Yeremiya 22:3 - Ala Wone Peenok Peebi Mbanak

³ Naliku ALA nen abe koonak a'me nggelok eekwi, it aap tebenogo piinok, inamendek kolamenggaarak ineenggime wonage nogo ndinggologwe, it aap nggiru inom, elege moono inom, it kumi togwe inom, inoone omaawi paga yorogwe, maluk eeppiinet nugwi, ndi, o yime aakumi maluk eeka'lek iigak inookwi, eerugwaarik o.

Yeremiya 22:3 ပူးပေါင်းရင်းမြစ်များ

Ayup 22:9

Kumi nanu ineenggime lek we aret nappiige, Elege moono iinok, tebenogo piige, Eeke nagandak me,

Ayup 24:9

Aap maluk mendek nen elege agalo awo elak kungge me, yabok togon wonok nogwe, Inanomat mbanak onggo ineenggi lek inapuri inobaak yabok togon wogoren nogwe, Eeko menggaarak.

Ndawi 68:5

At Ala alik leenak menggim nogome logonet, Elege mono inogoba age, kumi togwe inawone mbangge, Eeke menggerak o.

Ndawi 82:4

It aap inomaawi lek lebenak mendek inom, ineenggi lek inom, wondet eerogo piigwi, It aap maluk eeka ineenggime nen ndininakwi, Eeko logonip o.

Ndawi 94:21

It aap ti, kuwak eeppunuk, Iniki abe koonak nogo inooriyak nduk wone koonggwi, Maluk eeka'lek ugun iigak, “Maluk eekotak o,” yinuk, inoorit nugwi, Eeko menggaarak kwe,

Ndawi 94:6

“Aliku ALA enegen niige, Yakup ogoba Ala nen nit liippinanege, Eeka'lek aret agaarik o,” Yinuk, yogo logonet, Kumi togwe inom, aap nggiru inom wonogwe inom, Inenggaawak lek eerogo piigwi, Elege moono nogo inoorogo piigwi, Eeko menggaarak.

Wundeegwaarak 22:21

Yoge nagagerik, ambinom yoraawak nduk, yoge logonet, “It aa'nduk o Metit aap nggiru negen wonogwe iigak, eeppiigo nogogwaarak nogo ineenu me, aap nggiru ambi inenggela'me wonage kenok, inoone maluk yogwi, tebenogo pugwi, eeriyak mage o.

Wundeegwaarak 22:22

Ndi, kumi togwe inom, elege wonebela inom, iniki aaninggin wonogwe me, abunuk iniki aaninggin eeppiyoorak mage o.

Kini Wuppiige 23:10

Nggween o maan mbanak kagak ya longgok eerogo pege, Ndi, elege-aabologwe moono inanggween yabu eekkologo menggam wa nage, Eeriyak mage o.

Kini Wuppiige 6:17

Wogoppatit inigen mbogut paga nugwi, Pilit wone pugunit nugwi, Maluk eeka'lek iigak inooremenggaarak inamiya ineenggi paga wonogwe,

Yetaya 1:23

Aap karum wonogwe nogo noone ineebi yogwe, It aap kiraaka inom nugwi, It apit aret wone mage yugu kagak wu wogorogwe iinok waganggwi, Wu inambe nggi-nggi agan nugwi, Elege moono inaana'le mbangga'lek mbo piigwi, Kumi togwe inawone liirogon koongga'lek teppiigwi, Eeko agaarik o.

Yetaya 58:6

It aakumi maluk eerulik iigak mbutigeele maarogo piigaarak nogo piinogo piigwi, Tapi eyo aaninggin inuut paga piigo mengga kwak it aakumi togop eeppiinok wonogwe nogo piinogo wumbiya wogwe, It aakumi tebembiinok wonogwe nogo wondet eerogo piigwi, Aaninggin-paaninggin inoba wonage nogo teeluk eerogo piigwi, Eeriyak nogo ti, Aakumi inambe mage negen logonet eeko logorak koonogo pereegirak ti aret nogo lek a?

