Yeremiya 27:12 - Ala Wone Peenok Peebi Mbanak

¹² Ndi, wone eerogo nappiyareegirak nogo ndak-ndak it Yekura inowe endagembogut Terekiya yoreegirak. Yoge logonet, “Eyo aaninggin tapi inuut paga pogo mengga kwak, aap Mbaben inowe endagembogut nen eeriyak aaninggin kinoba pinagage kenok, E o. Eeko logowok o, yinuk, abu'me logonet ake eekwi, aakumi at apuri nogo inake eekwi, eekwi kiinok, kinagap ndarak aret logomunggup o.

Yeremiya 27:12 ပူးပေါင်းရင်းမြစ်များ

Kini Wuppiige 1:33

It aap an yorage liirogon konengga nogo perak, wone ambi inoba aga'lek inale'nggen aret wonogwe, Maluk ndogop eeppinanigin o, mbaka'lek iniki ugun tayenak wonogwe, Eeko logogun o,” yinuk, ari agaarik o.

Yeremiya 17:4

It ti eekwi paga nanini kani kunik negen eerogo panegaarak mondok-mondok wunuk ari logogin me, Yate kwak inanggween unde eeppiyareegirak nogo it eekwi paga aap alik unde eekkologwe, Inawim nen o it ineenggo'lek me time piya nanuk inayeloman eerogo piigwi, Eerugun o,” yinuk, yegerak.

Yeremiya 21:9

It o kota yime logorak mbakwi iinok, wooluwak paga, mbi noogelo paga, kugilingga paga, aret kambugun kwe, it o kota yime mbo punuk, it aap tebenogo piya ungguurak eekwi Mbaben mendek nogo iya wunggo logomenggaarik, Ninooriyak mage o, yorogwe iinok, inoorugun lek ineebe aret inagap ndakkolaagun, yegerak o.

Yeremiya 27:8

It aakumi inanebunu ambi nen a, aakumi inabu'me piigo menggam ambi nen a, aap Mbaben mendek inowe endagembogut Nebukanetat ayeloman a'nuk, Ake eekwi nineebi, yogwe, eyo aaninggin tapi inuut paga pogo mengga kwak, At Nebukanetat nen aaninggin ninoba pinaniyak nineebi, yogwe, eekwi iinok, an nen it aakumi ti, wooluwak paga inoorogo piige, mbi noogelo inoba piige, kugilingga inoba kwippiige, eeke neegak, aap ti nen aakumi ti, tigippiige logowak nduk, eenggime pigin o, yinuk, Naliku ALA nen aret yagi o.

Yeremiya 28:1

Tahun ti paga mban at Terekiya it Yekura inowe endagembogut logonet, awo wone lengganogo yorage kagak, tahun 3 eeppunuk, ambi eerak tut 5 penenak ti paga, aap Nggibeyon mendek endage Atut aput Ala yoge kagak yoraga aap Kananiya nogo nen, an Aliku ALA awi wurik me wonage me, it Ala unde inom, aakumi abok aret inom, inenggaanom paga wone an Yeremiya yo'nege logonet,

Yeremiya 28:2

“At Omaawi Lombok Menggerak Iterali inogoba Aliku Ala nen yegerak nogo yi aret. Eyo aaninggin tapi inuut paga pogo mengga kwak, at aap Mbaben inowe endagembogut nen aaninggin it aakumi inoba piige nogo kalenogo pigin o.

Yeremiya 38:17

Yoge mbareegi, at Yeremiya nen Terekiya yoge logonet, “At Omaawi Lombok Menggerak Iterali inogoba Aliku Ala nen yegerak nogo yi aret. At Terekiya nogo wundi nage logomenggerik, Wim mage o, yinuk, aap endagembogut Mbaben mendek awuri inabu'me tebe yi nage kenok, ili eerogo pugwi, o kota ti, kani mbelanogo pugwi, eerugun lek at apurilogwe inom ineenik aret logogun o.

Yeremiya 42:11

Aliku ALA nen ari logonet, At aap Mbaben inowe endagembogut eebe paga inagabiti mbakwi nogo, inagabiti mbarugwaarik o. An nen it ninom wonage me, an nen aret inagap ndake, ndi, at eenggime nen wondet eerogo piige, eerigin me, inagabiti mbariyak mage o.