Yeremiya 23:14 - Ala Wone Peenok Peebi Mbanak

¹⁴ Ndi, it an yorage neegak yoraga Yerutalem mendek inamineeri ne agan noorak mendek eerit nugwi iyareegerak ti, Aap akwe mbo punuk, ugun eerit nege menggi kwak, Ninogoba Ala o, yogwe kwe, inobaabut alik eerit nugwi, It aap maluk eeko menggaarak nogo inomaluk mbo punuk, obeelom eekwi iyo, iniki omaawi eerogo piinet nugwi, Eekwi iyareegirak mban me, It togop eerit nugwi nogo ti, o Torom kwak wonogwe, It o Yerutalem wonogwe nogo it o Nggomora mendek kwak wonogwe, Eerak aret agaarik,” yegerak o.

Yeremiya 23:14 ပူးပေါင်းရင်းမြစ်များ

Yeremiya 29:23

It aap mbere ti, Iterali inenggela'me wonogo logonet, eeriyak lek mendek eerit nugwi, it inoreewi inakuwi aret kwe, kagak wuginakwi, ndi, an nen wone yoroolik neegak nendage kunogo inoone pilit agan nugwi, eeko menggaarak nogo an neenu wonage, ndi, yorogwe nogo nenegen iige, eeke minggirak me, it togop aret eerogo piyaagin o,” yinuk, Aliku ALA nen aret yegerak me, liiru yi mbanggiragi o, yinuk, liiru mbanogo nappiyareegerak ti aret.

Yetikiyen 22:25

It aakumi inoweewi nagawan o time wonogwe nogo nen iniki ambit eeppunuk koonggo logonet, singa nen at noorak tebembunuk nibinogo nengge logonet, oone maluk ndi wuke menggi kwak, it aakumi inambeme yonggorinakwi, yi mendek ndi mendek onggo nggwok inom, iniki kundugu inom, ndinggologwe, eekwi paga o time it kumi nanu ambik eerogo piigo agaarik o.

Mika 3:11

Wu kolaawok nduk, maluk eekaarak nogo yiluk-yiluk inowak loonggwi, Onggo wokkiraawak nduk, Ala unde nen wone mamunirogwe, Wu waawok nduk, Nabinggaanggo paga, Ndogop eekkinake kagaarak o, yinuk, yorogwe, Eeko monggotak kwe, Aliku ALA endage kumbunuk kinoone yogo logonet, “Aliku ALA ninenggela'me wonage nogo lek a? Wonage aret me, Maluk eeppinanigin mondok lek aret o,” yinuk, yogo monggotak o.

Yeremiya 23:32

Aliku ALA nen ari logonet, “It aap, Nabi ndogop kagarak o, yinuk, pilit agan nugwi ti kunduk, neebi mbake minggirak. Wone yoraawak nduk, an nen lengganogo yorage, an nen nappiige, eerulik kwe, wone yuurak lek mendek kagak inoone ugun-ugun pilit agan nogo logonet, Nabi ndogop kagarak o, yinuk, yoranet nugwi paga it an napuri nomoniren nogo menggaarak me, it aap ti, aakumi yi, obeelom ambi eeppiyoorak lek kagak we aanom warogo agan nugu menggaarak,” yegerak o.

Yeremiya 14:14

Yoge mbaki, Aliku ALA nen onggo an yo'nege logonet, “It aap an yorage neegak yoraga ti, an yoraga'lek neegak nendage kumbunuk pilit pugunogo yorogo agaarik o. An nen nappiige, yorogo logowak nduk mippiige, Togop yoraanip o, yinuk, yorage, eeka'lek neegak, iniki mba'nuk, Nabinggaanggo ndogop kagarak o, yinuk, yorogwe, tili paganggo logonet ugun-ugun yoranet nugwi, inikime nen pilit pugunogo ugun agan nugwi, eeko agaarik o.

Pelaareegerak 32:32

Eyo anggur it mendek ti, eyo anggur Torom mendek awi aret. O Nggomora ineyabume nen awi luurik me, anggen luurik-maarak yugu ti, ale mendek o. Anggen mbanak ti, aakumi nunggwi iinok, kanggo menggaarak o.