Yetaya 58:7

It aap inambi abu wonogwe iinok, inambi magarogwe, It owunik nugwi iinok, iname wogoren piya unggwogwe, It inayum yirik lek inagabolo kin nugwi iinok, inayum yippiigwi, Aap it mendek iinok, ineebe kumaa'naga'lek wogonakwi, Eeko logorak nogo ti, Inambe mage negen logonet, eeko logorak koonogo pereegirak ti aret nogo lek a?

Yeremiya 19:4

It nen an mbo paninuk, o yime inogoba an wonage neegak kugi eeko menggam eerogo punuk, inombomini inom, it Yekura inoweewi inendagembogut inom, kugi it ineenggo'lek mendek inake warogo kani kunggwi, it aap maluk eerulik ugun iigak kwe, inamiya kilirik o yime yagabit aruwak nduk, eerogo piigwi,

Yeremiya 21:12

Aliku ALA nen ari logonet, It Ndawut paga wiganak mendek ti, Ko'lu-kii'me kubondendok eekaatak a'me nggelok mban inowak loonggwi, It aap tebenogo piinok, inamendek kolamenggaarak ineenggime wonage nogo ndinggologwe, Eeko logowak o. Eeka'lek iinok perak, maluk eerit nogo nagaarak paga kani wunuk yinuk, noguk yega'lek yi mendek ndi mendek nenet nage menggi kwak, An nanini togop aret mi'nage logonet, eeppiinet nage logogin o.

Yeremiya 22:17

Togop aret eeko menggaarak kwe, at aput ti perak, enegen kage, inikime koongge, eeke nogo ti, Aakumi wi-wi aganake logonet, eenggi warak eekkoloorak mban koonit nege, It aap maluk eeka'lek iigak inooke, Ineebe tebenogo piige, oone omaawi paga inamendek wagangge, Eerit noorak Iniki ti paga mban panggonak menggerak o,” Yinuk, yegerak me, yagi o.

Yeremiya 26:16

Yorage mbareegi, it aap inoweewi inengga warak inom, it aakumi kuwak aago abok aret inom, nen it aap Ala unde kunduk, Ala nen yorage kagak yoraga kunduk, yorogo logonet, “Wologwe wae. Aap yi, Aliku ninogoba Ala yegerak kenok, yo'niragaarak me, eebe wariyak mondok mage o,” yinuk, yereegwaarak.

Yeremiya 5:28

Abe mban nunggwi paga ineebe kole inamburu tene yogwe wonogwe, Eeko menggaarak. Maluk mban eerit nogo logonet, Ti kuli aret o, yogwe, Elege moono inawone amburu mbanggo logonet, it eeppiyoorak koonggwi, It aakumi ineenggi lek op eeppiyoorak koonak nogo eeppiyoorak inaana'le mbanggwi, Eekulik aret o.

Yeremiya 7:23

Ata, wone eeko logorak lengganogo yoragagirak nogo yi aret. An noone ari inaruk liirogon konembunuk eekwi iinok, an it inogoba age, ndi, it an napuri ogwe, eeko logogun o. Ndi, ineebe obeelom inale'nggen paga logowak nduk, an nen, Yogop ee'nu, ndogop ee'nu, yorage nogo ndak-ndak eerit nogo logowak o, yinuk, yoragagirak kwe,

Yeremiya 9:24

Ata, aap ambi nen wone tiyappuurak mbake kenok, wone eebe tiyappuurak nogo yi aret. O nggween paga yime aakumi inabuwa mbakwi, Eekaatak a'me nggelok eeppiigwi, obeelom mban eeppiinet nugwi, Eekwi paga ninikilom mbake minggirak Naliku ALA neebe at eenu wonage, Ndi, an eeke minggirak liippanege, Eeke logorak ti aret o,” yinuk, Aliku ALA nen aret yegerak o.

Leendawi 3:36

Inowak longgo logonet, inawone liirogon mbaniyak kagak yiluk-yiluk mbanggwi, Eekwi nogo ti, Ninogoba Ala enegen iigeelik mbakop? Lek o! Abok aret liippiige menggerak o.

