Yeremiya 25:9 - Ala Wone Peenok Peebi Mbanak

⁹ yi aakumi ndi aakumi o omarip paga pa'nggwe wonogwe nogo abok aret inom, it Mbaben mendek inowe endagembogut nayeloman Nebukanetat inom, yonggo piyaminggirak wogo logonet, o yi tebenggola unggwogwe, it o yime menggaarak inom, yi aakumi ndi aakumi enaagan-ambokan wonogwe inom, abok aret tebenogo piigwi, eerugun o. It o yime menggaarak nogo mondok pup eerogo piige, inamineeri ne agan noorak mendek eerogo piige, inagi'ndok kanggo logowak nduk eerogo piige, ndi, o nggween yi, mondok mbuk aago mondok-mondok logowak nduk, eerogo pege, eerigin,” yegerak o.

Yeremiya 25:9 ပူးပေါင်းရင်းမြစ်များ

2 Endagembogut 24:2

Mbake mbareegi, Aliku ALA nen ayeloman mini at oone yoraga nogo yorage kagak yorogo nogogwaarak ndak-ndak, it Yekura lek eerogo piyaawak nduk, it aap o maluk eerogo piiga Mbaben mendek inom, Aram mendek inom, Mowap mendek inom, Amon mendek inom, Aliku ALA nen nappiya wagak eeke nagagerak.

2 Mbinineegwaarak 29:8

Ti eereegwaarak paga at Aliku ALA anini it Yekura mendek inom, Yerutalem mendek inom, inoba kwippiige logonet, aakumi nen nit niinok ninogole yogwe, inagabolo ne agan nogwe, miyuk-meya eerogo pinanggwi, eeko logowak nduk, yogondak niigwi yi, ndak-ndak eeppiyareegerak.

2 Mbinineegwaarak 36:21

At Aliku ALA nen Yeremiya yoge logonet, “Inanggween paga yitarip eerogo pemenggaarak wonage kagak tahun 70 eerigin o,” yinuk, yoreegerak nogo a'me nggelok yi nage kagak, inanggween ti, yaka'lek mbo pugu negen wonagagerak me, lubungge logowak nduk, tahun 6 eeppunuk, ambi eeke paga yi mendek ndi mendek yaka'lek teppuurak yugu nogo ndak-ndak aret agagerak.

Kini Wuppiige 21:1

Aap endagembogut iniki nogo ti, Aliku ALA eenggi paga wonage me, “Niyo time aret nage logowak o,” yinuk, koonogo pegetak nage menggi kwak, “Aap endagembogut iniki ndogop koonuwak o,” yinuk, eeppege menggerak.

Yetaya 10:5

Ala nen ari logonet, “It aakumi Atiyut mendek inabuwa o! It aakumi Atiyut mendek ti, nanini an napuri eeppiyoorak neyawi kwak, Niniki aagi eeppiyoorak muun mbanak kwak, It aret me, inabuwa o.

Yetaya 39:7

ndi, kat kapuri-kombowologwe ndaganabemenggaarak ando wogonakwi, ee'nuk, o Mbaben piya nanuk, aap kenok inooli waganogo aap Mbaben inowe endagembogut awi o nggwok abe wurik me ake eeko logowak nduk, piyaagin o, yinuk, Aliku ALA nen ari kenok yokkigi o.”

Yetaya 44:28

Ndi, ndomba ndegeninaka kwak, an napuri eeppiyoorak abok aret ninikilom mbake nogo aap Koreti eeruwak nduk yoge, O kota Yerutalem obaane'me wuko logonip o, yuwak nduk, eeppege, Ala awi owak kwippit nogo logonip o, yoraawak nduk, eeppege, Eereegirak ti, Naliku ALA an aret o,” yinuk, yegerak me, yagi o.

