Yeremiya 30:16 - Ala Wone Peenok Peebi Mbanak

¹⁶ Togop aret kwe, it an napuri inambeme yonggorinakwi nogo aakumi alik nen it inambeme yonggorinakwi, It an napuri wogoren mbo piya nogwe nogo, aakumi alik nen it wogoren mbo piya nogwe, It inamendek kugun waganggwi nogo, it inamendek kugun waganggwi, Ndi, it an napuri ineebe kugun wogoren nogwe nogo, aakumi nen it ineebe kugun wogoren nogwe, Eeruwak nduk, An nen eerogo piyaagin kwe,

Yeremiya 30:16 ပူးပေါင်းရင်းမြစ်များ

Ndawi 129:5

Aap Tiyon ineebi mbaka nogo tebenogo piigwi iinok, Inenggali nen inakom niruk mbaganit nawak o.

Wundeegwaarak 23:22

At nen yokkirage nogo liirogon konenggwi, ndi, an yokkirage nogo inom liirogon aret eekwi, eekwi kiinok, kit kinom wim nogo ti, an ninom wim aret age, ndi, it kinom ogoorak nogo ti, an kunduk ninom ogoorak aret age, eeke logogin o.

Yetaya 14:2

Aakumi alik mendek nen it Iterali inanggween wonogogwam iniyokan wogoren piya woraagun o. Piya wogwe iinok, It Iterali Naliku ALA nanggween paga time logonet, Kumi inom, aap inom, inayeloman eeppiinok mengga kwak, It aakumi alik mendek nen togop aret eerogo piigwi, It keele maageren nogogwaarak nogo aret maarogo piigwi, It tebenogo piyareegwaarak nogo aret tebenogo piigwi, Eerugun o,” yinuk, ari kagarak o.

Yetaya 33:1

Kat aakumi maluk eerogo piiga yi wae. Kat maluk eerogo pagaga'lek iigak, kat nen mban maluk eerogo piinet nage me, kabuwa o. Kat aakumi inambokan lagangga yi wae. Aakumi nen kat kambokan lagangga'lek iigak, kalik nen mban it inambokan lagangge me, kabuwa o. Kat maluk abu aret eerogo piige keenok, it nen kat aret maluk eerogo pagagwi, Ndi, abu aret aakumi inambokan lagangge keenok, it nen kat aret kambokan laganggwi, Eerugun o.

Yetaya 54:15

It aakumi wari wogwe iinok, an nen eeppiyaminggirak paga woraagun lek me, It wari wogwe nogo at nen aret tebenogo piige logogin o.

Yetaya 54:17

At wariyak nduk yi mendek ndi mendek ogobakkigirogo pemenggaarak kwe, abe eerigin lek o. Ndi, aakumi inowak loonggo menggam it yi aap ndi aap nen, Kat ndogop eekendak o, yinuk, Inoone yoremenggaarak kwe, inoone lek eerogo piige logogin o. Aap apuri eyate wogorage menggi kwak, Naliku ALA nen nayeloman mini eeppiyareegirak nogo ti, It aakumi togop eeppiigo logowak nduk eeppiige, Ndi, It aap ti, Aap abe o, yinuk, inaana'le mbangge, Eereegirak ti aret o,” yinuk, Aliku ALA yegerak me, yokkigi o.

Yeremiya 10:25

It yi aakumi ndi aakumi nen Yakup paga wiganak nogo inambeme yonggorinakwi, Ineebe mondok lek eerogo inambeme yonggorinabit nogwe, Inawi alom lek eerogo pugwi, Eereegwaarak me, It yi aakumi ndi aakumi, Ninogoba Ala aret o, yinuk, yogolik nogo inom, It aakumi inanebunu lombok kendage kunogo yogolik nogo inom, kanini inoba piige logot o.

Yeremiya 12:14

Aliku ALA nen ari logonet, “It aakumi Iterali inom koorok menggaarak inobaabut maluk nogo nen an napuri Iterali yate kwak inanggween wogoragagim tebenggologwe nogo, eyo kinogo wunako mengga kwak it wonogo menggam inanggween paga nen nggiginogo wumbiige, it Yekura paga wiganak inenggela'me wonogwe nogo kunduk, togop aret yabonogo wumbiige, eerigin o.

