Yeremiya 32:34 - Ala Wone Peenok Peebi Mbanak

³⁴ An nawi wurik nendage kunggo menggam inikime time ogole warak inagugiwak pi unggwogogwaarak paga nawi wurik ti maluk eerogo pugwi,

Yeremiya 32:34 ပူးပေါင်းရင်းမြစ်များ

2 Endagembogut 21:1

At Manate ndarak kagak, tahun 12 age paga aap endagembogut a'nuk, o Yerutalem logonet, wone lengganogo yorage kagak, tahun 55 eereegerak. Ndi, at agalo endage Kepitibak aret.

2 Endagembogut 23:6

kugigwe Atiyera ageyo arelen Aliku ALA awi wurik me yinik wonagagerak nogo, wagangge nagagerik, wonok o Yerutalem endekenggwe niyo Kiriron aa'nggi paga time pi nanuk, kani kungge nagagerik, kaninggen nogo wun negen yigirik-noonom eerogo aakumi we ugun nggween taambiigo menggam time yumbunogo pege,

2 Mbinineegwaarak 33:15

Eeke nagagerik, aakumi alik mendek inagugiwak ogobakkigirik inom, Aliku ALA awi wurik me inagugi ogut aago nogo inom, it inake warogo wogoragak Ala awi wurik irimbaga puut paga ogobakkigirik wonage nogo inom, o Yerutalem wonage inom, abok aret minogo o kota endekem mbo pi nagagerak.

2 Mbinineegwaarak 36:14

It Ala unde inarum menggaarak inom, it aakumi inom, logonet-logonet it kunduk Ala mugurok noolik mbo punuk, yi aakumi ndi aakumi ogole warak mendek eerit nogwe nogo mugurok nogwe, Aliku ALA awi wurik o Yerutalem leenogo pereegim nogo maluk eerogo pugwi, eereegwaarak.

Yeremiya 19:4

It nen an mbo paninuk, o yime inogoba an wonage neegak kugi eeko menggam eerogo punuk, inombomini inom, it Yekura inoweewi inendagembogut inom, kugi it ineenggo'lek mendek inake warogo kani kunggwi, it aap maluk eerulik ugun iigak kwe, inamiya kilirik o yime yagabit aruwak nduk, eerogo piigwi,

Yeremiya 23:11

“It aap an noone yoraga inom, neebe unde inom, An noone liippega'lek ugun eerit nugu logonet, nawi wurik me kunduk maluk eerit nugwi iigirak o,” yinuk, Aliku ALA nen aret yegerak o.

Yeremiya 30:14

Inom iniki kunik mendek nogo nen ineebe muk inami ogwe, It inoba age nogo liippiigwi, Eeka'lek aret agaarik o. Wone yugu kagak iya tit taganggwi, Maluk abu nggwok lombok eekwi, eekwi paga It inom wim mbanak nen inooko mengga kwak, an nen inooke, It aap inogogun worokot nen yogwe iigak, taganggwi iinok, onggo inooko mengga kwak, inooke, Eereegirak o.

Yeremiya 34:15

O yogondak iluk yi aret, Nit maluk aret eekoorak o, yinuk, mbo pogo nagaarik, an nenggaanom paga obeelom mban eerit nogwe iigirak ti, an nawi wurik nendage kumbunuk yogo menggam nenggaanom paga time inalitak lombok nen, Ninoreewi wondet agago piyaawok o, yinuk, koonogo punuk, inoreewi wondet eerogo piigaarak kwe,

Yeremiya 44:4

Ogole warak mendek eekwi an neebi lombok mbake minggirak nogo, Mbo pinip o, yoraawak nduk, nayeloman mini an yorage neegak yoraga kulinik-kalinik nappiigak mban eeke nagagirak kwe,

Yeremiya 7:10

an nendage ki logorak koonogo pereegim nawi wurik me time it an nenggaanom mi'nari wa'nuk, Nit ugun obeelom aret ogoorik o, yogo logonet kwe, ti'nuk, ogole warak mendek ti nogo ambinom eerit nogo menggaarak o.

Yeremiya 7:30

Aliku ALA nen ari logonet, “It aap Yekura mendek nen an nenggaanom paga maluk lombok eeko logonet, inagugi ogut eerak ogole warak mendek nogo an nendage yogo menggam nawi wurik me nogome mippit nagaarak ti paga maluk eerogo pegaarak o.

Yeremiya 7:31

An nen, Yogop ee'nip o, yinuk, wone lengganogo yorage, niniki kunduk, Togop eerugun, mbake, eerulik kagak, it nen inapuri wologwe inom, komologwe inom, inoorogo kani kuninakak yuwak nduk puut endage Topet Kobappaga Mben-Kinom time inoorogo punuk, kani kuninako logorak wurit nagaarak,” yegerak o.