Yeremiya 1:14

Yoge mbareegi, Aliku ALA nen an yo'nege logonet, “O omarip paga pa'nggwe nen aaninggin mondok iya lombok aakumi o yime wonogwe abok aret inoba kwi'narigin,” yo'nereegerak o.

Yeremiya 1:15

At Aliku ALA nen ari logonet, “An nen it yi aakumi ndi aakumi o omarip paga pa'nggwe wonogwe inabu'me piinok menggaarak abok aret inayonggo piyaakit nduk, eeke agarik o. Inayonggo piige neenok, wogo logomenggaarik, It wone lengganogo yorogo menggam inalitak lombok o Yerutalem tu unggwogo menggam ogobakkigirogo pit wogwe, O Yerutalem pak wurik eraanu endekem yendok-wandok ogobakkigirogo pugwi, O kota-kota Yekura wonogo menggam abok aret unde eekkolaawok nduk, eekwi, Eerugun o.

Yeremiya 10:22

Kinaruk o! Wone ambi agan wage yi, kinaruk koneninip o. O omarip paga pa'nggwe nen keekok agan wogo agaarik o. Wone ti agan wogwe paga nen o Yekura kota-kota yi oone ndi oone lek age, Nggeewo owo iname aret age, Eerigin o.

Yeremiya 12:14

Aliku ALA nen ari logonet, “It aakumi Iterali inom koorok menggaarak inobaabut maluk nogo nen an napuri Iterali yate kwak inanggween wogoragagim tebenggologwe nogo, eyo kinogo wunako mengga kwak it wonogo menggam inanggween paga nen nggiginogo wumbiige, it Yekura paga wiganak inenggela'me wonogwe nogo kunduk, togop aret yabonogo wumbiige, eerigin o.

Yeremiya 18:16

O time maluk eerogo pemenggerak aakumi abok aret nen inigen kogo logonet, Ogole o, yinuk, inamineeri ne agan nage, Aakumi tu ti paga nogo logonet, inigen kenok, O yi eerogo pegerak iya! yinuk, ineenggi ineyak tikkologwe, Eeko logogun o.

Yeremiya 2:15

Singa aakumi nibininabikit nduk oone nggwok agan nege menggi kwak, it inawim nen Iterali togop aret muguren nogo logonet, Inanggween maluk eerogo pugwi, inagota kani pit nogwe, Eereegwaarak me, O time aakumi ambi wonogwe lek aret o.

Yeremiya 24:9

An nen it mak eerogo piyaminggirak yi aakumi ndi aakumi inabu'me piigo menggam o nggween paga wonogwe abok aret inenggela'me time nugwi iinok, Inogole o, yogwe, inoba laarogo yogwe, it eekwi in wakkagak yogwe, meek eerogo piigwi, inagi'ndok kanggwi, pulunogo piigwi, eeko logowak nduk, eerogo piyaagin o.

Yeremiya 25:8

Togop me, at Omaawi Lombok Menggerak Aliku ALA nen yegerak nogo yi aret. “It an noone yorage nogo inaruk konengga'lek iinok,

Yeremiya 29:18

It inom wim mbanak nen inookwi, mbi abu nen kanggwi, kugilingga inoba a'nuk kanggwi, eeruwak nduk, eeppiinet nage neenok, it aakumi inabu'me piinok o nggween paga wonogwe yi abok aret nen, Inogole o, yinuk, yogwe, it aakumi inanebunu lombok inenggela'me mak eerogo piyaminggirak nogo nen pulunogo piigwi, Yi aago nugwi yi, iya, yinuk, yogwe, inagi'ndok kanggwi, miyuk-meya eerogo piigwi, eeko logowak nduk, eerogo piyaagin,” yegerak o.

Yeremiya 35:11

Togop eeko monggoorak kwe, at aap Mbaben inowe endagembogut Nebukanetat nogo, o yi tebenggolaakit nduk unggwi wage kagak, nit nen yogo logonet, It aakumi Mbaben mendek inom, it Aram mendek inom, inawuri ineegin warak nen nit ninoorukwak, o wunnarok kole Yerutalem nawok o, yinuk, o Yerutalem yime ari wogogurak wonogo ogoorik o,” yinuk, yo'nereegwaarak.

