Yeremiya 30:14 - Ala Wone Peenok Peebi Mbanak

¹⁴ Inom iniki kunik mendek nogo nen ineebe muk inami ogwe, It inoba age nogo liippiigwi, Eeka'lek aret agaarik o. Wone yugu kagak iya tit taganggwi, Maluk abu nggwok lombok eekwi, eekwi paga It inom wim mbanak nen inooko mengga kwak, an nen inooke, It aap inogogun worokot nen yogwe iigak, taganggwi iinok, onggo inooko mengga kwak, inooke, Eereegirak o.

Yeremiya 30:14 ပူးပေါင်းရင်းမြစ်များ

Ayup 16:9

At Ala anini nen nagabolo nibinik-ndelenak eerogo panege, Eebi lombok nomba'nuk, eyak nggilik maake, Eeke kagak, Ninom ogoorak nen inigen abi worarogo panugwi,

Ayup 19:11

Anini kani omoonuk negen noba panege, At ti, nawim aret o, yinuk, ari, Eeke logonet,

Ayup 30:21

Nabuwa nombaka'lek nggwiirit nooke, Andi yagan waruwak o, yinuk, keenggi omaawi lombok paga noorit unggwage,

Ndawi 107:17

It ando iniki lek wi negen logonet, “Ala eeriyak mbake nogo nineebi,” mbakwi paga andi-pandi aganake, Maluk eerit nugwi paga aaninggin-paaninggin inoba kwi'nage,

Yetaya 57:13

Yeenggwa niret o, yinuk, inoone nggwok paga yogwe iinok, inagugiwak kuwak eerogo piigaarak nen aret inagap ndaruwak o! Inagugiwak ti, o wiya nen wonok nage, ambe aagi paga wogoren nggarek ari, eerigin kwe, It aap ineebe op logowok nduk, nabu'me ari wogwe iinok perak, Yate kwak o nggween yi kologwe, Nabuut alik leenak yi, it unde eekkologwe, Eeko logogun o,” yinuk, yegerak me, yokkiragi o.

Yeremiya 14:17

An napuri wone yoroorak nogo yi aret. Napuluk kolaga aap kigin waka'lek kwak nowe-nawot yi, inawin abu iya lombok kunik wonogwe, Inawin lek ariyak lek mendek kunik wonogwe, Eerak wonogwe iinok, Liingge-oonikiya puk aga'lek namunggut-nale kunik mban wonage agaarik o.

Yeremiya 2:36

Yeenggwa niraawak o, yinuk, ambi me nagak ambi me nagak eerit nugwi ti, nonggop nduk eerit nogo agaarik? It Atiyut mendek eekwi paga inenggali ogogwaarak kwak it Metit mendek nen eeginaburak ti paga togop aret inenggali arugun o.

Yeremiya 22:20

“At Yerutalem ti, it at inom a'nuk wim eekwi nogo abu tebenogo piigaarak me, At puut Libanon paga lagi nanuk, kuum ari, It o nggelok-nggobok Mbatan nen oone inaruk konenuwak nduk, keek ari, O Abarim nen kuum ari, Eeke logowak o.

Yeremiya 22:22

Alom at maluk mban eerit wundi wage nagaarak ti paga It aap at ndegenggwi nogo o wiya nggwok ambi wage logonet, wogoren mappiige, Ndi, it at inom a'nuk wim eekwi nogo keele maageren piya nogwe, Eekwi ti eyom paga At enggali age, endage maluk age, eerigin o.

Yeremiya 30:15

Wone yugu kagak iya tit taganggwi, Ndi, maluk nggwok lombok eekwi, eekwi paga An nen aret aaninggin inoba piyareegirak me, Inawin kunik andi lek ariyak iinggen nogo lek kenok, andi nen, Nawin o, yinuk, nonggop nduk inoone nggwok paga yogo agaarik?

Yeremiya 32:29

It Mbaben mendek o yi tebenggola ungguwok nduk eekwi nen unggwi wa'nuk, o yi, kani pogo logonet, it aakumi inawi kirin ndoonak paga obari abe kaga kugi Mba'an ake kani kunggwi, an neegak kwe, anggur amburu inagugi inake kilirogo pugwi, eekwi paga nanini mbareegirak inawi wurik nogo, inom kani pit namenggaarak pup eerogo nanet nage logogin,” yo'nereegerak o.

Yeremiya 32:30

Aliku ALA nen ari logonet, “It aakumi Iterali mendek inom, Yekura mendek inom, o maan awo wiganggo logonet, nenegen neegak obeelom ambi eeka'lek maluk mban eekwi, ineenggi paga eerogo pit nogogwaarak paga nanini kaawak nduk, mban eekwi, eerit wundi wogogwaarak o.