Yeremiya 2:3

It Iterali ti, mbi iyaalok ndarak kwak Naliku ALA nake leenak wonogwe me, It ambi nen maluk eeppiigwi iinok, Maluk aret eekotak o, yinuk, aaninggin inoba kwippiigak eeke nagagirak o,” yinuk, Aliku ALA nen yegerak me, yokkiragi o.

Yeremiya 25:12

Aliku ALA nen ari logonet, “Ndi, tahun 70 abu aret eekwi iinok, it Mbaben mendek inowe endagembogut inom, at apuri it aakumi o Mbaben mendek inom, inomaluk onggo inoba kwippiige logonet, inanggween mondok-mondok mbuk aago logowak nduk eerogo pigin o.

Yeremiya 30:15

Wone yugu kagak iya tit taganggwi, Ndi, maluk nggwok lombok eekwi, eekwi paga An nen aret aaninggin inoba piyareegirak me, Inawin kunik andi lek ariyak iinggen nogo lek kenok, andi nen, Nawin o, yinuk, nonggop nduk inoone nggwok paga yogo agaarik?

Yeremiya 50:28

It aakumi o Mbaben nen muk aago inagap ndakko'nok mbaganit o Tiyon wa'nuk yogo logonet, At ninogoba Aliku Ala nen it Mbaben mendek eereegwaarak nogo onggo eeppiige, At awi wurik maluk eerogo pereegwaarak onggo eeppiige, Eekerak, mbininggwi nogo Inaruk konenuwak o.

Yeremiya 8:16

Wim eeriyak wogwe iinok, ninawim inaguda inogobak oone yogwe o Ndan nen ninaruk konenggwi, Inaguda wali inoone nggwek yogwe paga o nggween yi abok aret nuk-nuk ari kogwe, Eeko ogoorik o. It wogo logonet, o nggween yi inom, yi mendek ndi mendek nggween paga wonage inom, O kota inom, lek eerogo pogo logonet, yi aap ndi aap o kota wonogwe abok aret ne ambit lek eerogo piyaagun o,” yinuk, yagaarak.

Leendawi 1:21

An nen, Ai-ao, ari nogo, aakumi inaruk konenggwi kwe, it ambi nen niniki eyak wappanega'lek aret agaarik o. An noba agaarak nogo, nawim abok aret nen nabok konenggo nagaarik, kat eerogo paneegindak paga inale'nggen mbakwi me, An aago wonage kwak it ndak-ndak aago logowak nduk, eeppiyoorak yoragagindak nogo mbet-mbet eeppiya mok o.

Leendawi 1:22

It maluk eerit nogo nogogwaarak abok aret kat abeke, Ndi, an maluk eeke paga eeppaneegindak ndak-ndak it togop aret eeppiige, Eeke logot o. Niniki andi negen logonet, ai-ao ari, Niniki lek-lek ee'nabit unggwage, Eeke kenok yokkigi o,” Yinuk, yoreegerak.

Yetikiyen 29:6

Ti eeke neenok, it aakumi o Metit wonogwe abok aret Naliku ALA an aret ineenu arugun o. At ti, it Iterali mendek inowaanggun longgop kwak aret o.

Yetikiyen 35:5

O aa'nduk nen nok, yogondak kuli at nen it Iterali anini inombarit wage logonet, it Iterali eeko nogogwaarak onggo eeppiyoorak abu aret panggoni wage kenok, aaninggin inoba kwi'nagagerak ti eyom paga wooluwak paga inooruwak nduk inawim ineenggime piyareegerak me,

Yowen 3:8

It inapuri wologwe-komologwe nogo, aakumi Yekura mendek inoba kuniminggirak me, ti'nuk, it Yekura mendek nen inapuri ti, waganogo aakumi Teba mendek o nda time wonogwe nogo inoba kuninabugun o, yinuk, Aliku ALA nen aret yegerak me, yagi o.

Mika 4:11

Togop aret eerigin kwe, o yogondak nen yi aakumi ndi aakumi ambik lombok nen tebenogo pinagawak nduk, kuwak eeppunuk yogo logonet, It maluk eerogo piyaawak o. O Tiyon aagalogwe maluk eerogo piigwi iinok, inagi'ndok kanggo logowam ninigen loorogo logowok o, yinuk, yogwe kwe,

Mika 7:10

“Kit kinogoba Aliku Ala nogo ngge o?” yinuk, yo'nirogogwaarak ninawim nogo nen nit ee'ninake ti, Inigen niigo logomenggaarik, inenggali nen inete wandinik logonet, nogo logogun o. It tebenogo piinok, purok tu paga iniyok amok mbanggo mengga kwak, togop eeppiige iyaagun o.

