Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yeremiya 30:18 - Ala Wone Peenok Peebi Mbanak

18 At Aliku ALA nen yegerak nogo yi aret. “It Yakup paga wiganak inawi alom paga aa'nduk abe wonogogwa kwak eerogo piige, Inabuwa nen it wonogo menggam inanggween nogo obeelom eerogo pege, Kota ti, yigirik-noonom agagim obaane'me wuruwak nduk, koongge, Ndi, aap inowe endagembogut awi o nggwok abe wurik wonagagim nogome wurik kaawak nduk, eeppiige, Eerigin o.

အခန်းကိုကြည့်ပါ။ ကော်ပီ




Yeremiya 30:18
38 ပူးပေါင်းရင်းမြစ်များ  

Yoge nagagerik, at Ndawut nen it aakumi kuwak ogogwaarak nogo abok aret yorage logonet, “O nggwok abe wuriyak nogo ti, aakumi inawi wuriyak lek Aliku Ala awi lombok wuriyak me, aaninggin ambik wonage. Ndi, at Ala nen an naput Talomo miirogo pereegerak nogo, yi eeriyak ndi eeriyak liippega'lek eebe awo tawe me,


ndi, an naput Talomo nogo nen, Eerikit aret, mba'nuk iniki aganggen kerek togon, Yogop ee'nu ndogop ee'nu, wone yugu inom, eeko logorak wone inom, wone lengganak inom, nggirik-nggerok porogo logonet eerit nage, o nggwok abe wuriyak an nen yi mendek ndi mendek kuwak eerogo pigirak nogo paga wuke, eeke logowak nduk, eeppege, eeru o,” yinuk, tamban eereegerak.


O Yerutalem nogo, nggwok lombok nenaarak wonagagerak kwe, aakumi we mbuura'luk mban wonogwe, ndi, inawi kunduk wuka'lek aret wonogwe, eekwi me,


O kota Tiyon obeelom eeppuurak eyom panggoni wage, At eeppuurak koonak nogo abu panggo yi wage, Eekerak me, Kat pilak ari logomenggendik, O Tiyon abuwa mbake logomunggun o.


O yugum paga wurik yugum ti, Kayeloman mini nen inikilom mbakwi, O minik liirubu kale'ngga aago kunduk abuwa mbakwi, Eeko menggaarak o.


Kowa'nagat wurik inikime kabolok lek ugun wonage, Kowa'nagat wurik enegen kunik me Aap endagembogut awi wurik inikime time nu'lek wonage, Eerak logowak o,” yinuk, Tamban eeko ogoorik o.


Aap inowe endagembogut awi o nggwok abe eegu pak enegen kunik me wurik wonage nogome Ala wonage, Kota ti, pak wurik kwak, at eebe aret wonage, Eeke agaarik o.


At logowam abu abe tiyarogon wuke, Nggween alom yarogo pereegerak mondok menggi kwak, at awi togop aret nu'lek wurogo pege, Eereegerak.


Kaliku ALA wae. Kat kanggween nogo ili eerogo pege, Yakup paga wiganak aa'nduk wonogogwa kwak Obeelom eerogo piige,


Ayeloman mini nen wone yorogwe nogo omaawi eerogo piige, At nappiigetak yora nogwe nogo a'me nggelok yuwak nduk eeppiige, Aakumi o kota Yerutalem logogun o, yinuk, ari, It Yekura wonogo menggam kota-kota yigirogo pugu nogo obaane'me wurigin o, ari, Aa'nduk wonagagi kwak eerogo pigin o, ari,


Ndi, ndomba ndegeninaka kwak, an napuri eeppiyoorak abok aret ninikilom mbake nogo aap Koreti eeruwak nduk yoge, O kota Yerutalem obaane'me wuko logonip o, yuwak nduk, eeppege, Ala awi owak kwippit nogo logonip o, yoraawak nduk, eeppege, Eereegirak ti, Naliku ALA an aret o,” yinuk, yegerak me, yagi o.


Aliku ALA nen ari logonet, “Nandomba yi awi ndi awi wumbiyareegirak eegu yumbunik nogo an lombok nen kuwak eerogo inagari'ngga mbanogo nenet nogo nogogwam piya woraminggirak time wonogo logonet, inaagalogwe ambik aret ndaganakwi, ineebe apit aret wigannogwe, eeko logogun o.


Aliku ALA nen ari logonet, “It eeppiyoorak koonogo pereegirak nogo ti, an neenu aret o. An maluk eeppiyoorak koonulik o. Ata, iniki ugun tayenak wonogwe, Peebi obeelom eeppinaniyak o, yinuk, iniki abu lunik wonogwe, eeko logowak nduk, koonogo pereegirak o.


