Yeremiya 22:29 - Ala Wone Peenok Peebi Mbanak

²⁹ Kat o yi, wae. O yi, wae! O yi, wae! Aliku ALA nen ari yi, karuk konengge logot o.

Yeremiya 22:29 ပူးပေါင်းရင်းမြစ်များ

Yetaya 34:1

Kit yi aakumi ndi aakumi yi wae. An nowagam kuwak ari wa'nuk, an ari kinaruk konenggwi, Kit kinanebunu lombok yi wae. An yokkirage yi, liippugwi, Ee'nip o. O nggween paga inom, yi mendek ndi mendek nggween paga wonage abok aret inom, inaruk konenggwi, O irip-irip inom, yi mendek ndi mendek wiganit wundi wage menggerak inom, an wone yigin yi, liippugwi, Eeko logowak o.

Yeremiya 6:19

It aakumi o nggween paga wonogwe ti, inaruk konenggwi, Eeko logowak o. It an napuri yi wone ndi wone yoragatak nogo liirogon konengga'lek taganogo pugwi, Eeko logorak wone yoragatak nogo mbo pugwi, Eeko logonet, Iniki koonogo punuk eerit nugwi paga an nen aaninggin mondok nggwok lombok it aakumi ti, inoba pege agarik o.

Yetikiyen 37:4

Yoge mbareegi, at nen an yo'nege logonet, “Inowak nggininik yi, eeppiyoorak wone yoret o. Yorage logonet, Aakumi inowak neno-pono aago yi, Aliku ALA nen wone yegerak nogo konenggo logonip o.

Mika 1:2

At Aliku kinogoba Ala awi alik leenak menggim logonet, “Ndogop eekwi kiigirak o,” yinuk, yokkiraawak nduk, Kit yi aakumi ndi aakumi abok aret yi wae. Kinaruk konenggwi, O nggween inom, o nggween paga wonogwe inom, abok aret yi wae. Kinaruk liirogon konenggwi, Eeko logonip o.

Pelaareegerak 31:19

Togop aret me, an yagarak mbo punuk alik eekwi iinok, At Aliku ALA nen togop eeppinanigin, yegerak o, yinuk, iniki penggenggagak eeke logowak nduk, ndawi yi, it inake liiru mbangge logomenggendik mamunirage, eebe, Wa'nip o, yorage, eeke logot o.

Pelaareegerak 32:1

“Mbogut yi wae. An wone ambi ari me, karuk logot o. Nggween yi wae. An noone ari neegak, konengge logot o.

Pelaareegerak 4:26

O kit unde a'nuk logowam niyo Yoraran mbanogo ene paga time wunda nogo logomonggotik, wonogo logonet, wone an yokkiragarak yi, liirogon eerumunggup lek kenok, kit kineebe logonuk lek aret kanggwi, kineebe lek aret ogwe, eerumunggup o, yinuk, mbogut inom, nggween inom, inigen iigak, o yogondak yi paga yokkiragi o.