Yetikiyen 18:12

Aap aaninggin inoba wonogwe, aap ineenggi lek wonogwe, eerak nogo wi-wi aganake, Awu luulu wogorage logonet, inamendek wagangge nogo iyokan wogoraga'lek kolage, Kugiwak nen yeenggwaaruwak nduk ayuk wuke, Maluk ogole warak lombok eeke,

Yetikiyen 18:7

At ti nen aap wiwi aganaka'lek awu luulu wogoge logonet amendek waganggetak nogo, mbet-mbet iyokan wogoge, Aakumi inamendek ndinggolaga'lek logonet aakumi inambi abu iinok, at ambi mendek wogorage, Aap inayum yirik lek iinok, yum yirippiige, Eeke menggerak o.

Yetikiyen 22:7

O kota enggela'me time aakumi inogobamini inom, inagalomini inom, meek eerogo piigwi, at enggela'me time aap nggiru aaninggin inoba piigwi, elege moono inom, kumi nanu inom, tebenogo piigwi, eeko nogogwaarak o.

Yetikiyen 45:9

At Aliku Itok Menggerak ALA nen yegerak nogo yi aret. “It Iterali inoweewi nagawan-nagawan nen an napuri eeppiinet nogwe ti, abu kuli aret o. Inogogumbuk logonet, aakumi maluk eeppiinet nugwi, tebenogo piinet nugwi, eekwi ti, mbo puwak o. Mbo punuk, obeelom mban eeppiinet nugwi, a'me nggelok mban eeppiinet nugwi, eeko logowak o. It an napuri inanggween unde eeppatinuk wonogwe me nen mugogo wumbiigwi ti, ambinom eerugwaarik o, yinuk, Naliku Nitok Minggirak an ALA nen aret yagi o.

Yowen 3:19

Togop eerigin kwe, it Metit mendek inom, Erom mendek inom, nen inogogumbuk logonet, It Yekura mendek maluk eeppiinet nogwe, It Yekura mendek maluk eeka'lek iigak, inanggween paga inamiya kilirogo piinet nogwe, Eeko nogogwaarak paga O Metit time yi oone ndi oone lek age, Ndi, o Erom time eerilek karume aret age, Eerigin o.

Ala Unde 19:15

Aakumi inowak loonggo logonet, maluk-maluk inowak loonggwi, aap ineenggi lek iinok, inawone abe koonogo piiga'lek yiri-wuri eerogo piinok, aap ineenggi warak iinok, inawone abe koonogo piigwi, eeriyak mage o. Ata, Aap yi ninom ndak-ndak aret o, yinuk, eeremenggaarak ndak-ndak aret inowak loonggo logowak o.

Amot 5:15

At Omaawi Lombok Menggerak Aliku Ala nen kit Yutup mendek eegu yumbunik wonogwe nogo, kinabuwa mbake kagak eerukwak, Maluk eeriyak kineebi mbakwi, Obeelom eeriyak kiniki kunik eekwi, Ndi, inowak loonggo menggam aakumi inowak loonggo logonet, eekaatak ndak-ndak eeppiigwi, Eeko logonip o.

Amot 5:24

Niyo wu'nuk wage menggi kwak, eekaatak onggo a'me nggelok eeppiinet nugwi, Niyo porok ariilik, nage mban menggi kwak, aakumi obeelom eeppiinet nugwi, Eeko logowak o.

Mika 3:11

Wu kolaawok nduk, maluk eekaarak nogo yiluk-yiluk inowak loonggwi, Onggo wokkiraawak nduk, Ala unde nen wone mamunirogwe, Wu waawok nduk, Nabinggaanggo paga, Ndogop eekkinake kagaarak o, yinuk, yorogwe, Eeko monggotak kwe, Aliku ALA endage kumbunuk kinoone yogo logonet, “Aliku ALA ninenggela'me wonage nogo lek a? Wonage aret me, Maluk eeppinanigin mondok lek aret o,” yinuk, yogo monggotak o.

