Yeremiya 3:21 - Ala Wone Peenok Peebi Mbanak

²¹ It aakumi obeelom eerit nugwi nogo mbo punuk, eekulik mendek eerit nugwi, Inogoba Aliku Ala kobak eerogo pugwi, eekaarak me, Puut-puut puluk ko aago nogome logonet le yogwe, Aakumi Iterali leenggu maako logonet, Yeenggwa niret o, yinuk, yogwe, Eekwi konenggo ogoorik o.

Yeremiya 3:21 ပူးပေါင်းရင်းမြစ်များ

Ayup 33:27

Ti eeke kenok, It obeelom eerogo piyamenggerak nogo nen Aakumi inenggaanom paga yogo logonet, nit maluk aret eekwi, Obeelom eeriyak kagak maluk aret eerit nogwe, Eekoorak kagak kwe, At Ala nen nit maluk eekoorak nogo onggo ndak-ndak eeppinanega'lek teppinanege,

Kini Wuppiige 10:9

Aap wi-wi aganakulik kenok ti, tu kuuri'me aret nugu menggaarak kwe, Aap wi-wi aganaka perak, at eeke nogo aakumi ineenu ogo menggaarak.

Kini Wuppiige 19:3

Aap ambi iniki lek wi negen eerit nage paga maluk aret eekkolage nagaatik, anini wuk togon Aliku ALA mberege menggerak.

Yetaya 15:2

It kota Ndibon mendek nen puut-puut warogo wogogo menggam time le yuwok nduk, lagi nogwe, Ndi, o Nebo inom, o Mereba inom, eekaarak paga it Mowap mendek nen leenggu maakwi, Eeko agaarik o. Ineeruwak puluk ko aago mbanak wonogwe, Inamboro tabo eerogo mbanak wonogwe, Eerak agaarik o.

Yetaya 17:10

Kit Iterali yi, wae. Kinagap ndaka Ala mari eerogo pugwi, Kinayugum pak wurogo pereegi kwak wonagagerak nogo kinami age, Eereegutak me, Yi mendek ndi mendek abe awi kenok mban yarit nogwe, Eyo anggur awi abu abe aakumi alik iname mendek wonok yari unggwi wogwe,

Yetaya 57:11

It ta paga inagabiti mbakwi, inaganak wake, eeko logonet, an mbo paninuk alik mugurok nogwe, Noba abe'nakwi lek kobak eerogo panugwi, An ndogop eeke yi, iya! yinuk, iniki liippega'lek wonogwe, Eeko agaarik? An wone yoraga'lek puk wonage neenok, nayuk wuka'lek agaarik ya?

Yeremiya 12:12

It aakumi o yi, irip ambime wonogwe nen irip ambime wonogwe nogo abok aret Ineenik ambi teppiyaagun lek Naliku ALA nawooluwak nen nenet nage me, It maluk eerogo piiga nen o karume puut-puut puluk ko aago paga ari wa'nuk, inoba kwi'nari wambi wogo agaarik o.

Yeremiya 18:15

An napuri perak, kobak eerogo mbo panugwi, It inagugi ogut aanom warogo kagak ake obari abe kaga kani kunggwi, Eekwi iigak, Inagugi nogo nen Napuri tu aa'nduk mugurok nogo nogogwaarak nogo Mugurok nugu logonet, iniyogobit lik togon ngginnogo logowak nduk, eeppiigwi, Tu abe yarak kagak nomonogo punuk, tu maluk tiyak-tebek paga nugu logowak nduk, eerogo piigwi, Eereegwaarak.

Yeremiya 2:32

Kwe tawe alilibano li'luk eekkolaga'lek mari eerogo mbo pege, Kwe tawe ogonggelo imbirak lambumbiigwi me, ayum-agali ngget mendek yikkolaga'lek teppege, Eeke menggerak mbakop? Togop eekulik aret kwe, It an napuri perak, o maan aret mari eerogo mbo paneegwaarak wonage neegak, Ne ndi kuli ari naga o, yinuk, yuurak meek aret o.

