Yeremiya 22:6 - Ala Wone Peenok Peebi Mbanak

⁶ It Yekura mendek inowe endagembogut awi o nggwok abe wurik eeppuurak Aliku ALA nen yegerak nogo yi aret. “O Nggileyat ninikilom mbake kwak, Puut nggorek Libanon niniki kunik menggi kwak, At o wurik ti, togop aret ninikilom ombake kwe, O karume kwak, o kota yi oone ndi oone lek kwak, eerogo panigin mbake logowak o.

Yeremiya 22:6 ပူးပေါင်းရင်းမြစ်များ

Wakkagagerak 37:25

Wuppogo nogogwaarik, mbi nunggwi wonogwe me, aap inanebunu Itamayen mendek o Nggileyat nen o Metit nawok nduk, obari obeelom mendek inom, kundali inom, yibinggami inom, waganeegwaarak nogo abok waganogo unta amborowak paga punuk, luurik-maarak aago wonok tu mbin eerak wogwe iyareegwaarak.

Ndawi 107:34

It o time wonogwe nen maluk mban eekwi iinok, Nggween mili lubunik nogo Mayu yumbunik iri'ngga wunggeelik kwak eerogo pege, Eereegerak.

Ndawi Iya 4:1

Nore abu aberogon yi, kat abu kigirikwe me iya o! Kat abet aret kigirikwe lombok wonage, Kenegen yum paga nobarak wonage nogo ti, towe puume enegen waanggo kwak aret wonage, Keeruwak ti, kambin puut Nggileyat paga nen ineeruwak yaganak-taganak eerit wambi wogo mengga kwak wonage,

Ndawi Iya 5:15

At owak mbelan ti, yugum muuni paga ogobakkigippunuk, iyok mbuti emas paga kwi'ndak menggi kwak wonage, At eebe ti, eyo nggabina yerek-nggorek abu obeelom o Libanon menggi kwak wonage,

Yetaya 27:10

O kota yugum pak wurik nu'lek wonage nogo o wogo aret wonage, Karume yi oone ndi oone lek menggi kwak aago wonage, Eerak wonage me, Time tapi inaagalogwe inagari'ngga mbanogo nenok winnogwe, Eyo anggup-engga konaarogo nunggwi, Eeko logogun o.

Yetaya 37:24

At awuri nappiya wagaarak nogo paga, Nogoba Ala meek eerogo pege logonet, nanggweendo wim eeka paga, Puut-puut tiyarogon lagangge, O Libanon puut-puut tiyarogon lagi nage, Eyo nggabina nggorek lombok muurogo pege, Eyo kilu-kilu abe lombok muurogo nggimbege, O irip me lombok nage, Eyoongga abe inikime unggwi nage, Eekirak o.

Yetaya 6:11

Yo'nege naruk konengge nagarik, onggo yoge logonet, “Nogoba Ala wae. Wone ti yorage neegak, ne mande ari nagin o?” Yoge mbaki, at nen onggo an yo'nege logonet, “Kat nen yorage keegak O kota-kota abok aret yigirik-noonom eerogo pugwi iinok, Aakumi ambi lek aret wonogwe, Aakumi inawi wurik wuum lu agan nage kagak, ineyabu yarak alom yenak-kinak eerak wonage,

Yeremiya 21:11

Yorage nagagerik, ambinom yorage logonet, “Aliku ALA nen wone yegerak yi, koneninip o, yinuk, it Yekura inowe endagembogut owe-awot inom yoroorak yegerak nogo yi aret.

Yeremiya 21:14

At eerit nege ndak-ndak aret aaninggin oba pigin o,” yinuk, Aliku ALA nen aret yegerak me, yokkiragi o. “At agayoongga kani wuninogo piminggirak nenet nage logonet, Enaagan-ambokan yi mendek ndi mendek wonage nogo pup eerogo nenet nagin o, yinuk, yo'negerak me, yokkiragi o,” yinuk, yoragagerak.