Mika 6:8

Nit aakumi yi, obeelom eeko logorak ti, Aliku ALA nen muk yo'niragagerak o. Ndi, Aliku ALA nen eeko logorak ninombake nogo ti, ngge o? Lek o. Nit eeko logorak ninombake nogo ti, a'me nggelok eeppiinet nugwi, Aakumi inabuwa mbako logorak ninikilom mbakwi, Niniki tebeppatinuk, ninogoba Ala mugurok nogwe, Eeko logorak ninombake ti aret o.

Maleyaki 3:5

“An nen inowak loonogo maluk onggo eeppiyaakit nduk woraagin o. Wage logominggirik, it aap tili pagangga inom, aap kumi ugun-ugun eeginaka inom, pilit pugunogo, Ndogop eeke kagarak, yaga inom, onggo koloorak eyabu eekwi wi-wi eeginaka inom, it aap kumi togwe kunduk, elege moono kunduk, tebenogo piiga inom, it aap nggiru inawone yaga-taga eerogo piiga inom, it an inagabiti nombakulik nogo mendek abok aret, Ndogop eekwi kiigirak o, yinuk, yorage logokit nduk, woraagin o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Matiyut 23:23

Kit Ala wone liiru mbanak unde aap Pariti kinom kiniki laakot logonet, eeko monggotak yi, wone a'me mban koonggwi, aakumi inabuwa nen eeppiinet nugwi, kiniki liirogon eekwi, eekwi ti, Ala wone lengganak alom nggwok ti aret kagak, eeka'lek mbo punuk, we liboongga logwe, yibiingga logwe, kiinde logwe, ando we mbuuluk nibinogo Ala ake pogo monggotak nogo mban eeko monggotak me, kinabuwa! Wone alom nggwok nogo eeko logonet, mbuulogwe-mbaalogwe ti inom nabenogo eeriyak me eeko monggotak o.

Pelaareegerak 10:18

At nen elege moono inom, kumi togwe inom, inawone liirogon koonogo piige, aap nggiru inabuwa nen inambi noorak inom, inayum yikkoloorak inom, wogorage, eeke menggerak me,

Pelaareegerak 24:17

Aap nggiru inom, elege moono inom, Meek, mba'nuk inawone ugun-ugun koonogo piigwi, kumi nanu kunduk, Kinamendek wogorogo logonet, ninamendek obaane'me pegak kola woraamunggup o, yinuk, inayum waganggwi, eeriyak mage o.

Pelaareegerak 24:7

Aap Iterali mendek ambi nen at oreeluk kagak kumaappunuk, ayeloman eekkolage, onggo nggerenggolage, eeke kenok, aap ti mondok warogo pogo logowak o. It aap maluk ti mendek eekwi iinok, kinenggela'me inenggaawak lek eerogo piigo logomunggup o.

Pelaareegerak 25:1

Yorage nagagerik, ambi yorage logonet, “Aap ambi imbirak wone wariyak age kenok, aap inowak loonggo menggam time namenggaarak me, it aap inowak loongga nogo nen wone aremenggerak nogo mbeenogo inowak loonggo logonet, at ambi oba abe eerogo pugwi, at ambi oba maluk eerogo pugwi, eeppunuk,

Pelaareegerak 27:19

It aakumi nggiru inom, elege moono inom, kumi nanu inom, inawone liirogon koonogo piigwi lek ti, pulunik aret logowak o, yogwe iinok, It aakumi abok nen, Abet aret o, yogwe,

Yakobut 1:27

It aap Ala oone liippunuk mondok abe eekwi iinok, ninogoba Ala nen ale'nggen mbake menggerak nogo ti, it wologwe-komologwe wenebela inom, kumi togwe inom, iniki aaninggin wonogwe iinok, inabuwa nen yeenggwaaranet nugwi, it aakumi iniki maluk nen maluk eeruwak nduk iniki nggagani wogwe iyo, tum wakkologwe, eeko menggaarak nogo it aret o.