Yeremiya 32:8 - Ala Wone Peenok Peebi Mbanak

⁸ Yo'nege mbareegi, at Aliku ALA nen yo'nereegerak nogo ndak-ndak, at noreeluk Kanamen nen an aap endagembogut awi nggwok abe wurik arum waka inawoore'nggam wonage me, neya wage nagagerik, “An nanggween mbanak it aap Mbeniyamin wonogo menggam o Anatot wonage nogo, kuniyak mbakirak me, kat noreeluk nen aret onggo kunggolage logomenggendik, unde eeppatinuk logorak op me, yu o,” yo'nereegerak. “At Aliku ALA nen an yo'negerak nogo yi aret kagi,” mba'nuk,

Yeremiya 32:8 ပူးပေါင်းရင်းမြစ်များ

1 Endagembogut 2:26

At Talomo nen aap Ala unde Abiyatat nogo yoge logonet, “Kat eekendak paga kooke neenok, kambuurak op aret kwe, an nogoba Ndawut nage me, kaa'nduk a'nuk, at Aliku ninogoba ALA Itok Menggerak aloobut mbanak eewu'nuk nage, ndi, nogoba aaninggin-paaninggin oba wonage nogo, kat kimbirak ndak-ndak aret kage, eereegindak me, yogondak koorigin lek teppagagi o. Teppagagirak kwe, kat yime logorak lek kawi alom paga o Anatot time nak o,” yoreegerak.

1 Endagembogut 22:25

Yoge mbareegi, at Mika nogo nen at yoge, “Kat o ambi inikime akem ko ogoorak me kumaa'nari unggwi namenggendak wonage logonet, keenu arumunggun o,” yoreegerak.

1 Mbinineegwaarak 6:60

at anebunu Mbeniyamin mendek inanggween mbanak paga kota-kota mogonogo it wogorogogwaarak ti, Nggeba inom, Alemet inom, Anatot inom, wogorogo logonet, kota-kota ti, enaagan-ambokan inaanggumi inagari'ngga mbanogo nenet nugu logorak nggween inom wogorogwe, eereegwaarak. O kota-kota it Kekat mendek tumburirogogwaarak nogo ti, lambuk togon 13 aret.

Yeremiya 1:1

It Mbeniyamin mendek wonogo menggam kota Anatot Ala unde eeke nagagerak ambi endage Kilikiya aput Yeremiya nen wone yereegerak nogo yi aret.

Yeremiya 32:25

O kota yi, it aakumi Mbaben mendek ineenggime piyoorak kagak, Kaliku Kitok Menggendak ALA wae. Kat nen yo'nege logonet, Wu mbuti perak paga nggween ti onggo mbangge logomenggendik, Abet aret kunggerak o, yinuk, ineenggi amburu puwak, yo'negen o!” yinuk, an tamban eereegirak.

Yeremiya 32:7

“At kogobaluk Talum aput Kanamen nogo kat keya wage logomenggerik, An nanggween mbanak o Anatot wonage nogo kuniyak mbakirak me, noreeluk kat nen aret kuniyak op me, yu o, yinuk, yokkiri wage kaamunggun o,” yinuk, yo'nereegerak.

Yeremiya 33:1

At Yeremiya nogo aap endagembogut awi wurik arum waka inawoore'nggam awo keele maarak wonage me, Aliku ALA nen wone ambinom yoreegerak nogo yi aret.

Yeremiya 37:12

at Yeremiya nogo o Mbeniyamin wonogo menggam owe-awot time wonogwe nogo nen inanggween yate kwak tumbukwi me, “An ambi wo'niruwak o,” yinuk, o Yerutalem nen wundi naakit nduk,

Yetikiyen 12:7

Yo'nege mbareegi, at yo'nereegerak nogo ndak-ndak, it aap wogoren mbo piya noorak wakkagak o liingge namendek pipuk eerak nogo wumbege nagagirik, oonikiya aret neenggi paga yugum yagat wurik nogo eno pelenogo punuk, inigen iigak, namendek nuum paga piyanggo'nok oonikiya paga aret wundi nagagirak.

Takariya 11:11

Ne ti paga aret kalenogo pereegirak me, it ndomba wariyak ake leenak inigen iigak kalenogo pege mbareegi, “Yi eekerak ti, Aliku ALA nen aret eekerak kogo o,” yinuk, ineenu ogogwaarak.

Yaya 4:53

Yogo mbareegwa, wulaga ogoba nogo nen, “Kobit liingge at Yetut nen, Kapuluk eenik arigin o, yo'negerak nogo ndak-ndak liingge aret eenik agaarak kagi,” yinuk, abeke nagagerik, at inom, at apuri inom, abok aret iniki Yetut oba panggombunuk, abet mbareegwaarak.