Wakkagagerak 18:20

Mbake nagagerik, Abarakam yoge logonet, “It Torom mendek inom, Nggomora mendek inom, yi maluk ndi maluk ambik lombok eerit nogwe iinok, yi aakumi ndi aakumi nen, Iya, yinuk, inagabiti mbarit nogwe o, yogwe iigirak me,

Matiyut 11:24

Peebi kinowak looniyak eyom paga it o Torom wonogogwaarak nogo aaninggin mbuuluk negen eeppiige logonet, kit perak, aaninggin mondok nggwok lombok aret eeppinagagin o, yinuk, yokkiragi o,” yoragagerak.

Tepaniya 3:4

At enggela'me it Ala nen yorage kagak yoraga nogo ti, liirogon yoraga'lek ugun-ugun yorogwe me, “Yi abet aret yo'nirogwe,” mbaka'lek wonogwe, At enggela'me it aap Ala unde nogo nen Ala ake leenogo pugu nogo, maluk eerogo pugwi, Ala wone Muta nen liiru mbaneegerak nogo, taganogo punuk, it mbakwi nogo mban mugurok nogwe, Eeko menggaarak o.

Yeremiya 20:16

At aap ti nen nagalo inikime nen wundi waga'lek neegak, noorogo paninuk, Aakumi taambiigo menggam kwak nagalo inikime kole agagim time mondok teppaneegibok eereegerak me, Aliku ALA nen o kota-kota inabuwa mbaka'lek yigirik-noonom eerogo pereegerak kwak, at aap ti, togop aret age, Ndi, o kubondendok leenggu maakwi, o liingge, Nawim o, yinuk, nggomookwi, eekwi nogo aruk konengge, Eeke logowak o.

Wakkagagerak 13:13

It aakumi o Torom nogome inobaabut mondok maluk lombok logonet, Aliku ALA enegen kagak, inagabiti mbaka'lek maluk eeko menggam kagak aret nagagerak.

Wayu 22:15

it nggeewo pogom eeko menggaarak inom, magagirak iyagalo inom, yawukak mbabilu inom, aap inooka inom, kugi eeka inom, ndi, yi aap ndi aap pilit puguniyak inikilom mbako logonet, pilit-pilit pugungga inom, it perak, o kota time unggwi naga'lek yagat endekem logogun o.

Wayu 21:8

it Ala wone mugurok noorak inagabiti mbaka inom, abet mbariyak ineebi mbaka inom, maluk peyak wurik kagak ugun eerit nega inom, aakumi inooka inom, kumi ugun wurinaka inom, magagirak iyagalo inom, kugiwak amili kungga inom, pilit pugungga inom, it abok aret it logowam pipuk eerogo pereegim kani omoonuk wunuk mban ari menggim nogome mbo nappiyaagin o. Aa'nduk ineenik logonuk, kambemenggaarak kwe, kani omoonu'me nappiyoorak nogo ti, peebi ne ambi kanggwi nogo kokwak aret o,” yinuk, yo'nege kagarak.

Wayu 19:20

Ti eekwi iigak kwe, at nggeewo anini warak aa'nduk lagi wagaarak eebe nogo inom, ndi, it aakumi inenggaawak paga nggeewo aa'nduk lagi wagaarak endage liiru mbanak wonok nugwi, at ogut eerak nogo alut eekwi, eeruwak nduk, awone kilirik paga inagabiti warak mendek eerit nage logonet, inambokan lagangge menggerak nggeewo peebi lagi wagaarak eebe nogo inom, imbirak ineenik ngge-ngge pigogo kani omoonuk wunuk mban ari menggim nogome nappiige kagarak.

