Yeremiya 22:5 - Ala Wone Peenok Peebi Mbanak

⁵ Aliku ALA nen ari logonet, An nen, Yi eeruwak ndi eeruwak, yorage yi, liirogon aret eeka'lek iinok perak, aap endagembogut o awi nggwok abe wurik yi, mi-mi wambigin, abet mbaruwak nduk, nendage kumbatinuk, kumbuk mbanggi o, yinuk, yora nak,” yegerak me, yokkira wagi o.

Yeremiya 22:5 ပူးပေါင်းရင်းမြစ်များ

Wakkagagerak 22:16

“At Aliku ALA nen, At Abarakam apuluk ambolom ambit ndarak iniki kunik aret kwe, ili yuulik mondok nggaruk togon wo'negerak me,

2 Mbinineegwaarak 7:19

Ndi, kat aakumi kinom nen wone lengganak inom, Yogop ee'nu ndogop ee'nu, wone yugu inom, an yokkiragagirak nogo eeka'lek taganogo mbo punuk, an nalut eekwi nobaane'me kugi eerit nogo logonet, inayuk wukwi kiinok perak,

2 Mbinineegwaarak 7:21

Ndi, an nawi mondok iya wurik yi, langgu-langgu aago wonage kenok, aakumi tu yi paga nogo logonet, inigen kogo logomenggaarik, puruk yinuk, yogo logonet, At Aliku ALA nen nggween yi inom, at awi wurik yi inom, nonggop nduk togop eerogo pereegerak wonage mbakop? Ia! yinuk, yogo logogun o.

2 Mbinineegwaarak 7:22

Yogwe iinok, it aakumi ando nen wone onggo yorogo logonet, Lek o. It aakumi yi, inombomini o Metit nen wogoren wundi wagagerak Aliku inogobamini inogoba Ala nogo mbo punuk, obaane'me kugi woppunuk, eerit nogo logonet, inayuk wurit nogogwaarak alom ti paga at Aliku ALA nen o yi maluk eerogo pereegerak, yorogo logogun o,” yinuk, yoreegerak.

Yetaya 1:20

Eeriyak, ineebi mba'nuk, mbo pugwi iinok perak, Wooluwak nen ambeme yonggorinabigin o,” yinuk, Aliku ALA nen abet aret yegerak me, yokkiragi o.

Yeremiya 12:7

Aliku ALA nen ari logonet, “An napuri aret kwe, mbo piige, Neyate kwak unde wonage nogo teppiige, An napuri niniki kunik aret kwe, it inawim ineenggime piige, Eereegirak o.

Yeremiya 17:27

an wone yoragagirak konembunuk nogo 6 yippunuk ko'lu paga alik leenogo pugwi lek, ne 7 ti paga inamendek luurik-maarak aago wonok o Yerutalem tu unggwi wogo menggam unggwi wogwe iinok, o Yerutalem tu unggwogo menggam time kani noguk yuurak lek mendek wuninogo piminggirak paga, aap inendagembogut inawi nggwok abe wurik abok aret kani pup eerogo nengge logogin, yegerak, yoret o,” yinuk, yo'negerak me, yokkiragi o.

Yeremiya 26:4

Naliku ALA yagarak ambi yoroorak yi aret. Eeko logorak nawone yugu eeko logowak nduk, lengganogo yoragagirak nogo, konembunuk mugurok naga'lek mbo pugwi,

Yeremiya 39:8

It aap Mbaben mendek nen aap endagembogut awi o nggwok abe wurik nogo kani pugwi, it aakumi inawi wurik kani mbelanogo pit nogwe, yugum pak Yerutalem wurik langgu-langgu eerogo wuppit nogwe, eereegwaarak.

Yeremiya 44:26

kit aap Yakuri mendek o Metit wonogwe abok aret, at Aliku ALA nen yegerak yi, kinaruk konenggo logonip o. At Aliku ALA nen ari logonet, It aakumi Yekura mendek o Metit yi awi ndi awi wonogwe abok aret nen, Ndogop eerigin o, yinuk, an nendage kunggwi, At mondok eenik Aliku Itok Menggerak ALA owak o, yinuk, kumbuk mbanggwi, eekwi nogo ambinom eeko logogun lek o.

Amot 6:8

At Aliku Itok Menggerak ALA owak mbanggolage logonet, Omaawi Lombok Menggerak Aliku Ala nen yegerak nogo yi aret. “It Yakup mendek iniki wogoppakwi nogo ogole mbake, Yugum pak wurik me, inarum logorak inawi wurik nogo neebi lombok mbake, Eeke me, O kota yi inom, yi mendek ndi mendek o kota wonage inom, abok aret inawim ineenggime piyaagin o,” yinuk, yegerak o.

Mika 3:12

Togop aret yogo monggotak me, o Tiyon ti, yabu kabunogo nippit nogo mengga kwak age, O kota Yerutalem ti, nggween yigirik-noonom eerak logonak negen age, Ndi, puut Ala awi wurik menggim ti, alok-palok mban kunogo pege, Eerigin o.

Matiyut 23:38

Teppagaminggirak me, kame yi, we o wogo aret logogin o.

Iberani 3:18

Ndi, “An yonggonggolage minggim kit ninom yonggonggola ungguurak mondok lek o,” yinuk, at owak mbanogo wone yoragagerak nogo ti, taani yoragagerak mbakop? Lek o. It at oone taganogo punuk alik eerit nogo nogogwaarak nogo lek a?

Iberani 6:13

At Ala nen Abarakam abok yoge logonet, “An nen abet aret nale'nggen nggwok togon koba pagage logonet, kombowologwe apit wokkirigin o,” yinuk, yoreegerak nogo ti, at endage tiyanak kokwak, ambi wonage lek me, at endage aret kunogo yoreegerak.

Iberani 6:17

Nogo ndak-ndak at Ala nen, “Togop eekkabigin o,” yinuk, iniki koombunuk, abok yoreegerak nogo, “Peebi Abarakam ombowologwe nen Ala alik eeriyak iniki koombunuk, yo'niraagin lek, yo'nirage nogo abu ndak-ndak eerigin,” nombaruwak nduk, wone eeppiyoorak Abarakam abok yoreegerak nogo yoge logonet, at endage inom kumbatinuk yoreegerak o.