Yeremiya 31:8 - Ala Wone Peenok Peebi Mbanak

⁸ O omarip paga pa'nggwe nen wogoren wage, O nggween irip-irip time nen kuwak eerogo piya wage, Eerigin abet aret mbako logowak o. Kuwak eerogo piinok, inenggela'me nen it inigen mbuk inom, inendop yilugu inom, kumi inabila inom, kumi elege ndaruwok nduk, yagan wakwi inom, It ineebe apit lambunik nggwok aago wogoren iname iniyokan piya woraagin o.

Yeremiya 31:8 ပူးပေါင်းရင်းမြစ်များ

Ndawi 65:5

Ninagap ndaka Ala wae. “Yeenggwa niret o,” yinuk, Yokkugwi onggo inagabiti mbariyak mendek eeppiige, A'me nggelok mban eeppiinet nage, Eeke menggendak o. Aakumi nggween irip-irip wonogwe inom, Yi nggwok laut irip pit nagagim wonogwe inom, Abok aret iniki lunik wonogwe kat yi,

Ndawi 98:3

At apuri Iterali iniki kunik aganabit nage, Yoragaatak liirogon eeppiinet wundi wage, Eeke nagagerak nogo abeke logonet, Ninogoba Ala eegin tiyak yegerak nogo Yi aakumi ndi aakumi o irip-irip wonogwe Abok aret inigen kagaarak o.

Yetaya 40:11

Aap ambi andomba ndegeninake menggi kwak andomba ndegeninake, Ndomba aagalogwe waganogo ogome wogonake, Wogoren nage logonet, aagalogwe inelak kuninake kagak toriige, Eeke agaarik o.

Yetaya 42:16

It inigen mbuk negen wonogwe nogo tu ineenggo'lek me tu nigiren nage, It tu nogolik nogo paga wogoren nage, Tu apit aago paga nogwe iyo, nambokan wogwe iigak an naa'nduk tu eya eerogo pit nage, Tu tiyak-tebek paga nogwe iyo, an kagaarogo pit nage, Eerigin o. It inake eeriyak nogo ti aret. An mbo piyaagin lek abet aret eerigin o.

Yetaya 43:6

Napuri wo'niru o, yinuk, o omarip paga pa'nggwe yoge, Napuri inili ari mage o, yinuk, o ame pa'nggwe yoge, Eeke logonet, Napuri wologwe o nda nen, Napuri komologwe o nggween irip-irip nen,

Yetaya 45:22

It aakumi o nggween irip-irip wonogwe ti, Ala alik ambi lek, an nalik mban aret wonage me, Iniyokan yungguninuk neya wogwe iinok, inagap ndarigin o.

Yetaya 52:10

Aliku ALA nen yi aakumi ndi aakumi inenggaanom paga at eenggi abu omaawi alik leenak tiyappunuk wonage kenok, Aakumi o nggween irip-irip wonogwe abok aret ninogoba Ala ninagap ndari wage inigen kaagun o.

Yeremiya 23:3

Aliku ALA nen ari logonet, “Nandomba yi awi ndi awi wumbiyareegirak eegu yumbunik nogo an lombok nen kuwak eerogo inagari'ngga mbanogo nenet nogo nogogwam piya woraminggirak time wonogo logonet, inaagalogwe ambik aret ndaganakwi, ineebe apit aret wigannogwe, eeko logogun o.

Yeremiya 23:8

Ata, It Iterali paga wiganak o omarip paga pa'nggwe nen, yi o ndi o mappiyareegim nogome nen, wogoren wagagerak mondok eenik menggerak Aliku ALA endage paga yogo o, yinuk, yogo logorak eyom panggoni woraagin me, ari wage kenok, it inanggween paga ye mbambatinuk, wonogo logogun,” yegerak o.

Yeremiya 29:14

Aliku ALA nen ari logonet, “It an kwaa'nabit nugwi iinok, neyaawak nduk, neebe nigiige logominggirik, keele maarogo piya nogogwam nen iniyokan wogoren wage, it mappiyareegirak yi aakumi ndi aakumi inenggela'me wonogwe me nen kuwak eerogo piinok, kugun wogoren nawak nduk, eeppiyareegim nogome nen iniyokan piya wage, eerigin o,” yinuk, Aliku ALA nen aret yegerak o.

Yeremiya 3:12

kat o omarip paga pa'nggwe time nage logomenggendik wone eerogo nappuurak nogo yi aret. Kwe ogonggelo mbo punuk eerit nega kwak Iterali yi wae. At Aliku ALA nen, Iniyokan yungguninuk an nowagam woraawak, yegerak o. Aliku ALA nen ari logonet, Aakumi maluk eekwi iinok, inabuwa nen teppiige minggirak me, it nowagam wogwe iinok, an nen nenete aagi inooke, Nanini mondok-mondok inoba piige, Eeke logogin lek kwe,

Yeremiya 3:18

Ne ti eyom paga it Yekura paga wiganak nogo, Iterali paga wiganak inom lambunna'nuk, o omarip paga pa'nggwe wonogo menggam nen ambugwi aret neyate kwak inombomini nggween tumburogo piyareegim nogome iniyokan woraagun o,” yinuk, yegerak me, yokkiragi o.

Yetikiyen 20:34

Noone omaawi paga nen, neenggi omaawi paga nen, nanini paga nen, it yi aakumi ndi aakumi wonogwe inenggela'me nen wogoren wundi wage, yi o ndi o mak eerak nugwi me nen kuwak eerogo piige, eerigin o.

