Yeremiya 23:13 - Ala Wone Peenok Peebi Mbanak

¹³ “An nen yorage neegak yoraga Tamariya mendek eeriyak lek mendek kagak eekwi iyareegirak nogo ti, Kugi Mba'an nen yorage kagak yorogo nogogwaarak paga an napuri Iterali nogo tu abe kagak alik paga nomoniren nogwe iyareegirak o.

Yeremiya 23:13 ပူးပေါင်းရင်းမြစ်များ

Yeremiya 2:8

It aap an neebe unde nen, Ninogoba Aliku ALA ngge o? yinuk, ambinom yo'nugwi, Eeko logorak wone yugu yoraga nen an ambinom liippanugwi, Eeka'lek wonogogwaarak o. It inoweewi nogo nen, At yo'nirage nogo eeriyak nineebi o, yinuk, An mbo panugwi, Ndi, an yorage neegak yoraga nogo nen kugi ogut aanom warogo alut eeko menggaarak kagak mugurok nogo logonet, At kugi Mba'an nen yorage kagak yorogwe, Eerit nogo nogogwaarak.

Yetaya 9:16

It aap, “Yogop-ndogop,” mamuninaka ti nen aakumi yi, tu kobak eerogo piigwi, It mamuninakwi ti kunduk, tu kobak aret ogwe, Eeko agaarik o.

2 Mbinineegwaarak 33:9

Aliku ALA aa'nduk a'nuk yi aakumi ndi aakumi Kanan mendek lek eerogo piyareegerak nen maluk eeko nogogwaarak nogo ti, nggwok aret eeko nogogwaarak kwe, at Manate nen Ala mbo punuk, nomo agan nage nagagerak paga it Yekura mendek eege, it Yerutalem mendek eege, maluk eeko nogogwaarak nogo perak, abunuk nggwok lombok aret eeko nogogwaarak.

1 Endagembogut 18:40

Yogo mbareegwa, at Eliya nen, “It aap kugi Mba'an wone unde nogo mbaganggwi iyo, abok aret piginabinip o.” Yoragagerak piginako mbareegwa, at Eliya nogo nen wogoren niyo Kiton aa'nggi paga piya nanuk, abok aret inoorogo piyareegerak.

Yeremiya 23:32

Aliku ALA nen ari logonet, “It aap, Nabi ndogop kagarak o, yinuk, pilit agan nugwi ti kunduk, neebi mbake minggirak. Wone yoraawak nduk, an nen lengganogo yorage, an nen nappiige, eerulik kwe, wone yuurak lek mendek kagak inoone ugun-ugun pilit agan nogo logonet, Nabi ndogop kagarak o, yinuk, yoranet nugwi paga it an napuri nomoniren nogo menggaarak me, it aap ti, aakumi yi, obeelom ambi eeppiyoorak lek kagak we aanom warogo agan nugu menggaarak,” yegerak o.

Yeremiya 36:2

“It aakumi Iterali inom, Yekura inom, aakumi inanebunu lombok abok aret inom, nen eeko logorak wone at Yotiya endagembogut logonet wone lengganogo yorage kagak yokkege nagagirak nen nok, yogondak kuli yokkege nogo abok aret mbuku pirik-perek aago wagangge logomenggendik, ti paga liiru mbanogo pu o.

Oteya 4:12

It an napuri ti, eeriyak kobak kenok yoraawak nduk, eyo paga kugi ogut aago nogo yogwi, Eyo obate mbanak kagak kwe, Onggo yo'nirage, mbakwi, Kumi ugun eeginaburak iniki nen yorage kenok, ugun-ugun eeginabit nugwi kwak, An inogoba Ala liirogon mu'neren naga'lek mbo paninuk, alik mendek muguren nugwi, Eeko agaarik o.

Mika 1:5

Ti apit eeke nogo ti, at Yakup nen Ala wone taganogo pereegerak paga, Iterali paga wiganak inomaluk paga, aret eeke agaarik o. At Yakup nen Ala wone taganogo pege menggim nogo ngge o? Lek o. O Tamariya aret nogo lek a? Ndi, it Yekura mendek inomaluk eeko menggam tiyarogon nogo ngge o? Lek o. O kota Yerutalem aret nogo lek a?