Yeremiya 31:3 - Ala Wone Peenok Peebi Mbanak

³ O maan aa'nduk Aliku ALA nen nit ninowagam kin ari wa'nuk yo'nirage logonet, “An kinabuwa nen niniki kunik eekkinabeegirak nogo ti, Lek ariyak lek mondok-mondok logorak nogo mendek paga eekkinabeegirak me, Ninom kunik lombok logowok nduk, niniki kunik eekkinakak mban eeke minggirak o.

Yeremiya 31:3 ပူးပေါင်းရင်းမြစ်များ

1 Endagembogut 10:9

At Aliku kogoba Ala nen inikilom kombake logonet, aakumi Iterali inowe kendagembogut logonet wone lengganogo yorage logonok nduk, mippagareegerak me, endage tiyappogo logowok o. At Aliku ALA nen it Iterali mondok-mondok iniki kunik eeginake menggerak me, it abe mban koonggwi, li'lak mban eekwi, eekwi iigak, inarum logonok nduk, kendagembogut mippagareegerak o,” yinuk, yoreegerak.

Ndawi 103:17

Togop aret kwe, It aap Aliku ALA inagabiti mbakwi iniki kunik aganake nogo ti, Lek ageelik o aa'nduk nen nok peebi itok aret menggerak o. Ndi, it inombowologwe nen Inombomini Ala inom wone koonogo pereegerak nogo Liirogon porogo wonogwe, Eeko logorak wone mbo pega'lek ndak-ndak aret eekwi, Eekwi iinok, Aliku ALA nen obeelom eeppiinet wundi wage logogin.

Ndawi 25:6

Kaliku ALA wae. O aa'nduk lombok nen mondok iya tit aakumi inabuwa mbake, Kiniki kunik eeginabit wundi wage, Eerit nage menggendak nogo abeke logot o.

Ndawi Iya 1:4

Togop me, nit mbet-mbet nawok nduk, an kat kambokan woraakit nen, “Omok o,” yo'niru o. Nowe kendagembogut yi wae. An wo'neren kago ogoorak me pani wagandak wonage agarik o. Kat keenok, ninale'nggen nggwok lombok mbakwi, Kat eeke keenok, niniki ale'nggen alik negen kogwe, Anggur amburu noorak ninikilom mbuuluk mbakwi kwe, kat ninoreeluk abuwa nen kiniki kunik eekendak paga kat tiyappagagwi, Eeko ogoorik o. It komologwe kat tiyappagarak ti abu obeelom aret o.

Yetaya 43:4

It an niniki kundugu abu tiyanak lombok wonogwe iige, Ndi, an niniki kunik lombok eeginake, Eeke me, It eeppiyookwak inobaane'me aakumi ambi eeppiige, Inili ari logonet, yi aakumi ndi aakumi inobaane'me eeppiige, Eerigin o.

Yetaya 45:17

It Iterali yi perak, Inagap ndarak mondok-mondok logowak nduk, Kaliku ALA nen inagap ndarogo piyaagin me, Inenggali age, inendage maluk age, eeka'lek mondok-mondok obeelom aret wonogo logogun o.

Yetaya 49:14

Togop eekwi iigak kwe, o Tiyon nen ari logonet, “Aliku ALA nen an mbo panege, nogoba Ala nen kobak eerogo panege, Eekerak kagi,” Yinuk, ari agaarik o.

Oteya 11:1

Aliku ALA nen ari logonet, “It Iterali ti, wologwe mbuulogwe kwak wonogwe iigak, an niniki kunik eeginake, An naput me, O Metit nen wundi omok o, yinuk, endage kunogo wiige, Eereegirak o.

Oteya 11:4

Wam keele luwi mbareniren nogo mengga kwak, an nen inabuwa mba'nuk wogoren nage, Niniki kunik eeginake logonet, pigiren nage, Eyo aaninggin tapi enggaanok me pugu mengga kwak, it aaninggin inoba age me, an nen teeluk eerogo piige, Niniki yanggonak paga inambi nawak nduk wogorage, Eeke nagagirak o.