Yeremiya 3:2

“Puut-puut puluk ko aago ti inigen pekkaawak o. Aap inom nogo yuulik o puut ambi nggeeme wonage mbakop? It aap inom lambuniyak nduk wogwe iyo, tu nggwok ambet paga kunduk torinakwi, It aap ooluk-ooluk nugu logonet eeko mengga kwak eekwi, Eeko nogogwaarak. Aap ugun ee'ninabuwak, mbarit nugwi, maluk mban eerit nugwi, Eekwi paga O enete abu maluk eerogo pereegwaarak me,

Yeremiya 31:9

At Iterali ogoba ti an aret age, ndi, at Eparayim nogo ti, an naput manggu ndarak aret age, Eerak aret wonage me, Tu paga wage logonet, inale ambik yogwe iinok, an nen iniki eyak wappiige, Yi niyo ndi niyo nage menggim aa'nggi paga time wogoren wage, It iniyogobit mbanirage kero, tu kobappaga wogoren wage, Eerigin o.

Yeremiya 7:29

Naliku ALA nanini it aakumi yogondak ndarak yi, inoba agaarak wonage nogo, Neebi o, yinuk, mbo piigirak me, ineeruwak mbanogo mbo punuk, puut puluk ko aago paga lagi nanuk, le ndawi piyanggo logowak, yegerak, yoret o,” yinuk, yo'negerak o.

Yetikiyen 23:35

Togop aret me, Aliku Itok Menggerak ALA nen yegerak nogo yi aret. “At nen an mari eerogo panege, ndi, ambokan munogo panege, eereegerak me, enggali lek amendek kin eerogo pit nage, Ugun ee'nabuwak, mba'nuk eerit nage, eeke nagagerak onggo eeppuurak toolak nogo, at aret nengge logowak o,” yinuk, yegerak me, yokkigi o, yoreegirak.

Yetikiyen 7:16

It ando inenggela'me nen peberagangge eerak mbaganit puut-puut paga ari namenggaarak wonogo logonet, it inobaalombok inomaluk paga towe puume inoone yogo mengga kwak iniki wakkologo logonet, Ai-au, yogwe,

Oteya 13:6

Mbi wogoragagirak nogo, ndonggorogon nunggwi, Ndonggorogon nenok, iniki wogoppakwi, Eeko logonet, An inomari eerogo mbo paneegwaarak o.

Oteya 8:14

It Iterali an nen ogobakkigirinabeegirak nogo inami eerogo mbo paninuk, Inoweewi inendagembogut inawi nggwok abe mban wurogo piinet nogwe, It Yekura mendek nen kota-kota ambik aret wurogo pit nanuk, yugum pak nggabe eerogo pit nogwe, Eereegwaarak kwe, An nen o kota-kota time abok aret kani kunik mbo wuppi woraagin me, kani nen pup eerogo nagin o, yinuk, yegerak me, yokkiragi o,” yoragagirak.

Mika 3:9

It aap Yakup paga wiganak inoweewi kit yi wae. It Iterali paga wiganak inarum monggotak yi wae. Wone yi, kinaruk konenggo logonip o. Aakumi a'me nggelok eeppiinet noorak wone kineebi mbakwi, Obeelom eerit noorak wone nogo yaga-taga eerogo pit nogwe,

Linggineegwaarak 22:32

Ayuk wuke mbareegi, at Aliku ALA ayonggo malayikat nen Mbileyam yoge logonet, “Kat kageledai ti, nonggop nduk ne kenagan paga yawi wakak mban eeke agandik? Kat noorak mbakenom nogome maluk eeppagarak kagak nage keyo nduk, an nen aret karu non mbanggabit nage agarik o.

2 Korindut 7:10

It iniki abet mbaka'lek mendek nen inamendek ambi lek age kenok, iniki wakko'net nogo nagaatik, irip paga kambit nogo menggaarak kwe, nit perak, Ala nen, “It iniki wakkolaawak,” mba'nuk eeppinanege nogo ti, nit maluk eekwi nogo niniki koombunuk, mbo pugwi niinok, Ala nen ninagap ndarogo nineenik logowok nduk, eeppinanege menggerak me, “It iniki wakkolaawak nduk, mbo pigibok eekirak ao,” yinuk, yigin lek aret o.