Yeremiya 28:11 - Ala Wone Peenok Peebi Mbanak

¹¹ Kalenogo punuk, it aakumi abok inenggaanom paga yorage logonet, “Aliku ALA nen yegerak nogo yi aret. At ti eekerak ndak-ndak, eyo aaninggin tapi uut paga pugu kwak aap Mbaben inowe endagembogut Nebukanetat nen aaninggin lombok yi aakumi ndi aakumi inoba piyareegerak at abu'me wonogwe nogo tahun mbere yi age yoboni naga'lek kagak an kalenogo pigin, yegerak o.” Ari mbareegi, Ala yoge kagak yoraga at Yeremiya nogo o time nen nagagerak.

Yeremiya 28:11 ပူးပေါင်းရင်းမြစ်များ

Yeremiya 14:14

Yoge mbaki, Aliku ALA nen onggo an yo'nege logonet, “It aap an yorage neegak yoraga ti, an yoraga'lek neegak nendage kumbunuk pilit pugunogo yorogo agaarik o. An nen nappiige, yorogo logowak nduk mippiige, Togop yoraanip o, yinuk, yorage, eeka'lek neegak, iniki mba'nuk, Nabinggaanggo ndogop kagarak o, yinuk, yorogwe, tili paganggo logonet ugun-ugun yoranet nugwi, inikime nen pilit pugunogo ugun agan nugwi, eeko agaarik o.

Kini Wuppiige 14:7

Aap iniki lek wi nogo agan nege paga wone ambi kineenu ariyak lek me, mbo punuk mbaganggo logonip o.

Yeremiya 29:9

It aap ti, an nen nappiya woroolik kagak, Ala nen yegerak o, yinuk, we piliret an nendage kunogo agan nugwi me, inoone konenugwaarik,” yegerak o.

Yeremiya 23:17

It aakumi an noone koneniyak ineebi mbaka nogo yorogo logonet, Aliku ALA nen, Kineebe op aret logomunggup, yegerak o, yinuk, yorogwe, Ndi, it aap inogogumbuk nen koonggwi mugurok nogwe nogo yorogo logonet, Aaninggin mendek kit kinoba ari woraagin lek o, yinuk, yorogwe, Eeko menggaarak me, It yorogwe ti, inoone inaruk konenugwaarik o.

2 Mbinineegwaarak 18:10

aap Kenaana aput Terekiya nogo nen tapi eyak kwak mbuti paga ogobakkigike nagagerik, Akap yoge, “At Aliku ALA nen ari logonet, Tapi eyak kwak ogobakkigirik yi paga it aakumi Aram mendek ndanuk eerogo inoorit nage kagak, ineebe pup eerogo piyaagin, yegerak o.”

1 Endagembogut 22:6

Yoge mbareegi, aap Iterali inowe endagembogut nen it aap peebi eeriyak wone yoraga ineebe empat ratus negen kuwak eeppiige nagagerik, yorage logonet, “An o Aramot-Nggileyat time wim eeri noorak op aret ilik, puk ari a?” Yorage mbareegi, it nogo nen, “At kogoba nen kendagembogut keenggime pigin me, wim eeri noorak op aret o,” yinuk, yoreegwaarak.

1 Endagembogut 13:18

Yoge mbareegi, aap anggok Ala nen yoge kagak yoraga nogo nen wone pilit aret yoge logonet, “An kunduk Ala nen yo'nege kagak yoraga kat pogom aret me, Aliku ALA ayonggo malayikat nappi wagaarak nogo nen an yo'nege logonet, Aap ti, oroti inom, niyo inom, nawak nduk wonok kame kimbirak nak, yo'negerak o.”

Yetikiyen 13:7

An nen yoraga'lek neegak, it nen, Aliku ALA nen yegerak me yokkiragi o, yogwe nogo ti, piliret, Nabinggaanggo kagarak o, yogwe, pilit aret, Ndogop arigin o, yinuk, tili paganggwi, eeko menggaarak nogo lek a?

Yeremiya 28:15

Yoge mbareegi, Ala yoge kagak yoraga Yeremiya nen at Ala yoge kagak yoraga Kananiya ka nage nagagerik, yoge logonet, “Kananiya wae. Karuk o! Aliku ALA nen nappagi woroolik kagak, aakumi yi abok aret abet mbaruwak nduk, pilit wone kagak inikime manakendak me,