Yeremiya 27:1 - Ala Wone Peenok Peebi Mbanak

¹ Aap Yotiya aput Terekiya nogo it Yekura inowe endagembogut a'nuk, awo wone lengganogo yorage kagak, Aliku ALA nen wone yoroorak at Yeremiya yoreegerak nogo yi aret.

Yeremiya 27:1 ပူးပေါင်းရင်းမြစ်များ

2 Endagembogut 24:18

Aap Yerekiya nogo ndarak kagak tahun 21 age paga endagembogut a'nuk, o Yerutalem logonet, wone lengganogo yorage kagak, tahun 11 eereegerak. At agalo ti, awi Libana mendek aap Yeremiya apuluk kwe Kamutan aret.

2 Mbinineegwaarak 36:11

Aap Yerekiya nogo, ndarak kagak tahun 21 age paga endagembogut a'nuk o Yerutalem logonet, wone lengganogo yorage kagak, tahun 11 eereegerak.

Yeremiya 26:1

At Yotiya aput Yoyakim nogo it Yekura inowe endagembogut a'nuk awo wone lengganogo yorage kagak, Aliku ALA nen at Yeremiya yoge logonet,

Yeremiya 27:12

Ndi, wone eerogo nappiyareegirak nogo ndak-ndak it Yekura inowe endagembogut Terekiya yoreegirak. Yoge logonet, “Eyo aaninggin tapi inuut paga pogo mengga kwak, aap Mbaben inowe endagembogut nen eeriyak aaninggin kinoba pinagage kenok, E o. Eeko logowok o, yinuk, abu'me logonet ake eekwi, aakumi at apuri nogo inake eekwi, eekwi kiinok, kinagap ndarak aret logomunggup o.

Yeremiya 27:3

Pake logomenggendik, inawuri aap Yekura inowe endagembogut Terekiya o Yerutalem wonage me, ka wogogwaarak nogo nen wone wonok it inoweewi lombok inendagembogut Erom mendek inom, Mowap mendek inom, Amon mendek inom, Tirut mendek inom, Tiron mendek inom, wonogwe me yora nawak nduk, wone tugunogo nappiyet o.

Yeremiya 28:1

Tahun ti paga mban at Terekiya it Yekura inowe endagembogut logonet, awo wone lengganogo yorage kagak, tahun 3 eeppunuk, ambi eerak tut 5 penenak ti paga, aap Nggibeyon mendek endage Atut aput Ala yoge kagak yoraga aap Kananiya nogo nen, an Aliku ALA awi wurik me wonage me, it Ala unde inom, aakumi abok aret inom, inenggaanom paga wone an Yeremiya yo'nege logonet,

Yeremiya 32:1

At aap Terekiya nogo it Yekura inowe endagembogut a'nuk tahun 9 eeppunuk ambi age paga wone lengganogo yorage, at Nebukanetat nogo tahun 17 eeppunuk, ambi age paga it Mbaben mendek wone lengganogo yorage, aap Mbaben inowe endagembogut awuri ineegin warak nen o Yerutalem tebeni ungguwok nduk wakkagak eekwi, ndi, at Yeremiya nogo it Yekura inowe endagembogut awi o nggwok abe wurik arum waka inawoore'nggam keele maarak wonage, eekwi tahun ti eyom paga mban Aliku ALA nen wone at Yeremiya yoreegerak o.