Yeremiya 36:2

“It aakumi Iterali inom, Yekura inom, aakumi inanebunu lombok abok aret inom, nen eeko logorak wone at Yotiya endagembogut logonet wone lengganogo yorage kagak yokkege nagagirak nen nok, yogondak kuli yokkege nogo abok aret mbuku pirik-perek aago wagangge logomenggendik, ti paga liiru mbanogo pu o.

Yeremiya 36:29

Ndi, Aliku ALA nen yegerak o, yinuk, it Yekura inowe endagembogut Yoyakim yoriyak nogo yi aret. It Yekura inowe endagembogut nen mbuku pirik-perek aago liiru mbanak ti, kani kumbunuk, at Yeremiya yoge logonet, Aakumi Mbaben mendek inowe endagembogut wage logomenggerik, o yi lek eerogo pege logonet, aakumi inom, inaanggumi inom, inenggaawak lek eerogo piyaagin o, yinuk, nonggop nduk, liiru mbanogo pegendak?”

Yeremiya 4:7

At singa kwak kiraarak menggim nen wundi wage, Yi aakumi ndi aakumi lek eerogo piiga nogo wage, Kinanggween kugume eerogo pikit nduk at wonage menggim nen wage, eeke me, Kinawi kota-kota nogo aakumi lek me yigirik-noonom aago logowak nduk, eerogo pi woraagin o.

Yeremiya 40:2

It aap endagembogut eebe wonok nega inowe nen Yeremiya wonage kage nagagerik, at yoge logonet, “Kogoba Aliku Ala nen o yime aaninggin mondok nggwok lombok oba kwippuurak koonogo pereegerak o.

Yeremiya 43:10

Ti eeke logomenggendik, it yorage logonet, At Omaawi Lombok Menggerak Iterali inogoba Aliku Ala nen yegerak nogo yi aret. At nayeloman it Mbaben mendek inowe endagembogut Nebukanetat woraawak nduk, yoriminggirak wage kenok, yugum mbenanogo piminggim yime at wone lengganogo yorage logowam eerogo pigin me, irimbaga time awooliya wuppunuk, wone lengganogo yorage logogin o.

Yeremiya 46:20

O Metit ti, lembu awo ngget ndarak eeruwak amuni mbanak kwak wonage kwe, Ti'neebon ambi o omarip paga pa'nggwe nen at owagam woraagin o.

Yeremiya 49:19

“Singa Yoreran ndirok eyoongga ku'mbanak me nen wundi woraanuk, Ndomba anggenogo omaawi wurik kagak obaga mbo unggwage menggi kwak, An pilak ari logonet, it o Erom wonogwe nogo yini-panip wumbiyaagin o. Wumbiige logominggirik, aap ambi leenogo mippiminggirak wone lengganogo yorage logogin me, Ta nen an nimbirak ndak-ndak me, nimbirak wakkage, Kat ti, nonggop nduk eekendak o? yinuk, ta nen an yo'nege, Ndi, it ndomba ndegeninaka ambi ta nen an eeriyak mbake nogo non mbanogo pege, Eeriyak mbakop? Mondok lek aret,” yegerak o.

Yeremiya 6:1

Aliku ALA nen ari logonet, “It aap Mbeniyamin mendek ti, owunarok mbaganggwi, O Yerutalem teppunuk, mbaganggwi, Eeruwak o. O omarip paga pa'nggwe nen aaninggin inoba ari wage, Maluk mondok iya lombok inoba kwi'narikit nduk wage, Eeke me, O Tekowa paga nen oone nggwok eeka trompet oone pu eekwi, O Mbet-Kerem irimbaga nen kani ka'luk eekwi, Eeruwak o.