Yeremiya 22:24

Aliku ALA nen ari logonet, “It Yekura mendek inowe endagembogut Yoyakim aput Yoyakin nogo ti, Abet yo'nege kagi, mbake logowak nduk, an kanggeelik mondok neenik minggirak nendage kumbatinuk yoge yi aret. An neenggi amburu pega neenggi abe'nggan paga yirik nogo kwak at togop aret wonage menggerak kwe, kagak, eebe nggiginogo

Yeremiya 26:18

“At Kitikiya it Yekura inowe endagembogut wonage eyom paga aap o Moreteyet mendek endage Mika nogo nen it Yekura mendek abok aret wone yorage logonet, At Omaawi Lombok Menggerak Aliku ALA nen yegerak nogo yi aret. O Tiyon ti, yabu waganggo mengga kwak eerogo pege, O kota Yerutalem ti, yigirik-noonom eerak logonak logowak nduk, eerogo pege, Ndi, puut paga nawi wurik wonage nogo eyoongga tibinik-wandinik eerogo pege, Eerigin, yegerak o, yinuk, yoragagerak.

Yeremiya 4:20

Ne ambi paga yigirogo piya unggwagak, ne ambi paga yigirogo piya unggwagak, eeko logonet, O yi abok aret mondok maluk eerogo pugwi iigirak o. Ne ambit liingge an nawi wurik mi eerogo pugwi, Yini-panip nawooliya wurik nogo yinik-minik eerogo pugwi, Eekwi iigirak o.

Yeremiya 4:7

At singa kwak kiraarak menggim nen wundi wage, Yi aakumi ndi aakumi lek eerogo piiga nogo wage, Kinanggween kugume eerogo pikit nduk at wonage menggim nen wage, eeke me, Kinawi kota-kota nogo aakumi lek me yigirik-noonom aago logowak nduk, eerogo pi woraagin o.

Yeremiya 50:12

Inagalo nogo enggali lombok age, At ndaganabeegerak nogo endage maluk age, Eerigin o. At o Mbaben nogo ti, it iname time o karume aakumi lek nggween abu mbuk puluk ko aago aret eerigin me, Yi aakumi ndi aakumi iya negen iigak kwe, o Mbaben perak, abu tebenak endage lek aret arigin o.

Yeremiya 7:34

O yime nggween mondok mbuk arigin me, Yekura kota-kota inom, o Yerutalem tu paga tu paga inom, iniki ale'nggen nen inoone amburu paga agan nugwi, kumi-aap lambuninako logonet, inoone agan nugwi, eekwi nogo an nen lek eerogo piyaagin,” yegerak o.

Yeremiya 8:22

O Nggileyat time inawin amburu eeppiigak wonage ilik? Aakumi obeelom eeginaka time ambi wonage ilik, lek a? Wonage kenok, it aakumi nowe-nawot yi, iniki andi negen wonogwe iigak, Obeelom eeginaburak waga'lek nonggop nduk wonage agaarik o?

Yeremiya 9:11

At Aliku ALA nen ari logonet, “O Yerutalem ti, an nen o langgu-langgu aago nigabak negen eerogo pigin me, Nggeewo owo iname ari unggwogo logogun o. Ndi, o Yekura kota-kota ti kunduk, o owak mbanak aret eerogo pigin me, Aakumi inawi time logogun lek aret,” yegerak o.

Mika 3:12

Togop aret yogo monggotak me, o Tiyon ti, yabu kabunogo nippit nogo mengga kwak age, O kota Yerutalem ti, nggween yigirik-noonom eerak logonak negen age, Ndi, puut Ala awi wurik menggim ti, alok-palok mban kunogo pege, Eerigin o.

Takariya 11:1

Kat o Libanon yi wae. Kani nen kageyo nggabina nawak nen karungga paarogo patit nak o.

Linggineegwaarak 32:1

It inanebunu Uruben mendek inom, Nggat mendek inom, it inaanggumi ambik me, o Yayetet inom, Nggileyat inom, nggween time inaanggumi iri'ngga mbanogo nenet nugu logorak obeelom mban wonage inigen kogo nogogwaarik,

Pelaareegerak 3:25

Ndi, an niyo enebaga wunda nage logominggirik, nggween abu obeelom niyo Yoraran ene paga puut nggelok-nggobok nggween obeelom ti inom, puut Libanon inom, nenegen pekka wunda naakit nduk, E, yo'niru o.