Yetikiyen 20:41

It yi aakumi ndi aakumi inenggela'me nen wumbiya wage, yi o ndi o mak eerak wonogwe me nen kuwak eerogo piya wage, eeke logonet, obari abu abe kaga kwak nale'nggen nen ineebe togop aret wogoninake, yi aakumi ndi aakumi inigen iigak an abu abe alik leenak minggirak neyaawak nduk eeppiige, eerigin o.

Yetikiyen 34:12

Aap ndomba ndegeninaka ambi nen andomba ndegeninake me, andomba ma'nogwe iinok, mbo piigeelik kwaarinabit nage menggi kwak, an nandomba togop aret kwaarinabit nagin o. Ndi, o tit narogo pege, o yumaak eerogo pege, eeke paga ma'narit namenggaarak wonogwe me nen inagap ndarogo wogoren piya woraagin o.

Yetikiyen 34:13

It ma'naremenggaarak yi aakumi ndi aakumi inenggela'me wonogwe me nen wumbiya wage, yi o ndi o wonogwe me nen kuwak eerogo piige, eeke logominggirik, wogoren inanggween paga piya nagin o. Piya nage logominggirik, Iterali inabuut paga, niyo wage menggim nggelok-nggobok paga, it aakumi inanggween time wonogo menggam nogo paga, iri'ngga nenet nogwe iigak, an nen unde wogonake logogin o.

Yetikiyen 34:16

It lek ogwe iinok, an nen kwaarinake, kobak aago nugwi iinok, wogoren piya wage, inawinde-inobaande aago iinok, nggerembiige, inomaawi lek iinok, inomaawi eerogo piige, eeke logonet kwe, ineeruwak anen pera-pera aago inom, inomaawi ambik wonogwe inom, ti lek eerogo piyaagin o. Nandomba unde wogonake logonet, it inobaabut eekwi ndak-ndak eeppiige logogin o.

Mika 4:6

Aliku ALA nen ari logonet, “Ne ti eyom paga an nen it inendop yilugu negen nogo kuwak eerogo piya wage, It mbo piya nogogwaarak wonogwe nogo, ambit me wonggonogo piya wage, Aaninggin-paaninggin inoba piyareegirak nogo, kuwak eerogo piya wage, Eerigin o.

Tepaniya 3:19

Ne ti eyom paga it aakumi nen o Tiyon aagalogwe tebenogo piigwi nogo, an nen mi'na'nuk it lek eerogo piige, Iniyok yilugu wonogwe nogo, inagap ndarogo piige, It mappiyareegwaarak aakumi inenggela'me wonogwe nogo, kuwak eerogo piya wage, Eeke logominggirik, Yi o ndi o it o Tiyon aagalogwe inendage maluk eerogo piyareegwam nogome nen inendage tiyappiigwi, inayuk wukwi, Eeko logowak nduk Eerogo piyaagin o.

Takariya 2:6

Aliku ALA nen ari logonet, “O wiya agi-ogu nen, aru-ogwe nen, nage menggim nogome mappinagareegirak me, kit o omarip paga pa'nggwe wonogwe nogo woraanip o! Woraanip o!

Matiyut 12:20

Op eekwi, maluk eekwi, onggo a'me nggelok eeppiinet nage nogo, Nggwok aruwak nduk, awo eeka'lek logonet, Nggawi owak taganak nogo at nen kalenogo pege, Ndi, keele kani kuru aago kagak wunuk ari nogo, At nen nogonogo mbo pege, Eerigin lek mban.

Yaya 21:15

Mbi nonggo mbareegwa, at Yetut nen Timon Peterut nogo yoge logonet, “Yaya aput Timon wae! Kat koreewi yi, mbuuluk iniki kunik ee'nakwi iigak, kat nggwok togon kiniki kunik ee'nake ilik, lek a?” Yoge mbareegi, at Peterut nen, “E o, nogoba. An niniki kunik eekkake nogo, kat keenu aret o.” Yoge mbareegi, at Yetut nen, “An nandomba mbuulogwe ndegeninake logot o.”

1 Korindut 8:10

It kinoreewi ando iniki awo kole aga'lek mendek nogo nen, kugi aanggo warak kit ugun noorak kineenu me, ugun nunggwi kiinok, “It kugi aanggo warak kagak nunggwi me, nit togon nawi aret o,” yinuk, iniki maan mendek abeko logonet, nagun lek mbakop? Nunggwi aret iyoorak me,

Pelaareegerak 30:4

Ndi, kit ando nggween irip me mak eerogo pinagamenggerak nogo kunduk, ne ambit ti paga mban kuwak eerogo wokkiren,

1 Tetalonika 5:14

Ndi, noreewi o. It aap iniki nen alik eerit nugwi iinok, inaruk wakwi, aaninggin inoba age kero, inagabiti mbakak nugwi iinok, iniki kwippiigwi, iniki awo kole aga'lek kenok, eyak wappiigwi, ndi, aakumi abok kinoone yanggorogon yorogwe, eeko logonip o.

Iberani 12:12

Togop me, kinaganak nuk-nuk kirage logonet, kineenggi-kiniyok ndeyak eekkinake nogo kinomaawi eekkologo logomonggotik,

Iberani 4:15

Ala unde ninowe nggwok nogo nen nit aap nggween paga mendek me, ninobaabut ninggin-nanggin eekwi niinok, “Eebi,” ninomba'nuk ninake ugun-ugun eekeelik o. Ata, “An kagagirak nogo aret eeginake o,” yinuk, ninake liirogon eeke menggerak o. Nit ninabut mbaniyak nduk, aaninggin-paaninggin ninoba age menggerak nogo, at togop aret oba age kagak maluk eeka'lek ogogumbuk logonet, waganeegerak eenu me,