Yeremiya 3:10 - Ala Wone Peenok Peebi Mbanak

¹⁰ An nen Iterali eeppiige abok aret it ugun-ugun eekwi inawuluk Yekura nogo nen inigen iige nagagerik, iyokan neya wagagerak kwe, iniki abe paga woroolik o. Ata, neya wage yuwak wagagerak o,” yinuk, Aliku ALA nen an yo'negerak.

Yeremiya 3:10 ပူးပေါင်းရင်းမြစ်များ

2 Mbinineegwaarak 34:33

At Yotiya nen aakumi Iterali menggam abok aret kugi ogole warak mendek wonage nogo, abok aret mbo pit nage nagagerik, it aakumi Iterali wonogo menggam abok aret Aliku inogoba Ala mugurok nogo logowak nduk, yoragagerak. At Yotiya eenik wonage kagak, it nen Aliku inombomini inogoba Ala mbo puulik at mban mugurok nogo nogogwaarak.

Ndawi 18:44

Awo yorage neegak, konembunuk aret eekwi, It aap nggiru nogo, Inagabolo nirik-kirik agan neya wogwe,

Ndawi 66:3

Kinogoba Ala yogo logonet, “Kat iya tit eerit nage paga ninamineeri ne agan nage, Komaawi ambik lombok menggendak paga Kawim inagabiti nen yipik agan kabu'me ari wogwe,

Yetaya 10:6

It Atiyut mendek nogo it aakumi an noone liirogon eekulik mendek inowagam nappiya wage, It aakumi an nanini eeppanugwi nogo inageerok ndinggologwe, Inamendek kugun waganggwi, Tu paga purok iniyok amok mbanogo pit nogo mengga kwak ineebe iniyok aambiranogo piinet nogwe, Eeruwak nduk, nappiya wage, Eerigin kwe,

Yetaya 29:13

At ninogoba Ala nen ari logonet, “It aakumi yi, we inoone paga nen mban ninom kunik wonogwe, Inambe paga nen mban nendage tiyappanugwi, Eeko logonet kwe, Iniki perak, an ninom abu ogoorak wonogo agaarik o. It nalut eekwi nogo ti, aakumi inoone yugu mban mugurok nogo logonet, nalut eeko menggaarak.

Yetaya 31:6

Kit aakumi Iterali mendek yi wae. Maluk lombok eeko logonet, kineenggi paga nen mbuti perak paga, mbuti emas paga, kinagugiwak ogobakkigirogo pereegutak nogo, Ne ti eyom paga kinalitak lombok nen mbo pumunggup me, at Ala mbo punuk kiniki o nda ari nagaarak nogo yogondak aret yungguninuk kiniyokan at owagam wa'nip o.

Yeremiya 11:10

An yorage nagagirak nogo inombomini nen, Eeriyak, nineebi o, yinuk, mbo punuk, maluk eerit nugu nogogwaarak nogo aret mugurok nogwe, an wonage neegak kwe, kugi mugurok nogo logonet, ayuk wukwi, eeko agaarik o. It Iterali paga wiganak inom, it Yekura paga wiganak inom, nen wone eeko logorak inombomini ninom koonogo pereegirak nogo piinogo mbo pereegwaarak me,

Yeremiya 12:2

Eyo awi yako mengga kwak yarogo piige mbaken, It togop aret inomanggen yakwi, kwit agan laganggwi, anggen yugwi, Eeko menggaarak. Inambe paga nen kendage yogwe kwe, iniki perak, abu nda lombok wonogo agaarik o.

Yeremiya 9:1

Nanobak me niyo yenggenak kwak wonage, Ndi, niyo kila-kila wundi wage menggi kwak, nenegen me nen wundi wage, Eeke logowak lak, ao! Togop aret logonetak en, it aakumi an nowe-nawot inoorak nogo liingge-oonikiya inale ari logonetak o.

Oteya 7:14

It nen, Ninogoba yeenggwa niret o, yinuk, iniki abe paga yo'nugwi lek o. Ata, an mbo paninuk, gandum inom, anggur amburu ngget toolak inom, Inambik inagugi nen wo'niraawak o, yinuk, It nogo yogo menggam logonet le yogwe, Ineebe nggawi penek eerogo pakwi, Eeko menggaarak o.

Amot 4:9

“An nen gandum yarak inom, eyo anggur yarak inom, maluk eerogo pege logonet, Pili-loba eerogo pit nage, kanenep eerogo pit nage, Eyo wuli paga inom, eyo tayitun yarak paga inom, wurin nen pup eerogo nawak nduk nappiya wage, Eereegirak kwe, Inomaluk mbo punuk iniyokan yungguninuk an neya waga'lek aret menggaarak o,” yinuk, Aliku ALA nen aret yegerak o.

Maleyaki 2:11

It Yekura mendek inom eeko logorak koonogo pereegwaarak nogo, lalenogo pugwi, it Iterali menggam inom, o kota Yerutalem inom, maluk inamineeri ne agan noorak nogo mendek eereegwaarak nogo ti, it Yekura mendek nen inogoba Ala lek aakumi inambik inagugi eeko menggaarak mendek inapuri komologwe wogonabeegwaarak paga at Aliku ALA awi wurik alik leenak iniki kunik nogo, enete maluk eerogo pugwi, eereegwaarak ti aret.