Yeremiya 27:4 - Ala Wone Peenok Peebi Mbanak

⁴ It inogobamini yora nawak nduk, wone eerogo nappiige logonet, At Omaawi Lombok Menggerak Iterali inogoba Aliku Ala nen inogobamini yoraawak nduk, yoroorak yegerak nogo yi o.

Yeremiya 27:4 ပူးပေါင်းရင်းမြစ်များ

Wundeegwaarak 5:1

Ti'nuk, Muta Karun imbirak Pirawun owagam nogo nogogwaarik, at yogo logonet, “At Aliku Iterali inogoba Ala nen ari logonet, An napuri o karume time nalut eeri noorak nappiyaawak nduk, aap Pirawun yori nanip o, ari mbaki, yokkiri wogo o.”

Yeremiya 10:10

Kaliku ALA perak, kalik Ala aret! Kat kanggeelik mondok keenik wonage, Kendagembogut kitok mondok wonage, Eeke menggendak o. Kanini mbake keenok, nggween yi nuk-nuk ari, Kanini yi aakumi ndi aakumi inoba piige keenok, ko wappunuk, wonaga'lek iniki ma'nogwe, Eeko menggaarak.

Yeremiya 10:16

At Yakup iniki kunik mbake nogo perak, togop lek o. At yi mendek ndi mendek apit aret wakkage nagagerik, Eyate kwak inanebunu Iterali mendek warak eerogo piyareegerak nogo ti, Endage, Omaawi Lombok Menggerak Aliku ALA aret o.

Yeremiya 25:27

Nogo wogoge mbaki, Aliku ALA nen an yo'nege logonet, “Amburu toolak nogo wogorage logomenggendik, it yorage logonet, at Omaawi Lombok Menggerak Iterali inogoba Aliku Ala nen yegerak nogo yi aret. Amburu toolak yi ti, wooluwak paga inooruwak nduk, nappiya woraminggirak inookwi kwak aret me, nonggo logowak o. Nenok kumili kunggwi, peyak wukwi, eeppunuk, ngginnarit namenggaarak mi'narugun abu lek aret, yegerak, yoret o.

Yeremiya 27:3

Pake logomenggendik, inawuri aap Yekura inowe endagembogut Terekiya o Yerutalem wonage me, ka wogogwaarak nogo nen wone wonok it inoweewi lombok inendagembogut Erom mendek inom, Mowap mendek inom, Amon mendek inom, Tirut mendek inom, Tiron mendek inom, wonogwe me yora nawak nduk, wone tugunogo nappiyet o.

Yeremiya 27:5

Neenggi omaawi paga nggween inom, aakumi nggween paga wonogwe inom, nggween paga wonogwe ndiimbu-nggwiya towe-pagi inom, abok aret ogobakkigirogo piyareegirak me, niniki koombunuk, wogoroorak mbake kenok mban wogorage minggirak me,

Yeremiya 28:14

At Omaawi Lombok Menggerak Iterali inogoba Aliku Ala nen yegerak nogo yi aret. Aaninggin mbuti paga ogobakkigirik it yi aakumi ndi aakumi yi abok aret inuut paga kwippiige neenok, it apit aret nen aap Mbaben inowe endagembogut Nebukanetat ayeloman mini a'nuk, abu'me tebenak logonet, ake eeko logogun o. It aakumi mban lek o. Ata, ndiimbu-nggwiya kunduk at mban unde logowak nduk, wogorigin, yegerak, yori nak o,” yinuk, yoreegerak.

Yeremiya 51:19

At Yakup iniki kunik mbake nogo perak, togop lek o. At nen yi mendek ndi mendek abok aret wakkage nagagerik, Eyate kwak inanebunu Iterali mendek warak eerogo piyareegerak nogo ti, Endage, Omaawi Lombok Menggerak Aliku ALA aret o.