Yeremiya 32:34

An nawi wurik nendage kunggo menggam inikime time ogole warak inagugiwak pi unggwogogwaarak paga nawi wurik ti maluk eerogo pugwi,

Yeremiya 32:35

It inapurilogwe wologwe inom, komologwe inom, kugi Molok ake inoorogo kani kunggo logowok nduk, inagugi Mba'an ake warogo wogogo logowam o Mben-Kinom Kobappaga time tiyarogon ogobakkigirogo pugwi, eereegwaarak. It ti eeruwak nduk, an nen wone lengganogo yorage, It ogole warak ti mendek eekwi iinok, aakumi Yekura maluk eerugun kagi, yinuk, mbake, mondok eerulik o,” yinuk, yo'nereegerak.

Yeremiya 38:22

It kumi aap Yekura inowe kendagembogut kawi o nggwok abe wurik me wonogwe nogo wogoren aap Mbaben inowe endagembogut awuri inengga warak inowagam piya wogwe iinok, inoone nggwok paga kat yokkogo logonet, Koreewi lombok nen pilit pugunogo yokkugwi, tebenogo pagagwi, eekaarak o. Kiyok purok me yobok togon wangge keegak, it koreewi ti, mbo paganuk nagaarak, yokkogo logogun o,

Yeremiya 4:30

Kat maluk eerogo pagagaarak Yerutalem yi, wae. Kat nonggop eeriyak mbake agandik? Kayum maa'ngga kunik yikkolage, kalilibano eekkolagak mbuti emas paga ogobakkigirik yikkolage, Kenegen awi paga maa'ngga karok-mbarok eekkolage, Eeke ti, Nonggop eeke agandik? It kiniki kunik eeginake menggendak nogo ineebi kombako logonet, kooriyak eekwi iigak, eeke ti, Aanom warogo aret eeke agandik o.

Yeremiya 44:22

Kit maluk lombok eekwi, ogole warak mendek mban eerit nugwi, eekwi me, Aliku ALA nen ambinom puk ariyak meek age kenok, kinanggween ti pulunik aret wonage, ndi, aakumi lek o wogo aret wonage, eerak o yogondak kogwe ti aret.

Yeremiya 5:5

Inoweewi perak, Aliku ALA eeke menggerak liippugwi, Inogoba Ala yereegerak wone yugu nogo ineenu ogwe, Eekwi nogo abet aret ineenu me, Iya nage logominggirik, yoraagin o,” Mbake nagarik, yora nagarak kwe, “Yum aaninggin kwak, Ala wone yugu aaninggin me ambinom eeriyak nineebi o, yinuk, nggoorogo mbo pugwi, Wone yugu paga nit keele maarak negen wonogwe nogo mbanogo mbo pugwi, Eeruwok o,” yinuk, Iniki ambit eeppunuk, muk mbo pegaarak iigirak o.

Yeremiya 5:6

Togop me, it Ala wone taganogo punuk, alik lombok eerit nugwi, Tu abe kagak alik paga nomo agan nogo logonet, maluk alik negen eekwi, Eekwi iinok, Singa negen eyonggaame nen wundi wage logomenggerik, ineebe inoorogo piige, Nggeewo owo negen karume nen wundi wa'nuk ineebe nibinogo nengge, Aakumi wundi wogwe iyo, inoorogo ineebe nibinogo pegak nawok nduk, Nggeewo kwak ineeruwak yabenggek-ndabenggek aago nen inawi kota-kota inigen wo yagak nugwi, Eerugun o.

Yeremiya 50:42

Ineegin-inomaale inom, inarege-inawooluwak inom, li'luk ee'nuk wogwe, Aakumi inabuwa mbaka'lek inogogumbuk aret wogwe, Niyo yenggenak laut oonebu ari menggi kwak, inaguda paga kwi'na'nuk wogwe iniyogobit oone lo-lo agan wogwe, O Mbaben Aagalukwe kwak it Mbaben mendek ti, inooruwok nduk, ambo'me-ambo'me a'nuk wogwe, Eeko agaarik o.

Yeremiya 6:23

It ti, ineegin-inomaale inom, tege-wooluwak inom, mondok li'luk ee'nuk, wogwe, Inabuwa mbaka'lek inigen kubuk yinuk, mondok nappiigak-wappiigak eerogo inookwi, Niyo yenggenak kole laut oonebu ari menggi kwak, inaguda paga kwi'na'nuk, keekok agan wogwe, O Tiyon Aagalukwe ti, waruwok nduk, wim eeriyak oba teben-teben ee'nuk unggwogo mengga kwak, unggwogwe, Eeko agaarik o,” yinuk, yegerak me, kat o Tiyon Aagalukwe yokkigi o.