Yeremiya 8:16

Wim eeriyak wogwe iinok, ninawim inaguda inogobak oone yogwe o Ndan nen ninaruk konenggwi, Inaguda wali inoone nggwek yogwe paga o nggween yi abok aret nuk-nuk ari kogwe, Eeko ogoorik o. It wogo logonet, o nggween yi inom, yi mendek ndi mendek nggween paga wonage inom, O kota inom, lek eerogo pogo logonet, yi aap ndi aap o kota wonogwe abok aret ne ambit lek eerogo piyaagun o,” yinuk, yagaarak.

Yetikiyen 12:20

It aakumi time wonogo menggam o kota-kota nogo yigirogo pugwi, o ti, yi oone ndi oone lek logowak nduk, eerogo pugwi, eekwi iinok, Nalik Ku ALA an aret ineenu arugun o,” yinuk, yo'nereegerak.

Yetikiyen 16:40

It ti nen at waruwok nduk, aakumi kuwak aago nogo wogoren piya wogwe iinok, yugum paga togu eerogo wakwi, inobaloowi paga eebe nggarenak-pugunik eerogo pugwi, eerugun o.

Yetikiyen 21:11

Wooluwak ti, ambe laambu tup eerogo pege, eenggi paga pigagangge, eeruwak nduk, muk koonogo pereegirak me, At aap aakumi inooka nen wooluwak ti, eenggime porogo logowak nduk, Ngget kenengge, ambe laambu tup eerogo pege, Eeke agarik o.

Yetikiyen 26:7

At Aliku Itok Menggerak ALA nen wone ambi yegerak nogo yi aret. “Aap inendagembogut abok aret inowe endagembogut o Mbaben mendek Nebukanetat nogo nen kuda paga inom, nggweendo wim eeka paga inom, it kuda paga nega inom, aap ineegin warak nggwok aago inom, o omarip paga pa'nggwe nen o Tirut tebeni woraawak nduk, nappiya woraagin o.

Yetikiyen 36:5

At Aliku Itok Menggerak ALA nen ari logonet, It an nanggween nogo ndinggologo nogogwaarik, unde eeppatinuk, inale'nggen mbakwi, inanini mbako logonet, meek eerogo pugwi, eeko logonet, yi mendek ndi mendek tigippit unggwogo nogogwaarak me, nanini kani kunik negen eeke logonet, Ndogop eekkinabigin o, yinuk, it Erom mendek inom, yi aakumi ndi aakumi ando abok aret inom, yoragagirak o.

Ndaniyen 5:18

Nogoba kendagembogut wae. Kat kogoba endagembogut Nebukanetat nogo, at Tiyanak Lombok Menggerak Ala nen yi o ndi o alik aret unde logowak nduk, mippege nagagerik, endage nggwok lombok age, endage tiyak ari, ayuk warak me, Wi, ugwi, eeruwak nduk eeppereegerak o.

Abakuk 1:12

Kaliku ALA wae. Kat kanggeelik mondok kitok menggendak nogo lek a? Kat nogoba Ala maluk eekeelik nogoba obeelom mban wonage menggendak o. It Mbaben mendek nen nit aaninggin-paaninggin eerogo pinanuwak nduk, koonogo piige, Kat yugum kole lunik kwak ninogoba wae. Nit maluk eekwi onggo ninoba kwippinanuwak nduk, kat nen aret it mippiige, Eereegindak kagi o.

Abakuk 1:17

It aakumi ti nen, yi aakumi ndi aakumi inabuwa mbaka'lek inawooluwak yabonogo inoorogo piinet nogo logorak op mbaken?

Pelaareegerak 28:37

it yi aakumi ndi aakumi wonogo menggam wokkiren pinagi namenggim nogome nen inigen kiigo logomenggaarik, Yogobi eeginabit nege yi, iya! yinuk, miyuk-meya eerogo pinagago logonet, kinagi'ndok kanggo logogun o.