Aliku ALA nen ari logonet, “It an kwaa'nabit nugwi iinok, neyaawak nduk, neebe nigiige logominggirik, keele maarogo piya nogogwam nen iniyokan wogoren wage, it mappiyareegirak yi aakumi ndi aakumi inenggela'me wonogwe me nen kuwak eerogo piinok, kugun wogoren nawak nduk, eeppiyareegim nogome nen iniyokan piya wage, eerigin o,” yinuk, Aliku ALA nen aret yegerak o.


“Napuri Iterali inom, Yekura inom, keele maageren piya nogogwam time me nen iniyokan piya woraagin o, yinuk, Naliku ALA nen aret yagi o. Piya wage logominggirik, it inombomini unde eeppatinuk logowak nduk, inanggween wogoragagim nogome aa'nduk wonogogwa kwak logowak nduk, eerogo piya woroorak eyom abet aret panggoni woraagin o, yinuk, Naliku ALA nen aret yagi o,” yoreegerak.


At Omaawi Lombok Menggerak Aliku Iterali inogoba Ala yegerak nogo yi aret. “It an napuri keele maageren piya nogogwam nen iniyokan wogoren piya wage neenok, it aakumi o Yekura wonogwe inom, o Yekura kota-kota menggaarak inom, nen wone aa'nduk yogo nogogwaarak ambinom yogo logorak nogo yi aret. O obeelom eeko menggam yi wae. Puut alik leenak yi wae. Aliku ALA ale'nggen koba pagage logowak o, yinuk, yogo logogun o.


Aliku ALA nen ari logonet, “An nake o kota Yerutalem yi, obaane'me wurugun me, ti wuko logonet, o nggorek wurik endage Kananen nen nok, Tu Unggwogo Menggam Unggu'me time kuli wuriyak eyom panggoni woraagin o.


Togop me, kolaga aap kigin waka'lek kwak kit Iterali yi wae. Aa'nduk wonogogutak kwak eerogo pinagage neenok, aa'nduk wonogogutak pogom aret arumunggup o. Ndi, aa'nduk kinalobale eekak waganggo nogogutik, Iniki ale'nggen paga kwirabik-kwirabok yogwe nogo kinom eeko nogogutak kwak ambinom eekwi,


Inowak nggininik kunduk, nake kani kunik wun kunduk, mbo pi nogo menggam o kobappaga time abok aret inom, ndi, oonegen lagi wage menggim pa'nggwe niyo Kiriron aa'nggi paga yabu ye'mban-mban eerit wambi nogo menggam nen nok, Tu Unggwogo Menggam Kuda Mbanak yogwe unggu'me abok aret inom, ti, Naliku ALA nake alik leenak aret logogin o. Ndi, o kota ti, langgunogo pugwi, yigirogo pugwi, eeka'lek mondok-mondok aret logogin o,” yinuk, yegerak o.


It an napuri yi, aa'nduk wonogogwa kwak eerogo piyaagin me, aakumi Mbeniyamin wonogo menggam inom, o Yerutalem enaagan-ambokan yaga'lelo-yaga'lelo inom, o Yekura kota-kota inom, puut nggelok-nggobok kota-kota inom, oonegen kilu yi nage menggim puut-puut teberogon paga kota-kota inom, o ame pa'nggwe karu nggwok pereegim kota-kota inom, time wonogo logonet, wu mbuti perak paga nggween kunggologwe, Nggween ndogop kunggoorak o, yinuk, liiru mbanak ineenggi amburu pugwi, pekkookwak amburu nabenogo pugwi, Abet aret kunggwi iigoorak o, yinuk, ineenggi amburu pugwi, eeko logogun o,” yinuk, Aliku ALA nen aret yo'nereegerak.


aakumi inale'nggen nen yogwe, iniki ale'nggen nggelok yi unggwage logonet noone-koone yogwe, kwe aap imbirak lambunggo logonet inoone yogwe, ndi, it aakumi iniki ale'nggen nen, At Aliku ALA abu obeelom aret o. At iniki kunik ee'ninake nogo ti, lek aga'lek mondok-mondok aret ee'ninake menggerak me, At Omaawi Lombok Menggerak Aliku ALA, Wa! yogo logowok o, yinuk, an nake wo'niri wogo logonet yogwe, eekwi nogo ambinom inaruk konenggo logogun, yegerak o. Aliku ALA nen ari logonet, O aa'nduk obeelom lombok wonagagi kwak eerogo pigin o, yinuk, yegerak me nduk yagi o.


