Yeremiya 32:22 - Ala Wone Peenok Peebi Mbanak

²² O nggween mili lombok yilak amburu inom, nggiin amburu inom, niyo eneeri negen kila-kila wungge menggim time wokkiraagin o, yinuk, kumbuk mbanogo inombomini yoragagenom nogo aret wogorage mbareegin,

Yeremiya 32:22 ပူးပေါင်းရင်းမြစ်များ

Wakkagagerak 13:15

Yoge nagagerik, “O yi taganak kat kenegen kagandak ti, abok aret kat inom, kat kapuri ndaganabemenggendak inom, unde eeppunuk, mondok-mondok logobagip nduk wokkiraagin o.”

Wakkagagerak 24:7

At an nawi alom paga nowe-nawot inenggela'me nen wo'niren o yime pani wage nagagerik, yo'nege logonet, Kat ndaganabemenggendak nogo nggween yi wogoraagin o, yinuk, abuk nggaruk togon yo'nereegerak me at Aliku Mbogut Unde Menggerak Ala nen an napuluk akwe time kwaarenok nduk, nage keegak, Ala yonggo malayikat ambi aa'nduk koonogo pege a nawak nduk, nappigin o.

Wakkagagerak 50:24

Eeke nagagerik, at Yutup nen owe-awot nogo yorage logonet, “An abu kambuurak ee'nake me, kambiminggirak neegak kit perak, Ala nen, Nggween wokkiraagin o, yinuk, Abarakam, Itak, Yakup wone abuk nggaruk togon yoragagim nogome o yime nen liirogon aret unde logomunggup nduk wokkiren pinagi nagin o.”

Nekemiya 9:15

It inambi abu kenok mbogut paga nen inambi wugira wage, inagi abu kenok yugum me nen kilanogo wumbiya wage, kat nen o it unggwi nanuk logowam wogoroorak keenggi nippege logonet, wone kumbuk mbaneegindak nogome, Unggwi nogo logomonggotik, unde eekkolaamunggup o, yinuk, yorage, eereegindak o.

Wundeegwaarak 13:5

Wundi nogwe me, at Aliku ALA nen wokkiren it aakumi Kanan mendek inom, Ket mendek inom, Amori mendek inom, Kewi mendek inom, Yebut mendek inom, wonogo menggam yilak amburu inom, nggiin amburu inom, niyo eneeri negen kila-kila wungge menggim kinombomini wogoraagin o, yinuk, kumbuk mbanogo yoragagim nogome pinagi namenggerak wonogo logonet, tut yi peneni wage kenok, laago yi, lariyak abeko logonet,

Wundeegwaarak 3:17

it o Metit aaninggin-paaninggin eeppiigwi me time nen wogoren aakumi Kanan mendek inom, Ket mendek inom, Amori mendek inom, Perit mendek inom, Kewi mendek inom, Yebut mendek inom, inanggween mili obeelom yilak amburu inom, nggiin amburu inom, niyo eneeri negen kila-kila wungge menggim time piya nagin abu koonogo pigirak, yegerako, yinuk, yoraamunggun o.

Wundeegwaarak 3:8

Yeenggwaarage logonet, an napuri nogo aakumi Metit mendek ineenggime nen ndininabunuk, wogoren it aakumi Kanan mendek inom, Ket mendek inom, Amori mendek inom, Perit mendek inom, Kewi mendek inom, Yebut mendek inom, inanggween nggwok mili obeelom lombok yilak amburu inom, nggiin amburu inom, niyo eneeri negen kila-kila wungge menggim time piya naakit nduk wagi o.

Yeremiya 11:5

Eekwi kiinok, an nen kit kinombomini inanggween abu abe yilak amburu inom, nggiin amburu inom, niyo eneeri negen kila-kila wungge menggim time wogoraagin o, yinuk, kumbuk mbanogo yoragagim nogome kit wokkiraagin o, yinuk, yoragagirak it yogondak unde eeppatinuk wonogwe nogo nen wone yugu ti, liirogon eeka'lek iinok, pulunik aret logogun, yegerak, yoret o.” Yo'nege mbaki, an nen, “Kaliku ALA wae. Abet aret yagan o.”

Yetikiyen 20:15

Inagugi ogut eerak mugurok noorak lombok mbareegwaarak paga eeko logorak wone yoragagirak nogo mbo pugwi, wone lengganogo yoragagirak nogo mugurok naga'lek tayoppugwi, ndi, nogo 6 yippunuk, ko'lu paga yonggonggologo logorak leenogo pateegirak nogo taganogo pugwi, eeko nogogwaarak me, it yorage logonet, Yi o ndi o abok aret enggela'me nggween abu obeelom wokkiragagim yilak amburu inom, nggiin amburu inom, niyo eneeri negen kila-kila wungge menggim time pinagi nagin lek o, yinuk, wone ti, it abet mbaruwak nduk, o karume time kumbuk mbaneegirak o.

