Yeremiya 31:6 - Ala Wone Peenok Peebi Mbanak

⁶ It aap oonikiya tum waka nen o Eparayim puut-puut teberogon paga time wonogo logonet, Aliku ninogoba Ala o puut Tiyon paga wonage me lagi nawok o, yinuk, Kuum-keek yogo logorak eyom panggoni woraagin o,” yinuk, yo'niragagerak o.

Yeremiya 31:6 ပူးပေါင်းရင်းမြစ်များ

Yeremiya 50:19

It Iterali perak, wogoren iniyokan inagari'ngga nenet nogo menggam piya woraminggirak O Mbatan paga inom, puut Karemen paga inom, inagari'ngga nenet nugwi, Puut-puut teberogon Eparayim paga inom, Nggileyat paga inom, nenet nogo logonet, ndonggoppiige kenok, puk ogwe, Eeko logogun,” yegerak o.

Oteya 9:8

Kit Eparayim kinarum logorak Ala nen mippiyareegerak nogo ti, it aap at yorage kagak yokkiraga nogo aret kwe, It yi tu ndi tu nogwe me abok aret yilunogo piyaawak nduk, keele pit nogwe, It inogoba Ala awi wurik me time yokkirogwe iigak, kineebi lombok inombakwi, Eeko ogotik o.

Oteya 1:11

It aakumi Yekura mendek inom, Iterali mendek inom, aa'nduk iniki ambit a'nuk wonogogwa kwak, peebi iniki ambit a'nuk, inowe inarum logorak ambi leenogo mippunuk, it mbo piya namenggam nogome nen woraanuk, o yime it aret unde eeppatinuk logogun me, O Yiteren eeppuurak eyom nogo ti, mondok iya aret o, yinuk, yogo logogun o.

Yetikiyen 33:2

“Aakumi nen ndarak yi wae. It aakumi kat mendek wone yorage logonet, yoroorak nogo yi aret. An nen aakumi o ambi me wonogwe nogo, wooluwak paga inooruwak nduk nappiya wage me, aakumi o time mendek nen inenggela'me aap ambi leenogo punuk, nggayo logowak nduk, mippemenggaarak enegen wonage logonet,

Yetikiyen 3:17

“Aakumi nen ndarak yi wae. It Iterali mendek kenegen wogonake logonok nduk kat aret mippagagirak me, noone yokkege karuk konengge logomenggendik, Aliku ALA nen ndogop yegerak o, yinuk, kurumbi yorage logomunggun o.

Yeremiya 6:17

Inarum logowak nduk, aap mippiinok, Oone nggwok eeka trompet oone pu ari kenok inaruk liirogon konenggo logowak o, yinuk, yoragagirak kwe, It nen, Ninaruk koneniyak nineebi o, yinuk, yogwe, Eereegwaarak nogo o.

Yetaya 62:6

Kat Yerutalem yi wae. Kobak wurik paga aap tum logowak nduk piigirak me, It nen liingge inom, oonikiya inom, tum wako logonet, inoone lek puk logogun lek o. Aliku ALA o Tiyon eeppuurak yegerak aberogo yoga kit yi wae. Kurumbi yoraga'lek ugun puk logorak mage o.

Yetaya 40:9

Wone obeelom wone wonok nega kit Tiyon mendek yi wae. Puut nggorek paga lagi nogwe, Wone obeelom wone wonok nega kit Yerutalem mendek yi wae. Kinoone mondok omaawi yorogwe, Kinagabiti mbaka'lek kuum-keek yorogwe, “Kinogoba Ala ti kaanip o,” yinuk, it kota-kota Yekura wonogwe nogo yorogwe, Eeko logonip o.

2 Mbinineegwaarak 13:4

Eeppunuk wonogwe iigak, aap Abiya o Eparayim nggelok-nggobok puut Temarayin paga lagi nanuk, wone eerogo wuppi wage logonet, “Kat Yerobeyam kawuri Iterali abok kinom yi wae. Wone an yokkirage yi, konenggo logonip o.

Etara 1:5

Nappit nage mbareegi, pekkogo nogogwaarik, it Yekura mendek ndarak ndegek inoweewi inom, Mbeniyamin mendek ndarak ndegek inoweewi inom, aap Ala unde inom, it aap Lewi mendek inom, Aliku ALA awi o Yerutalem wuriyak at Ala nen inalitak lombok inikime eeginabeegerak nogo woraawok nduk, pippuk eereegwaarak.

Ndawi 84:5

“Ala nen aret ninomaawi eeppinanege logowak o,” Yinuk, iniki kat paga panggonak wonogwe, O abe alik leenak menggim nogome noorak iniki lunik lombok wonogwe, Eekwi iinok, Inale'nggen aret menggaarak o.

Yeremiya 3:14

Aliku ALA nen ari logonet, “Kwe ogonggelo mbo punuk eerit nega kwak it napuri ti, inogonggelo kwak an aret me, iniyokan neya woraawak o. Inawi kota lombok nen it ambi nggigik, inanebunu lombok nen it mbere nggigik, eerogo piinok, wogoren o Tiyon piya woraagin o.

Yeremiya 31:12

Wogo logomenggaarik, puut Tiyon paga ari wa'nuk, inale'nggen nen keekok yogwe, Naliku ALA an nen obeelom eeppiige logonet, Gandum inom, anggur amburu ngget toolak inom, tayitun amburu inom, kambin-ndomba inaagalogwe inom, lembu-tapi inaagalogwe inom, Yi mendek ndi mendek abok aret mondok nggwik togon wogoraminggirak paga Iniki ale'nggen nen i'ndok nggi yogwe wonogwe, Eeko logogun o. Ineebe logorak nogo ti, kom yarak me niyo mbininogo mambi wagaatak me, abe kwit agan lagangge menggi kwak aret logogun me, Le yogo nogogwa kwak ambinom yogo logogun lek o.

Yetaya 27:13

Ndi, ne ti eyom paga mban oone nggwok eeka trompet nogo oone pu nggwok eeke kenok, it aakumi Iterali mendek o Atiyut kobak ogogwaarak nogo inom, o Metit mbo nappiya nogogwaarak nogo inom, puut alik leenak Tiyon kota Yerutalem nogome kuwak ari wogo logomenggaarik, Aliku ALA alut eeko logogun o.