Yeremiya 31:2 - Ala Wone Peenok Peebi Mbanak

² “It aakumi Iterali wooluwak paga inookugak ando mbaganit o karume nanuk tat yonggonggologwe wonogwe iigak, Obeelom eerogo piyaagin o,” yinuk, Aliku ALA nen aret yegerak o.

Yeremiya 31:2 ပူးပေါင်းရင်းမြစ်များ

Ndawi 78:52

Aap ndomba ndegeniren nege menggi kwak, at apuri ndegeniren wundi wage, Ndomba wogoren nage menggi kwak, o karume wogoren wage,

Wundeegwaarak 1:16

“Kit nen kumi Iberani mendek ndariyak inigen pagak ari kenok, tebeninako logonet, aap nda'nogwe iinok ti, inuut nggubunogo piigwi, ndi, komologwe nda'nogwe iinok, ineenik teppiigwi, eeko logonip o,” yinuk, wone lengganinabeegerak.

Wundeegwaarak 1:22

It Iterali mendek togop aret wigannarit nogo mbareegwa, at Pirawun nen at apuri aakumi Metit mendek apit aret yorage logonet, “Kumi Iberani mendek nen aap ndaganakwi iinok, yi nggwok Nin inikime mbo piya nogwe, ndi, kumi nda'nogwe iinok, ineenik teppiigwi, eeko logonu o,” yinuk, wone lengganogo yoragagerak.

Wundeegwaarak 12:37

It aakumi Iterali mendek nogo o Araametet nen o Tukot aret wogogwaarak. It wogogwaarak nogo ti, kumi elege-aabologwe inom linggininabulik, ata, aap mban ineebe lambunik ti, enam ratus ribu aret.

Wundeegwaarak 2:23

Peebi tahun ambik eeppunuk, aap endagembogut Metit mendek nogo kambeegerak kwe, kagak aret it aakumi Iterali nogo inayeloman eerogo piinok, yabu aaninggin-paaninggin agago piigo mbareegwa, inoone nggwok paga, “Aakumi inayeloman eerogo pinaninuk, ee'ninakwi yi, iyet o,” yinuk, Ala yoreegwaarak.

Wundeegwaarak 33:14

Yoge mbareegi, Aliku ALA nen, “An neebe lombok nen aret ndegenggiren nagin me, kiniki tayenak ugun aret namunggup o.”

Wundeegwaarak 5:21

yorogo logonet, “Kit eekotak paga Pirawun awuri inom nen iri'ngga pili agaatak obari ndi wuke menggi kwak, ninendage maluk eerogo pinanogotak paga ninooruwak nduk paloowi wogorogwe negen eekotak me, at Aliku ALA nen kit eekotak nogo liippinagage logomenggerik, kinowak loongginabigin o,” yinuk, yorogogwaarak.

Yetikiyen 20:35

O karume wogoren wagagi kwak, it wogoren yi aakumi ndi aakumi inenggela'me piya nanuk, time aret ninigen pet-pet yogo logonet, Ndogop eekotak o, yinuk, inowak loonogo maluk onggo inoba piyaagin o.

Oteya 11:4

Wam keele luwi mbareniren nogo mengga kwak, an nen inabuwa mba'nuk wogoren nage, Niniki kunik eeginake logonet, pigiren nage, Eyo aaninggin tapi enggaanok me pugu mengga kwak, it aaninggin inoba age me, an nen teeluk eerogo piige, Niniki yanggonak paga inambi nawak nduk wogorage, Eeke nagagirak o.

Linggineegwaarak 10:33

Yoge mbareegi, it aakumi Iterali nogo at Aliku ALA abuut nogo mbo pogo nogogwaarik, Aliku ALA wone yugu aloobut mbanak me yonggolak wonage nogo aa'nduk inengga loolo punuk, inawooliya wuppunuk logorak kwaarit nogo logonet, nogo kenagan yit wogogwaarak.

Linggineegwaarak 14:20

Yoge mbareegi, at Aliku ALA nen ari logonet, “Kat nen nggino yo'negendak nogo ndak-ndak aret inomaluk lek eerogo pigi o.

Matiyut 11:28

Kit wone yugu eerit nugwi paga kiniki aaninggin wonage, anggon-panggon eekkinake, eeke yi, an nen kiniki yanggongginabikit nduk, nowagam wa'nip o.

Pelaareegerak 1:30

Kit o Metit paga kinigen lombok kiigak, at Ala nen kit kinake eeke kogogutak nogo kwak, at Aliku kinogoba Ala aa'nduk a'nuk, kinake wim eerigin o.

Pelaareegerak 2:7

Kit yi eekak ndi eekak abok aret eekwi kiigak, at Aliku kinogoba Ala nen ale'nggen kinoba pinagage, tu o karu nggwok nonggologo pereegim yi paga wogwe kiigak, ndegengginake, eerit wage kagak, tahun 40 eereegerak o. Eeke kagak, at Aliku kinogoba Ala kinom logonet, kit kiniki uugwe mbakwi nogo a'me nggilik-nggelok aret eeppinagit wagagerak nogo o.

Pelaareegerak 8:16

peebi obeelom mban logobagip nduk, kinabut mbangge, kiniki tebeppatiyak nduk eeppinagage, eerit karume wundi wage logonet, kinombomini ineenggo'lek mendek mbi mana nabagip nduk, wokkiragagerak nogo o.

Yotuwa 1:13

“Kit kiniki ugun tayenak obeelom aret logomunggup nduk, at Aliku kinogoba Ala nen, Kinanggween yi wokkiragaarak o, yinuk, at Aliku ALA ayeloman Muta nen wone lengganogo yokkiragagerak nogo abeko logonip o.