Wayu 11:8

ineebe o kota nggwok inowe eyo karo-karo paga warogo pereegwam tu nggwok yarak nogo paga, pili ogo logowak nduk, mbo piyaagun o. O kota nggwok yogo monggoorak nogo, it ando wone eegu laarogo yogo logonet, O Torom o, o Metit o, yinuk, yogo menggaarak nogome aret ineebe mbo piinok,

Yurat 1:7

Ndi, it malayikat eeppiyareegerak nogo pogom, it aakumi o Torom inom, o Nggomora inom, yi kota ndi kota enaagan-ambokan wonogwe nogo inom, nen nggeewo negen kumi ugun wurinabit nogwe, iniki aganggen eeginake kenok eekulik mendek kagak ugun-ugun eeginabit nogwe, eeko mbareegwa, “It aakumi maluk eekwi iinok, Ala nen kani omoonu'me mondok-mondok nappiyaagin kogo o,” yinuk, nineenu ogo logowok nduk, kani paga inooreegerak nogo o.

2 Peterut 2:6

Ndi, at Ala nen, “It aakumi o Torom-Nggomora mendek kunduk maluk mban eekwi yi, neebi o,” yinuk, kani wurabit wage logonet, pup eerogo piyareegerak nogo ti, it aap peebi Ala ineebi mba'nuk, maluk eekwi nogo nen, “Nit togop aret ninoorigin kagi,” mbako logowak nduk, eereegerak nogo lek a?

1 Timotiyut 4:2

It aap wone ti mendek agan nugwi nogo ti, aakumi inambokan laganuwok nduk, pilit pugunogo yorogo menggaarak aret. Ninagabolo togum agaatak me, kani nengge kagak andi lek menggi kwak, it aap ti, inikime togop aret me, wone yoragaatak kwe, konengga'lek inogogumbuk aret menggaarak o.

Maleyaki 1:1

At Aliku ALA nen Maleyaki yoge kagak it aakumi Iterali yoragagerak nogo yi aret.

Yetikiyen 13:16

it Iterali mendek nen, Ndogop arigin, yaga nogo it aret me, o Yerutalem eeppuurak inabinggaanggo kogo logonet, iniki ugun tayenak logorak lek kagak, Kiniki ugun tayenak logonip o, yinuk, yorogwe nogo kunduk, ineebe lek ogwe, eekerak, yoraagin o, yinuk, Naliku Nitok Minggirak an ALA nen aret yagi o,” yinuk, an yo'nereegerak.

Yeremiya 23:17

It aakumi an noone koneniyak ineebi mbaka nogo yorogo logonet, Aliku ALA nen, Kineebe op aret logomunggup, yegerak o, yinuk, yorogwe, Ndi, it aap inogogumbuk nen koonggwi mugurok nogwe nogo yorogo logonet, Aaninggin mendek kit kinoba ari woraagin lek o, yinuk, yorogwe, Eeko menggaarak me, It yorogwe ti, inoone inaruk konenugwaarik o.

Yeremiya 18:13

Togop me, Aliku ALA nen yegerak nogo yi aret. “It aakumi inanebunu lombok wonogwe me pegiinet nage logomenggendik, kin wogiige logonet, Kwe aap kigin waka'lek kwak Iterali nogo, Yogop eekaarak o, yinuk, it eekulik ayilik warak kagak eekaarak ti, Kit kinenggela'me yime togop eekwi ambi konenggo monggotak ilik? Yoranet nage logot o.

Yetaya 9:15

Inanobak kwak ti, aap inoweewi inom, aap inengga warak inom, ti aret. Ndi, inakom kwak ti, Ala yorage kagak yoraga kwe, pilit pugunogo mamuninaka ti aret.

Yeremiya 23:22

Nit eeriyak koonggwi me, it ninom logonetak en, an ari minggirak nogo aret napuri yoranet nugwi, Ndi, an napuri inobaabut nggolawe logonet eekwi inom, maluk eerit nugwi inom, mbo punuk, iniyokan nowagam woraawak nduk, yoranet nugwi, Eeko logonetak o,” yinuk, yegerak.

Yeremiya 36:2

“It aakumi Iterali inom, Yekura inom, aakumi inanebunu lombok abok aret inom, nen eeko logorak wone at Yotiya endagembogut logonet wone lengganogo yorage kagak yokkege nagagirak nen nok, yogondak kuli yokkege nogo abok aret mbuku pirik-perek aago wagangge logomenggendik, ti paga liiru mbanogo pu o.

