Yeremiya 30:20 - Ala Wone Peenok Peebi Mbanak

²⁰ Inapuri aa'nduk wonogogwa kwak wonogwe, Ndi, an napuri aa'nduk kuwak aago iige nagagi kwak wonogwe, Eerugun me, It aakumi ambi mendek nen it tebenogo piigwi iinok, an nen onggo eeppiige logogin o.

Yeremiya 30:20 ပူးပေါင်းရင်းမြစ်များ

Yeremiya 32:39

It inom, inapuri ndaganabemenggaarak inom, obeelom mban wonogo logonet, an paga mondok-mondok inagabiti mbakwi, ndi, iniki ambit eeppunuk, eerit nogwe, eeko logowak nduk, eeppiyaagin o.

Yeremiya 2:3

It Iterali ti, mbi iyaalok ndarak kwak Naliku ALA nake leenak wonogwe me, It ambi nen maluk eeppiigwi iinok, Maluk aret eekotak o, yinuk, aaninggin inoba kwippiigak eeke nagagirak o,” yinuk, Aliku ALA nen yegerak me, yokkiragi o.

Yetaya 51:22

At kogoba Aliku Itok Menggerak ALA nen, At apuri inawone koonogo piiga kogoba Ala nen yegerak nogo yi aret. “Amburu toolak nenok, neyak-kweyak agan nege, Peebi noorak lek yogondak mban nanini eeppagarak toolak nogo nengge, Eekendak nogo Keenggi me nen abet aret waganggirak o.

Yetaya 49:26

It tebenogo pagarak eekwi nogo it ineebe lombok aret nunggwi, Anggur amburu nenok kumili ogo mengga kwak it inamiya lombok nenok kumili kunggwi, Eeruwak nduk, Eeppiyaagin o. Ti eekwi iinok, At Yakup ogoba Nomaawi Lombok Minggirak, Kagap Ndaka, Wondet Eerogo Pagaga ti, Naliku ALA an aret me, Yi aap ndi aap abok ineenu arugun o,” yinuk, yoge kagarak o.

Ndawi 102:28

It kayeloman mini inapuri nit nogo, niniki tayenak ugun aret wonogwe, Ndi, it paga wiganak nit nogo, Kenegen wo'ninake keegak, wigannarit wundi wogwe,” Eeko logogun o.

Ndawi 102:18

Aakumi peebi nda'nariyak nogo ineenu ogwe, It aakumi peebi wigannarugun nogo nen Kaliku ALA kendage tiyappugwi, Eeko logowak nduk, Inake liiru mbanogo puurak nogo yi o.

Yeremiya 30:16

Togop aret kwe, it an napuri inambeme yonggorinakwi nogo aakumi alik nen it inambeme yonggorinakwi, It an napuri wogoren mbo piya nogwe nogo, aakumi alik nen it wogoren mbo piya nogwe, It inamendek kugun waganggwi nogo, it inamendek kugun waganggwi, Ndi, it an napuri ineebe kugun wogoren nogwe nogo, aakumi nen it ineebe kugun wogoren nogwe, Eeruwak nduk, An nen eerogo piyaagin kwe,

Yetaya 54:14

Obeelom mban eerit namenggerak paga nu'lek eerogo patigin o. It tebenogo puurak nda wonogwe me, agabiti mbarigin lek o. Iniki a'nggan woorak nda lombok wonogwe me, ka woraagun lek mban.

Takariya 8:5

o kota tu paga tu paga wologwe-komologwe yagabit eerit nugu logonet, yine kunit nugwi, eeko logogun o,” yinuk, yo'nege,

Takariya 10:8

An abet aret wondet eerogo piyaagin o. Wondet eerogo piige logominggirik, Woraawak nduk neenggi walok yorage, kuwak eerogo piige, Eeke neenok, It aa'nduk wonogogwa kwak, ineebe ambik lombok arugun o.

Leendawi 5:21

Kaliku ALA wae. Kat nen nit mondok-mondok mbo pinanege, Kanini kuli pega'lek ninoba pinanegak mban eeke, Eeriyak mbaka'lek lek keenok, Niniyokan wo'niren kat wonage me pinani woraanok nduk, wo'ninake, Aa'nduk wonogogu kwak eerogo pinanege, Eeke logot o.

Takariya 10:6

It Yekura paga wiganak mendek nogo inomaawi eeppiige, It aap Yutup paga wiganak mendek inagap ndarogo piige, Eerogo piige logominggirik, Inabuwa nen wogoren iniyokan iname piya woraagin o. Piya wage logominggirik, Naliku inogoba Ala an aret a'nuk, wonage logogin o. Ndi, an mbo piyareegirak kwe, mbo piyoolik negen eerogo piyaagin me, It nggino yo'nugwi iinok, inoone konengge logogin o.