Yeremiya 27:13 - Ala Wone Peenok Peebi Mbanak

¹³ At Aliku ALA nen, It aakumi ambi mendek nen it Mbaben mendek inowe endagembogut oone konenggo logorak ineebi yogwe iinok, wooluwak paga inooruwak nduk eeppiige, mbi noogelo inoba piige, kugilingga inoba kwippiige, eerigin o, yinuk, yereegerak nogo kagak, kat inom, aakumi kat kapuri inom, ti paga kambuurak nonggop nduk eeko ogotik?

Yeremiya 27:13 ပူးပေါင်းရင်းမြစ်များ

Kini Wuppiige 8:36

It aap an wo'naka'lek mbo panugwi iinok perak, It inobaalombok aret maluk eekkologo menggaarak o. It aakumi an ineebi nombakwi abok aret kambunuk mondok-mondok Ala inom ogoorak logorak inikilom mbako menggaarak o, Yinuk, iniki warak nen yereegerak nogo ti aret o.

Yeremiya 17:4

It ti eekwi paga nanini kani kunik negen eerogo panegaarak mondok-mondok wunuk ari logogin me, Yate kwak inanggween unde eeppiyareegirak nogo it eekwi paga aap alik unde eekkologwe, Inawim nen o it ineenggo'lek me time piya nanuk inayeloman eerogo piigwi, Eerugun o,” yinuk, yegerak.

Yeremiya 24:9

An nen it mak eerogo piyaminggirak yi aakumi ndi aakumi inabu'me piigo menggam o nggween paga wonogwe abok aret inenggela'me time nugwi iinok, Inogole o, yogwe, inoba laarogo yogwe, it eekwi in wakkagak yogwe, meek eerogo piigwi, inagi'ndok kanggwi, pulunogo piigwi, eeko logowak nduk, eerogo piyaagin o.

Yeremiya 27:8

It aakumi inanebunu ambi nen a, aakumi inabu'me piigo menggam ambi nen a, aap Mbaben mendek inowe endagembogut Nebukanetat ayeloman a'nuk, Ake eekwi nineebi, yogwe, eyo aaninggin tapi inuut paga pogo mengga kwak, At Nebukanetat nen aaninggin ninoba pinaniyak nineebi, yogwe, eekwi iinok, an nen it aakumi ti, wooluwak paga inoorogo piige, mbi noogelo inoba piige, kugilingga inoba kwippiige, eeke neegak, aap ti nen aakumi ti, tigippiige logowak nduk, eenggime pigin o, yinuk, Naliku ALA nen aret yagi o.

Yeremiya 38:20

Yoge mbareegi, at Yeremiya nen onggo at yoge logonet, “Kat yagandak ti, togop eekkabugun lek o. Aliku ALA nen yegerak yokkege yi, karuk liirogon konembunuk, eeke keenok, keebe obeelom logonet, kili aago aret logomunggun o.

Yeremiya 38:23

Kakuwi-kapuri inom it aap Mbaben mendek ineenggime piyaagun o. Ndi, kat kunduk, it ineenggime nen kole mbaganumunggun lek aap Mbaben inowe endagembogut nen pikkake, o kota yi, kani mbelanogo pege, eerigin,” yo'negerak me yokkigi o.

Yetikiyen 14:21

At Aliku Itok Menggerak ALA nen ari logonet, “Ti eeppiyoorak yagarak nogo ti, iya negen kwe, inomaluk onggo aaninggin alom 4 eeppiyoorak nogo ti, wooluwak paga nen, mbi noogelo paga nen, nggwiya anini warak paga nen, kugilingga paga nen, it Yerutalem wonogwe aap inom, inaanggumi inom, kambuwak nduk, inoba kwippiyaagin ti perak, abu iya o!

Yetikiyen 18:24

Togop kwe, it aakumi iniki abe koonak mendek nen noone yugu ndak-ndak eeko menggaarak nogo mbo punuk, nomoninuk maluk eerit nogo logonet, it aap maluk mendek nen ogole warak mendek eeko mengga kwak eerit nugwi iinok, it ineenik logogun mbaken? Lek aret o! It aa'nduk obeelom eerit nogo logomenggaarak nogo abok aret an abeke logogin lek o. Wone yugu liirogon eeka'lek alik eerit nogwe, maluk eerit nogwe, eeremenggaarak paga ineebe mondok kambugun aret o.

Yetikiyen 18:31

It Iterali mendek ti, nonggop nduk kambuwok, mbako agaarik? Noone yugu taganogo punuk maluk eerit nugwi nogo mbo punuk, iniki inom, inobaabut inom, alik ngget mendek eerogo pako logowak o.

Yetikiyen 33:11

yorage logomenggendik, ambi yorage logonet, It aap maluk mendek kanggwi iinok, an niniki ale'nggen mbakeelik o. Ata, ineenik logowak nduk it maluk eerit nugwi nogo mbo punuk, yungguninuk neya wogwe iinok perak, niniki ale'nggen mbake minggirak me, it Iterali mendek ti, iniyokan nowagam wogwe, it maluk eerit nugwi nogo mbo punuk, yungguninuk wogwe, eeko logowak o. It nonggop nduk, Kambuwok, mbako agaarik o? yinuk, neenik Nitok Minggirak Naliku an ALA nen aret yagi, yegerak yoret o.