It Yekura inom, Iterali inom, keele maageren nogogwam nen wogoren piya wa'nuk, aa'nduk wonogogwa kwak eerogo piyaagin o.


“Togop me, at nayeloman Yakup paga wiganak ti, inagabiti mbakwi, Ndi, at Iterali paga ndarak ti, inaganak wakwi, Eerugwaarik o. An o nda nen it inagap ndarogo piya wage, At paga wiganak wogoren mbo piya nogogwam nen iniyokan wogoren piya wage, Aa'nduk iniki ugun tayenak inale'nggen paga wonogogwa kwak eerogo piige, Eerigin me, Iniki ma'nariyak mendek ambi inoba arigin lek aret o.


“Togop aret eerigin kwe, peebi o Elam aa'nduk wonagagi kwak eerogo pigin o,” yinuk, at Aliku ALA nen aret yegerak o.


Togop kwe, ti'nuk, it Amon mendek ti, aa'nduk wonogogwa kwak eerogo piyaagin o,” yinuk, Aliku ALA nen aret yegerak o.


Puut-puut ti paga aakumi inom, inaanggumi inom, ambik aret wiganogo piige neenok, ndaganabit nogo logonet, ineebe ambik aret wigannarugun o. O aa'nduk puut-puut ti paga aakumi ambik ye mbambatinuk wonogogwa kwak eerogo piyaagin me, aa'nduk yi mendek ndi mendek yarak anggen ambik yi'nage nagagi kwak lek, yogondak ti abunuk, alik negen yi'nage logowak nduk, eerogo pigin o. Ti eeke neenok, it nen Naliku ALA an aret ineenu arugun o.


An napuri Iterali kugun wogoren mbo piya namenggaarak nogo, iniyokan wogoren piya wage neenok, Inawi kota-kota langgu-langgu aago nogo, obaane'me wurogo patinuk wonogwe, Ineyabume anggur yaremenggaarak paga amburu toologo nunggwi, Eyo anggen yege menggerak mendek yabume yaremenggaarak paga anggen abe mban mbanogo nunggwi, Eeko logogun o.


Yogo mbaka, Aliku ALA nappi wagaarak malayikat nogo nen ari logonet, “Komaawi Lombok Menggendak Kaliku ALA wae. O Yerutalem menggaarak inom, o Yekura kota-kota wonogwe inom, kanini inoba piige keegak, tahun 70 eereegerak ti, inabuwa mbaka'lek wonage keegak, ne mande ari nagin o,” yinuk, yoge kagarak.


Togop aret me, Aliku ALA nen yegerak nogo yi aret. An nen o Yerutalem ne ambinom nena koonogo pegiige logonet, inabuwa mbake, an nawi obaane'me time wuruwak nduk, eeppiige, ndi, keele wakkagak paga o Yerutalem ngginogo nappege, eerigin o, yinuk, at Omaawi Lombok Menggerak Aliku ALA nen aret yegerak yoret o.


Kani wurik logonogo punuk, kani wuninogo pogo mengga kwak, gandum owak mippit nanuk, ndi wuninogo enggela'me pogo mengga kwak, ne ti eyom paga an nen it Yekura mendek inoweewi togop aret eerogo piige neenok, it aakumi inaagan-inambokan wonogwe nogo abok aret kani wuninogo piigwi iinok, tigitogon aret nenet nagin kwe, o Yerutalem perak, wonage menggi kwak enaani aret logogin o.


Ndawut paga wiganak inom, it o Yerutalem menggaarak inom, inendage abu tiyanak me, it Yekura paga wiganak inendage mbuuluk tebenak lek it inendage tiyanak ndak-ndak kaawak nen, it Yekura mendek aa'nduk ineegin tiyak yuwak nduk, Naliku ALA nen eerogo piyaagin o.


O Nggeba nen nok, kota Yerutalem ambokan o ame pa'nggwe kota Irimon kuli nggween ti abok aret, o Araba-Yoraran kobak nabunogo pereegi kwak eerogo pigin kwe, o kota Yerutalem perak, tu unggwogo menggam endage, Mbeniyamin, kuli nen nok, tu unggwogo menggam endage, Aa'nduk, kuli nen nok, tu unggwogo menggam, Unggu'me, kuli nen nok, o nggorek wurik Kananen kuli nen nok, aap endagembogut ake anggur aambiranggo menggam kuli, tiyarogon menggerak ndak-ndak aret eerogo pigin o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