Yeremiya 49:18

O Torom inom, Nggomora inom, pup eerogo pege logonet, O kota-kota enaagan-ambokan abok aret inom lek eerogo pereegi kwak, It aakumi o time ambi logogun lek ndiimbu-nggwiya mban iname aret logogin o,” yinuk, Aliku ALA nen aret yegerak me, yokkiragi o.

Yetikiyen 13:19

Waabuk negen jelai ineenggi ambitak kambonogo waganggwi, oroti mbo pugu ambitak waganggwi, eeruwok nduk, napuri inenggela'me nendage alik leenak nogo maluk eerogo pugwi, it an napuri pilit wone koneniyak inikilom mbakwi nogo, it kumi ti nen piliret, Ndogop kagarak o, yinuk, yaga nen yorogo logonet, inooriyak lek teppiyoorak kagak inookwi, ndi, it inooriyak kagak ineenik teppiigwi, eeko agaarik o, yinuk, yegerak o.

Oteya 6:10

It Iterali wonogwe inenggela'me time ogole warak mendek eekwi iyareegirak nogo ti, It Eparayim mendek nen kumi ya wuginakak eerit nugu mengga kwak, an mbo paninuk maluk eerit nugwi, Ndi, it Iterali inalik nen aret maluk eerogo pakwi, Eekwi ti aret o.

Amot 4:11

“O Torom Nggomora imbirak eerogo pereegi kwak it wonogo menggam o kota-kota time togop aret eerogo piige, Kani kunggaatak nengge me kiinogo waganggo mengga kwak wogonabuwak nduk eerogo piige, Eereegirak kwe, Inomaluk mbo punuk, iniyokan yungguninuk an neya waga'lek aret menggaarak o,” yinuk, Aliku ALA nen aret yegerak o.

Takariya 13:2

Ne ti paga an nen o time inagugi inendage kunggo logomenggaarak nogo, inendage ambi kungga'lek logowak nduk, lek eerogo pigin me, abeko logogun lek aret,” yegerak o. “It aap piliret, Ala nen yo'negerak, yaga inom, kugi ayuk wuko logorak mbaka inom, o ti paga wonogwe nogo, ineebe abok lek eerogo piyaagin me,

Wakkagagerak 19:24

Unggwi nagagerak kagak, at Aliku ALA mbogut paga nen mayu negen kani kunik omoonuk kwindagala agago ugun abera'lek me, o Torom Nggomora nogome aret wuppi wagagerak.

Wakkagagerak 19:25

Wuppi wage mbareegi, o tini nggwok mbere inom, o Yoraran kobappaga inom, nippegak-wuppegak eeke logonet, aakumi inom, iri'ngga-kale'ngga inom, abok aret pup eerogo piyareegerak.

Yeremiya 29:21

It aap Kolaya aput Akap inom, Maateya aput Terekiya inom, nen, “Ala yegerak me, yokkirogo o,” yinuk, Ala endage kunogo pilit yokkirogwe iinok, at Omaawi Lombok Menggerak Iterali inogoba Aliku Ala nen yegerak nogo yi aret. “An nen aap mbere ti, it Mbaben mendek inowe endagembogut Nebukanetat eenggime wogoge neenok, it ineebe ti, inoreewi inenggaanom paga aret inoorigin o.

Leendawi 4:6

O Torom mendek eekwi onggo aaninggin inoba piyareegerak nogo ti, it ambi nen yeenggwaaraga'lek iigak, Ala nen aret ne ambit liingge nippiigak-wuppiigak eerogo inooreegerak nogo ti, iya negen kwe, An nanebunu mendek inoba piyareegerak nogo ti, mondok iya!

Mika 1:5

Ti apit eeke nogo ti, at Yakup nen Ala wone taganogo pereegerak paga, Iterali paga wiganak inomaluk paga, aret eeke agaarik o. At Yakup nen Ala wone taganogo pege menggim nogo ngge o? Lek o. O Tamariya aret nogo lek a? Ndi, it Yekura mendek inomaluk eeko menggam tiyarogon nogo ngge o? Lek o. O kota Yerutalem aret nogo lek a?