Maleyaki 1:2

Aliku ALA nen ari logonet, “An nen it Iterali niniki kunik eeginake neegak kwe, it nen yogo logonet, Nonggoti agago iniki kunik ee'ninake me yo'nirage agaarik o? yinuk, kin wo'neegwi iigi,” yegerak o. “At Etawu ti, Yakup oweeluk nogo lek a? Oweeluk aret kwe, an nen at Yakup niniki kunik eeke,

Oroma 8:30

Nit nda'naga'lek niigak mii'ninake nagagerik, leenogo pinaneegerak nogo aret ninayonggo pereegerak. Ndi, ninayonggo pereegerak nogo aret obeelom agago pinaneegerak. Ndi, obeelom agago pinaneegerak nogo aret at ninom tiyappinaneegerak.

Oroma 9:13

“At Yakup niniki kunik eeke, ndi, Etawu perak, neebi lombok mbake, eereegirak o,” yinuk, liiru mbanak nogo ndak-ndak aret eereegerak kogo ogoorik o.

Pelaareegerak 10:15

Togop aret kwe, at Aliku ALA nen kit kinombomini nogo inabuwa nggwok lombok mba'nuk iniki kunik aganake nagagerik, aakumi inanebunu andorogon wonogwe iigak, inombowologwe kit mban miirogo pinagareegerak yogondak wonogwe kit yi aret o.

Pelaareegerak 33:26

Ti'nuk, wone ambinom yoge, “Kit aakumi Yetiyurun mendek yi wae. Kit kinogoba Ala kokwak ambi wonage lek o. At nen yeenggwa kiraawak nduk, mbogut paga nen at aa'nduk ari wage, Ndugwi abinak lan ee'nuk wage, Eeke menggerak me,

Pelaareegerak 33:3

Kaliku ALA nen kapuri abet aret inabuwa mbake me, Kapuri kake leenak abok aret keenggime wonogwe nogo Kabu'me tebe yinuk, koone waganggwi,

Pelaareegerak 4:37

Kit kinanebunu inom, kinomaawi inom, ndak-ndak lek it aakumi inanebunu ambik inomaawi nggwok lombok kit kinigen kiigak mugogo wumbiinok, it menggam time yate kwak kit unde arumunggup nduk, kinombomini iniki kunik aganake nagagerik, inapuri nda'narit wundi wogogwaarak nogo miirogo piinok, at lombok omaawi ambik paga o Metit nen wogoren wundi wagagerak me, yogondak yi paga aret nggween ti unde arumunggup o.

2 Timotiyut 1:9

At Ala nen ninagap ndake nagagerik, nit at apuri at ake leenak logowok nduk, ninayonggo pereegerak. Nit ambi eekkologogurak paga ti lek o. Ata, at ee'ninaburak kooneegerak nogo ndak-ndak, iniki kunik nen eeppinanege logonet, ninagap ndareegerak. At iniki kunik nen eeppinanege menggerak nogo ti, o yi awo wakkaga'lek kagak, “Keritut Yetut abet mbakwi paga woorak o,” yinuk, koonogo pinaneegerak nogo, pagak yaga'lek wonagagerak kwe,

Yakobut 1:18

At nen yi mendek ndi mendek wakkaakit mbareegerak nogo tebenak kagak, it aakumi mban tiyanak logowak nduk, “Aap aa'nduk obeelom eerogo piyaakit o,” yinuk, oone yereegerak nogo paga iniki mbareegerak ndak-ndak eeke logonet, aa'nduk nit aakumi aret obeelom eerogo pinaneegerak.

1 Peterut 1:3

At ninowe Yetut Keritut ogoba Ala nen ninabuwa nggwok lombok mbake nagagerik, obeelom eeppinanege logonet, at Yetut Keritut kambunuk nogo menggam nen eenik agago mippereegerak nogo paga ninake punik nineyate kokwak pili age, yi'mbaani kungge, lek age, eekeelik mondok mbogut paga pinanogo wonage niniki lunik wonogwe nogo, kola nawok nduk, niniki ngget nda'ninabeegerak me, “Ninogoba Ala wa,” yinuk, endage tiyappogo ogoorik o.

1 Yaya 4:19

Aa'nduk at Ala nen nit ninabuwa mba'nuk, iniki kunik ee'ninabeegerak me, yogondak nit togon togop aret aakumi inabuwa mba'nuk, niniki kunik aganako logowok o.