Yeremiya 31:5 - Ala Wone Peenok Peebi Mbanak

⁵ O Tamariya puut-puut teberogon paga time aa'nduk anggur awi yako nogogutak kwak, ambinom yakwi, Kit aap yabu eeka nen awi yappunuk, anggen mbanogo kinale'nggen paga nunggwi, Eeko logomunggup o.

Yeremiya 31:5 ပူးပေါင်းရင်းမြစ်များ

Ndawi 107:37

Yabume yi mendek ndi mendek awi yumbunggwi, Anggur awi yakwi, Anggen yege kenok, mbanogo nunggwi, Eereegwaarak.

Yetikiyen 28:26

It time ye mbambatinuk iniki ugun obeelom aret wonogo logonet, inawi wukkologwe, anggur awi yariyak yabu waganogo pugwi, eerugun o. Ndi, it inaagan-ambokan wonogwe abok aret nen maluk eeppiigo nogogwaarak onggo an nen inoba kwippiige logonet, it ambi eeppiiga'lek iniki ugun obeelom mban wonogwe ti paga Naliku inogoba Ala an aret ineenu arugun o,” yinuk, yegerak me, kat o Tiyon yokkigi o, yoreegirak.

Yetikiyen 36:8

It togop aret eeppiyaagin kwe it Iterali wonogo menggam puut-puut ti perak, an napuri Iterali ti, logonuk lek aret iniyokan iname nagun me, it inake yi eyo ndi eyo agarip ndake, anggen yit nage, eeruwak nduk, puut-puut ti nen amburu eerogo wumbege logogin o.

Amot 9:14

An napuri Iterali kugun wogoren mbo piya namenggaarak nogo, iniyokan wogoren piya wage neenok, Inawi kota-kota langgu-langgu aago nogo, obaane'me wurogo patinuk wonogwe, Ineyabume anggur yaremenggaarak paga amburu toologo nunggwi, Eyo anggen yege menggerak mendek yabume yaremenggaarak paga anggen abe mban mbanogo nunggwi, Eeko logogun o.

Obaya 1:19

Togop aret eerigin me, it an napuri karu nggwok nenaarak me o ame pa'nggwe wonogwe nen it Etawu mendek menggam puut nggelok-nggobok me ye mbanggologwe, It puut-puut teberogon wonogwe nen aakumi Pilitin mendek inanggween unde eekkologwe, Eerugun o. It nogo nen o Eparayim inom, o Tamariya inom, ye mbambatinuk wonogwe, It Mbeniyamin mendek nogo nen o Nggileyat paga ye mbanggologwe, Eeko logogun o.

Mika 1:6

“Togop aret me, an nen o Tamariya yigirik-noonom eerogo pege, Eyo anggur yariyak negen eerogo pege, It inayugum langgunogo o kobappaga yagabit eerogo mbo wuppege, At anggween alom wurabak nogo, kin eerogo pit nage, Eerigin o.

Mika 4:4

Inalitik-inalitak inageyo anggur alome kwi'ndak wonogwe, Inageyo wuli alome iniki ugun tayenak wonogwe, Eekwi iigak, “Aap ambi nen inogut nggigik yuwak nduk, eeppiyaagin lek aret o,” yinuk, At Omaawi Lombok Menggerak Aliku ALA nen aret yegerak me, yagi o.

Takariya 3:10

Ne ti eyom paga inalitik-inalitak inoreewi inayonggo piigwi iinok, wogo logomenggaarik, inageyo anggur inom, inageyo wuli inom, alome time kwi'ndak iniki ugun aret logogun o, yinuk, Nomaawi Lombok Minggirak Naliku an ALA nen aret yagi o,” yinuk, yegerak me, yokkigi o, yinuk, at Yotuwa yoge kagarak.

Pelaareegerak 20:6

aap ambi eyo anggur awi yaremenggerak kwe, anggen awo mbanggolaga'lek kagak wim nen wakwi iinok, aap alik nen anggen mbanogo nengge logokwak me, ame noorak op aret o, yinuk, yoge,

Pelaareegerak 28:30

Kit nen kinakuwi wogonaburak nduk miirogo patumonggotak kiigak kwe, aap alik ambi nen imbirak nogo yugwi, kinawi ngget wukkolamonggotak kwe, time nogo yega'lek mbo pugwi, kineyabume anggur awi yarumonggotak kwe, anggen mbanggolaga'lek mbo pugwi,

1 Tamuwen 21:5

Yoge mbareegi, at Ndawut nen ari logonet, “Nit wim eeri wunggo logonet, kumi ninom lambungga'lek kagak, wim eeri nogo monggoorak me, yogondak ti, lambungga'lek aret ogoorik o. Wim ugun eeko logonet, nawuri ninom maluk ninoba lenggenak lek abu obeelom logonet, eeko monggoorak me, yogondak ti, ambi alik lombok eeriyak ninoba pinanegerak wonage me, nineebe abunuk maluk ninoba lenggenak lek obeelom aret ogoorik o.”