku ALA nen yereegirak nogo ndak-ndak agap ndarigin o, yinuk, yegerak me, yokkiragi o.

Amot 3:7

At Aliku Itok Menggerak ALA nen eeriyak koongge ti, Ayeloman mini at nen yorage kagak yoraga nogo, Wone yoraga'lek kagak it perak togon yorogo logorak lek aret mbako logonip o.

Mika 7:15

O maan togon kat o Metit nen wogoren wundi wage logonet, eereegindak nogo kwak, Eerubok mendek ambi eeke keyaawak nduk, eerumunggun o.

Matiyut 13:35

Ti yorage nagagerak nogo ti, Ala yoge kagak yoraga nogo nen, “An wone yokkirage logonet, eegu laarogo mban yokkirage, Ndi, o yi wakkagagerak eyom paga nen nobarak mban wonagagerak nogo aret yokkirage, Eeke logogin o,” yinuk, yereegerak, yoragagerak nogo, a'me lik yereegerak.

Nappiigak 2:21

Ti eeke mbaremenggi, aap ambi nen, Nogoba Ala o, yinuk, an nendage kunogo yo'neremenggerak kenok, agap ndarigin, yereegerak o, yinuk, at Yowen nen yoragagerak nogo arit wage yi aret o.

1 Korindut 1:2

kit Ala apuri o Korindut kuwak eeko monggotak nogo, wone ambi yokkiraawi o. Kit Ala apuri logobagip nduk, kinayonggo pinaganuk, Keritut Yetut kinom kunik logobagip nduk, eerogo pinagage nagagerik, leenogo pinagareegerak inom, it yi awi ndi awi, “Ninowe Yetut Keritut aret o,” yinuk, yogo menggaarak inom, kit abok aret wone yokkirogo o. Yetut Keritut ti, nit inom, it inom, abok ninowe aret me,

Epetut 3:20

Nit eeppinanuwak nduk nggino yogwi, niniki koonggwi, eekwi nogo mban eeppinanege lek at omaawi ee'ninake logonet, niniki mbaka'lek nogo mendek inom abok aret eeppinanege menggerak nogo,

Pelaareegerak 4:29

Ndi, togop eeko logomunggup kwe, At Aliku ninogoba Ala ngga wonage agaarik o? yinuk, kiniki-kineebe apit aret nggaruk togon at kwaakwi kiinok, eebe aret kwaakkaamunggup o.

Pelaareegerak 4:7

Togop aret me, at Aliku ninogoba Ala korotok wonage me, nit kulinik-kalinik nggino yogo monggo kwak, aakumi ineebe nggwok wiganak ambi ngge nen inogoba togop yogwi wonage mbakop?

Wayu 2:17

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok liirogon aret konenggo logowak o. It Ala wone mbo pega'lek nu'lek porogo logonet liirogon mugurok nogwe iinok, mbi mbogut paga mendek kumaarak wonage nogo wogorage, ndi, it waamenggaarak nogo mban ineenu logowak nduk, inendage ngget toonogo yugum yanggwi negen lan ari nogo paga liiru mbanogo wogorage, eerigin o, yinuk, wone yi yagarak nogo abok aret at malayikat Ala apuri o Peragamut kuwak eekwi inarum menggerak nogo nen apuri yoraawak nduk liiru mbanogo nappu o.”