Yeremiya 27:19 - Ala Wone Peenok Peebi Mbanak

^19-20 Aap Mbaben inowe endagembogut Nebukanetat nen aap Yekura endagembogut Yoyakim aput Yoyakin nogo o kota Yerutalem nen o Mbaben wonok pi noorak eeke logonet, it o Yekura mendek kunduk, Yerutalem mendek kunduk, inoweewi inengga warak inom wogoren naakit nduk, Ala awi wurik o awe eyak inom, togolowak kole endage, Niyo Yenggenak, nogo inom, ineenggi kookak niyo toolak wonok negak inom, yi mendek ndi mendek eekak ando inom, o kota yime mbo punuk nagagerak nogo at Omaawi Lombok Menggerak Aliku ALA nen ari logonet,

Yeremiya 27:19 ပူးပေါင်းရင်းမြစ်များ

1 Endagembogut 7:23

Nogo eerogo pege nagagerik, togolowak endage, Niyo Yenggenak, mbuti tembaga paga ogobakkigike logonet, eebe kole yimun-namun aago ambe yibagan-enebagan metet 4 eeppunuk, ambi oolo wakkagak eerogo pege, irip agi tiyanak nogo metet mbere eeppunuk, ambi oolo wakkagak eerogo pege, ndi, keele yendok-wandok metet 13 eeppunuk, ambi oolo wakkagak eerogo pege, eeke nagagerik,

1 Endagembogut 7:27

Ti eeke nagagerik, niyo toolak wonok negak mbuti tembaga paga 10 kuli ogobakkigike logonet, inambe agi-ogu inom, aru-ogwe inom, ti metet mbere paga mban wakkage, inirip nggorek metet ambit eeppunuk, ambi oolo abu'me negen wakkage, eereegerak.

2 Endagembogut 25:13

Eeke mbareegi, at awuri Mbaben mendek nen Aliku ALA awi wurik eyak mbuti tembaga paga ogobakkigirik mippugu nogo inom, Aliku ALA awi wurik me ineenggi kookak niyo toolak wonok negak inom, togolowak kole endage, Niyo Yenggenak, mbuti tembaga paga ogobakkigirik nogo inom, minogo punuk, mbuti tembaga kero mban, o Mbaben wonok nawok nduk, ponggonogo waganggwi,

2 Mbinineegwaarak 36:18

Ala awi wurik me yi mendek ndi mendek eeka nggwok inom, mbuuluk inom, abok aret wagangge, yi mendek ndi mendek onggo nggwok Aliku ALA awi wurik me wonage nogo wagangge, aap endagembogut inom, at inom eeko menggaarak inom, inamindik-inamendek onggo nggwok kero wagangge, eeke nagagerik,

Leendawi 1:10

Awim nen amendek obeelom iniki kundugu nogo waganeegwaarak o. Kaliku ALA nen, “Nawi wurik abu leenak nogome aakumi ugun ungguurak lek an napuri nen mban unggwi nogo logorak,” yereegindak kagak, Yi aakumi ndi aakumi endekem mendek nen unggwi nogwe enegen iyareegerak o.

Ndaniyen 1:2

Oonda mbani unggwage kagak, at Ala nen aakumi Yekura mendek inowe endagembogut Yoyakim tebenogo puwak nduk, eeppege mbareegi, tebenogo punuk, Ala awi wurik me eekak ake nogo ando waawak nduk eeppege mbareegi, wagangge nagagerik, wonok o Mbaben at agugi alut eeke menggim yime pi woranuk, at agugi awi wurik me yi mendek ndi mendek abe kenok pege menggim nogome mambereegerak.