Yeremiya 25:6 - Ala Wone Peenok Peebi Mbanak

⁶ An nen maluk inoba piyookwak, an wonage neegak kugiwak ayuk wuko logonet mugurok nogwe, ineenggi paga ogobakkigippunuk alut eekwi paga nanini eerogo panugwi, eerugwaarik, yegerak o,” yinuk, yokkiragak mban eeko nogogwaarak o.

Yeremiya 25:6 ပူးပေါင်းရင်းမြစ်များ

Pelaareegerak 8:19

Togop aret me, at Aliku kinogoba Ala oba mari eerogo mbo pogo logomonggotik, at obaane'me kugi inalut eekwi, inayuk wukwi, eerit nogwe kiinok, kineebe abu lek aret arumunggup o, yinuk, yogondak yi paga an nen abet aret yokkiragi o.

Yeremiya 35:15

Kulinik-kalinik an yorage neegak yoraga nayeloman mini nogo, nappiya wagak eeke neenok, At Ala wonage kagak kinagugiwak ayuk wuppunuk mugurok noorak mage o. Kit maluk eerit nugwi nogo mbo punuk, kiniyokan wogwe, kinobaabut alik ngget mendek eekkologwe, eekwi kiinok, Aliku ALA nen kit inom, kinombomini inom, nggween wokkiragagim nogome aret logomunggup o, yinuk, yoragak mban eeko nogogwaarak kwe, it nen an noone liippugwi, inaruk konenggwi, eeka'lek aret agaarik o.

Yeremiya 7:6

aap nggiru inenggela'me wonogwe inom, elege moono inom, kumi togwe inom, tebenogo piigo logonet, wi-wi aganaka'lek obeelom mban eeppiigwi, o yime it aap maluk eeka'lek iigak, inamiya wunaka'lek teppiigwi, kugi eerit nugwi paga maluk inoba paka'lek an mban mu'neren wogwe, eekwi iinok,

2 Endagembogut 17:35

At Aliku ALA nen Iterali inom wone koonogo pereegerak nogo, eeriyak yorage logonet, “An nobaane'me kugi eeko logonet, inayuk wukwi, ti mban mugurok nogwe, inake warogo wogogwi, eeriyak ti, mondok mage o.

Pelaareegerak 6:14

At Aliku kinogoba Ala kinenggela'me wonage nogo, at alik aret kagak obaane'me ambi mippunuk, ayuk wukwi kiinok, eebi mbake logonet, anini kinoba pinagage, o nggween paga yime nen kineebe mondok lek eerogo pinagage, eerukwak, it aakumi inanebunu alik mendek kinom logowam time Ala mugurok nogwe obaane'me it inagugi eeko menggaarak nogo, kit kinom eeko logorak mondok mage o.

Yeremiya 7:9

It nen kote kiraakwi, aap inookwi, mbabi eekwi, pilit kagak, Abet aret o, yinuk, kumbuk mbanggwi, kugi Mba'an ake obari abe kaga kani kunggwi, an inogoba Ala aret kwe, it ineenggo'lek alik mendek kagak mugurok nogwe, eeko logonet,

1 Endagembogut 14:22

It aakumi Yekura mendek inombomini maluk nggwok aret eeko nogogwaarak paga Aliku ALA eebi mbake logonet, iniki laakot inombake nagagerak kwe, it inombowologwe mendek yi perak, Aliku ALA enegen kagak maluk mondok iya lombok aret eeko nogogwaarak.

Yotuwa 24:20

At Aliku ALA mugurok nogwe nogo mbo punuk, obaane'me aakumi inagugi mugurok nogwe kiinok, at aa'nduk obeelom eeppinagage nagagerak nogo mbo punuk, melak togon aaninggin kinoba kwippinagage logonet, lek eerogo pinagagin o.”

Pelaareegerak 28:14

Ti eerogo pinagagin me, Yogop ee'nu ndogop ee'nu, wone yugu an yogondak yokkirage yi, taganogo punuk, Ala alut eekwi obaane'me kugi eerit nogo logonet, kinena nomorogon agigan ogwe, ogugan ogwe, eeriyak mondok mage o,” yinuk, yoragagerak.

Pelaareegerak 13:2

yemenggerak nogo abet aret eeke logomenggerik, yokkirage logonet, Wologo wae! Kugiwak alik kineenggo'lek nogo mendek eeri nawok o, yinuk, yokkirage kenok,

Wundeegwaarak 20:23

an wonage neegak, mbuti perak mendek inom, mbuti emas mendek inom, nogo paga inagugi ogut ambi ogobakkigirogo patinuk, it an ninom lambumbunuk nalut eerugwaarik o.

Wundeegwaarak 20:3

An wonage neegak, nobaane'me kugiwak ambi mippunuk, alut eeko logorak mage o.

Yeremiya 44:8

It nen o Metit aap nggiru negen ari wa'nuk wonogo logonet, an wonage neegak ineenggi paga ogobakkigirik inagugiwak nogo ake obari abe kaga kani kunggwi paga nanini wunduwak nduk, nonggop nduk eeko agaarik? Inenggaawak lek eerogo pakwi, yi aakumi ndi aakumi o nggween paga wonogwe inenggela'me iigak, aakumi nen, Pulunik aret, inombaruwak nduk eekkologwe, meek eerogo piyaawak nduk eekkologwe, eeko agaarik o.

Oteya 1:7

It Iterali mendek togop aret eerogo piyaagin kwe, it aakumi Yekura mendek perak, inabuwa mbake, inagap ndake, eeke logogin o. Ti eeke logogin nogo ti, yigin paga, wooluwak paga, wim eekwi paga, kuda paga, it aap kuda paga kwi'na'nuk wim eeka paga, inagap ndarigin lek o. Ata, inogoba Naliku an ALA nen aret inagap ndake logogin o,” yinuk, yoreegerak.

Yeremiya 32:30

Aliku ALA nen ari logonet, “It aakumi Iterali mendek inom, Yekura mendek inom, o maan awo wiganggo logonet, nenegen neegak obeelom ambi eeka'lek maluk mban eekwi, ineenggi paga eerogo pit nogogwaarak paga nanini kaawak nduk, mban eekwi, eerit wundi wogogwaarak o.

Yeremiya 44:7

At Omaawi Lombok Menggerak Iterali inogoba Aliku Ala nen yegerak nogo yi aret. “It eekwi paga aap inom, kumi inom, wologwe-komologwe inom, elege awo ngget ndarak inom, inenggaawak lek eerogo pakwi me, it Yekura mendek ando yumbunogo teppiyoorak lek, lek eerogo piyoorak eekwi ti, nonggop nduk, Aaninggin togop aret eeppinanuwak o, yinuk, eeko agaarik o?