Nakum 1:8

Niyo wu'nuk wage logonet, yi mendek ndi mendek taanogo pit nage menggi kwak, At inom wim mbanak inenggaawak lek eerogo piige, At inom ogoorak nogo mugogo kanggo menggam o apit me nappiige, Eerigin o.

Abakuk 2:16

At ayuk wuko logomenggaarak nogo obaane'me at aret enggali warogo pugun me, At aret nenok, agabolo kin kenok, enggali aruwak o. Amburu toolak kwak, at aaninggin oba kwippuurak Naliku ALA neenggi abe'nggan paga wonage nogo, At oba ari wage kenok, wogoriminggirak nagin me, endage tiyanak wonage nogo lek age logonet, enggali mban oba lenggenak aret logogin o.

Tepaniya 2:8

At Aliku ALA nen ari logonet, “It aakumi Mowap mendek nen an napuri meek eerogo piigwi, It Amon mendek nen an napuri mbelaappiigo logonet, inagi'ndok kanggwi, Eekwi nogo An muk naruk konenggirak o. It nen an napuri meek eerogo piigwi, Nit iya me, kinanggween tebenggologwe niinok, kit nonggop eerumunggup o? yinuk, yorogwe, Eekwi me,

Takariya 1:14

Kage mbaki, at malayikat an yo'nege nogo nen ari logonet, “Wone yorage logorak nogo yi aret o. At Omaawi Lombok Menggerak Aliku ALA nen ari logonet, O Yerutalem inom, puut Tiyon inom, niniki kundugu lombok eeke logonet, obeelom eerogo pigin kwe,

Takariya 1:15

it yi aakumi ndi aakumi nen, Nit ugun obeelom aret wonogwe, mbakwi nogo, an nanini lombok inoba kwippiyoorak mbake agaarik o. Aa'nduk nanini mbuuluk eeppiyoorak mbareegirak kwe, eerit nugwi ti paga nanini nggwok lombok inoba kwippiyoorak mbake agarik, yegerak o.

Takariya 12:2

“An nen abet aret o Yerutalem togolowak amburu toolak kwak eerogo piminggirak me, it yi aakumi ndi aakumi at enaagan-ambokan wonogwe nogo nen amburu toolak ti, na wogwe iinok, kumili kunik kwak agan nogo logogun o. O Yerutalem maluk eerogo puwok nduk, kwi'nari unggwogo logonet, o Yekura kota-kota kunduk maluk eerogo pugun o.

Takariya 14:2

Ne ti paga it o Yerutalem tebenogo puwak nduk, aakumi inanebunu lombok abok aret at nen kuwak eerogo piyamenggerak o kota ti paga kwi'nari unggwogo logonet, o wurik me unggwit nanuk, inamendek kabelogo kologwe, kumi kwa yogwe iigak eeginabit nogwe, eeko logomenggaarik, it kota time wonogwe ando nogo, kugun wogoren o nda piya nogo logonet, it ando o kota time logowak nduk, mbo piyaagun o.

Takariya 2:12

Naliku an ALA nen nggween alik leenak abeenok o Yekura nogo unde eekkolage, ndi, o Yerutalem aa'nduk miippunuk, wonagagi kwak an name logokit nduk, unde eekkolage, eerigin o.

Takariya 2:8

At Omaawi Lombok Menggerak Aliku ALA nen yegerak nogo yi aret. “Aakumi nen it an napuri mbaaniigwi iinok, an nenegen aret ndaganggwi, yegerak me, at Abu Tiyanak Menggerak nogoba nen it yi aakumi ndi aakumi tebenogo pinagareegwaarak nogo, maluk eerogo piyaakit nduk, nappani wagaarak o.

Pelaareegerak 30:7

at Aliku kinogoba Ala nen it ineebi kinomba'nuk, piyak-payak eerogo pinagagwi kinawim nogo pulunogo piige, eeke logogin o.

1 Tamuwen 17:53

Piya nogo nogogwaarik, it aap Iterali mendek nogo iniyokan wogo logonet, it Pilitin inamendek inawooliyana punuk, mbaganeegwaarak nogo inagugun waganggak wogogwaarak.