Leendawi 1:19

An ninom kunik nogo nen yeenggwa niruwak nduk, wiiragagirak kwe, E o, E o, mban yo'nugwi, It aap Ala unde narum wonaga inom, it aap noweewi inom, ineenik logowok nduk, inambi kwaakko'net nugu logonet, O kota yime abok aret kambit nogwe, Eereegwaarak o.

Leendawi 1:2

Oonikiya iniki wakkolage logonet, leenggu maake, Ale amburu agandin paga yanggunik-ngganggunik eerogo wurabit wage, Eeke agaarik o. At inom iniki kunik ambi nen at iniki eyak wappega'lek aret wonogwe, At oreewi abok nen, “Nore aret o,” yogwi kwe, ineebi ombako logonet, inom ogookkologwe, Eeko agaarik o.

Leendawi 2:1

Ndugwi nen puut lenggenogo pit nage menggi kwak, Nogoba Ala anini o Tiyon Aagalukwe oba lenggenogo pereegerak ti mondok iya o! Iterali endage tiya agan mbogut paga ari laganeegerak nogo nggween paga mbo wuppi wage, At anini eeppiyoorak eyom paga at iyok pi wangge menggim teppega'lek anini inoba kwippege, Eereegerak o.

Yetikiyen 23:22

“Togop aret me, Naliku Nitok Minggirak an ALA nen at Okoliba eeppuurak nogo yi aret. At inom iniki kunik logonet eekak mban eekwi iinok, anggon a'nuk mbo piyareegerak nogo nen aret at tebenogo pi woraawak nduk, inikime nggaganogo piyaagin o. At enaagan-ambokan wonogwe abok aret

Yetikiyen 23:9

Togop aret eerit nage nagagerak me, at inom iniki kunik iniki nengge aap Atiyut mendek nogo, ineenggime pereegirak.

Ndaniyen 9:11

Nit Iterali mendek abok aret eeko logorak koone yugu nogo, Eeriyak nineebi o, yinuk, taganogo mbo pogoorak o. Kat kendage maluk eerogo pogo nogoorak me, Maluk eekwi iinok, pulunogo piige, maluk eekwi onggo aaninggin inoba piige, eerigin o, yinuk, kumbuk mbambunuk yoragagindak kat Ala kayeloman Muta liiru mbaneegerak nogo ndak-ndak nit ninoba kwippinanggendak o.

Ndaniyen 9:13

Muta liiru mbaneegerak nogo ndak-ndak, nit aaninggin ninoba kwippinanege keegak, Aliku ninogoba Ala nen ninabuwa mba'nuk obeelom eeppinanuwak o, yinuk, nit maluk eekwi ti, mbo punuk, yungguk togon wogo logonet, wone abe wone yo'nirage nogo liippuurak op kwe, nit liippega'lek aret ogoorik o.

Ndaniyen 9:5

Nit maluk aret eekwi, koone taganogo pugwi, eekoorak o. Nit abu maluk aret eekwi, Koone ari eeriyak nineebi o, yogwe, eeko logonet, wone, Yogop ee'nu ndogop ee'nu, yo'niragagindak inom, wone lengganogo yo'niragagindak inom, taganogo mbo pogoorak o.

Oteya 2:5

It inagalo ti, kwe terak wuka nege logonet, aagalogwe ndaganabeegerak me, Aagalogwe ti, inenggali mbakak nugu agaarik o. At nen, It aap iniki kunik ee'nako logonet, nambi inom, Naniyo inom, nayum yuurak ndomba eeruwak inom, ligi abe yawenak inom, nagabolo paga eekak amburu inom, anggur amburu an noorak toolak inom, Wo'nogo menggaarak nogo aret muguren nage logogin o, yinuk, yereegerak me,

Oteya 5:14

It Eparayim mendek eeppiyoorak an singa kwak wonage, Ndi, it Yekura mendek eeppiyoorak an singa awooluk eyak ambik menggi kwak wonage, Eerak logonet, An nen it ando nibinik-ndelenak eerogo piinok, nggarek ari, Ando neyak nggereneren nage, Eerigin me, Aap ambi neyak me nen ndinigin lek aret, yegerak me, yokkiragi o,” yinuk, yoragagirak.

Obaya 1:7

It Erom mendek inom a'nuk eerit nugwi nogo nen aret inanggween kuli pugu kagak mugogo wumbiigwi, Inoreewi inom kunik nen inambokan laganggo logonet, tebenogo piigwi, Inom mbi nunggwi nogo nen yilunogo piyaawak nduk, keele kwak pit nugwi, Eeremenggaarak kwe, It yelok kaagun lek aret o,” yinuk, ari kagarak me, yokkiragi o.