Yetikiyen 20:6

Ne ti eyom paga it yorage logonet, Kit o Metit nen wokkiren wundi woraanuk, yi o ndi o enggela'me nggween abu obeelom lombok yilak amburu inom, nggiin amburu inom, niyo eneeri negen kila-kila wungge menggim nggween an nen kit kinake leenogo pereegim nogome wokkiren pinagi nagin o, yinuk, yorage nagagirik, kumbuk mbaneegirak o.

Linggineegwaarak 14:16

At Aliku ALA nen, It Iterali yi, o Kanan wokkiraagin o, yinuk, kumbuk mbanogo yoragagim nogome piya naakit nduk wogoren wundi nage mbakoorak kwe, o karume yime aret inoorogo piigerak yi, Ala omaawi lek obambok aret kogo o, yinuk, yugun o.

Linggineegwaarak 14:30

Kit logowam o Kanan wokkiraagin o, yinuk, neenggi nippege logonet, kumbuk mbaneegim nogome inigen ka nagun mondok lek o. Ata, Yepune aput Kalep inom, Nun aput Yotuwa inom, it mban unde eekkolaagun o.

Pelaareegerak 1:35

Kit aap o yogondak maluk lombok ndarak yi, O nggween mili anggiinu lombok wokkiraagin o, yinuk, kinombomini ninom wone abuk nggaruk togon kumbuk mbanogo yoragagim nogome, kit ambiriluk ambi kinigen kaamunggup lek o.

Pelaareegerak 1:8

Nggween kamonggotak nogo abok aret Naliku an ALA nen kinombomini Abarakam inom, Itak inom, Yakup inom, inapuri-inombowologwe ndaganabit namenggaarak inom, Wokkiraagin o, yinuk, wone kumbuk mbanogo yoragagirak nogo, kit muk wokkiragagirak me, time aret unggwi nogo logomonggotik, unde arumunggup, yo'niragagerak nogo o,” yinuk, Iterali yoragagerak.

Pelaareegerak 6:10

Yorage nagagerik, ambi yorage logonet, “At Aliku kinogoba Ala nen kinombomini Abarakam inom, Itak inom, Yakup inom, O nggween wokkiraagin o, yinuk, wone abuk nggaruk togon yoragagim nogome o kota-kota nggwok ambik lombok wurik wonage me, kit nen ambi wukwi,

Pelaareegerak 6:18

At Aliku ALA nen kinombomini yorage logonet, Kinanggween wokkiraagin o, yinuk, kumbuk mbanogo yoragagim nogome unggwi nogo logomonggotik, unde eeppatinuk logonet, yi wone ndi wone ambi kinoba aga'lek kineebe obeelom mban logomunggup nduk, at Aliku ALA enegen kagak nano mendek ambi eeko logonet abet mban eekwi, abu obeelom eekwi, eeko logomunggup o.

Pelaareegerak 6:23

Ndi, ninombomini nggween, Wokkiraagin o, yinuk, abuk nggaruk togon kumbuk mbanogo yoragagim yime pinani woroorak nduk, o Metit nen wo'niren wundi wagagerak me,

Pelaareegerak 7:13

O kit logowam Ala nen, Wokkiraagin o, yinuk, kumbuk mbanogo kinombomini yoragagim ari namonggotak wonogwe me, Aliku ALA kinabuwa mbake, ale'nggen kinoba pinagage, kinanebunu nggwok eerogo pinagage, eeke logonet, kumi elege ndaganako menggam obeelom eerogo piige, gandum inom, eyo anggur inom, eyo tayitun inom, yi mendek ndi mendek yarumonggotak abok aret anggen ka'let-pa'let eerogo pinagage, ndi, kinaanggumi lembu-tapi inom, kambin-ndomba inom, inaagalogwe ambik agago pege, eeke logogin o.

Pelaareegerak 8:1

Yorage nagagerik, ambi yorage logonet, “At Aliku ALA nen, Nggween wokkiraagin o, yinuk, kumbuk mbanogo kinombomini yoragagim o nogome ari nogo logomonggotik, unde a'nuk, kineenik obeelom aret wonogwe, kineebe ambik wigannarit nogwe, eeko logobagip nduk, wone, Yogop ee'nu ndogop ee'nu, yereegerak nogo o yogondak an mamunggirage yi, liirogon aret eerit nogo logonu o.

Yotuwa 1:6

Kinombomini nggween wogoroorak wone abuk nggaruk togon kumbuk mbanogo yoragagirak nogome aret ineyate kwak unde a'nuk logowak nduk, kat nen aakumi Iterali yi, wogoren wunda namunggun me, kat kogogumbuk kiniki mondok nu'lek eeppatinuk, logot o.

Yotuwa 21:43

At Aliku ALA nen aakumi Iterali inombomini, “Kinanggween wokkiraagin o,” yinuk, wone abuk nggaruk togon kumbuk mbanogo yoragagerak nogo, abok aret aakumi Iterali wogorage mbareegi, kologo nogogwaarik, time aret ye mbambatinuk, wonogogwaarak.