Yeremiya 22:26 - Ala Wone Peenok Peebi Mbanak

^26-27 ndi, agalo ndareegerak imbirak o at amulok paga lek, o alik me mbo pi naminggirak time logonet, Name niyokan naakit lak, ao, mbaremenggim nogome woraagin lek time aret kambuwak nduk, mbo pege, eerigin o, yinuk, yorumunggun,” yegerak me, yokkigi o.

Yeremiya 22:26 ပူးပေါင်းရင်းမြစ်များ

2 Endagembogut 24:15

Eeke nagagerik, aap Yoyakin keele maarak o Yerutalem nen o Mbaben pi naakit nduk, eeke logonet, agalo inom, akuwi inom, awi arum menggaarak inom, aap o time inengga warak inom, wogonake,

2 Endagembogut 24:8

At Yoyakin nogo ndarak kagak, tahun 18 age paga Yekura inowe endagembogut age nagagerik, o Yerutalem logonet, wone lengganogo yorage kagak, tut kenagan peneneegerak. At agalo ti, awi Yerutalem mendek aap Elinatan apuluk kwe Nekutan aret.

2 Endagembogut 25:27

Ndi, aap Yekura endagembogut Yoyakin wonok, o Mbaben keele maarogo mbo pi nagagerak wonage kagak, tahun 36 eeppunuk, ambi age paga aap Ewin-Merorak o Mbaben inowe endagembogut agagerak. Age nagagerik, tahun ti paga tut 11 penembunuk, ambi penenak tanggal 27 paga, at Yoyakin nogo keele maarogo mambiigo menggam wonage me, piinogo wumbereegerak.

2 Endagembogut 25:29

Eeke mbareegi, at Yoyakin nogo keele maarak logonet, ayum yirik wonagagerak nogo mbo punuk, abe mendek yikko'nok, aap endagembogut inom mbi nonggo menggam nogome, inom nengge kagak, kambuurak kuli aret ari nagagerak.

2 Endagembogut 25:30

Ndi, kambuurak kuli ari nage kagak, amendek lek kenok kunggolaawak nduk, aap endagembogut nen kulinik-kalinik awu wogoge nagagerak. 3

Yetaya 22:17

Kat aap yi wae. At Aliku ALA nen keebe waganogo o nda time nappagarak nduk, eeke me, liippake logot o.

Yeremiya 10:18

At Aliku ALA nen yegerak nogo yi aret. “Ne yogondak yi aret it o yime wonogwe abok aret mbo wumbiige, It o yime wonogwe nogo aaninggin-paaninggin kaawak nduk, inoba piige, Eerigin o,” yinuk, yegerak o.

Yeremiya 13:18

Aliku ALA nen an yo'nege logonet, “Kit kinanggare-nggare kinanobak paga abinakwi yirik nogo nggoorok togon wanggerak me, Wone lengganogo yorogo monggo'nom nogome nen wambi wa'nip o, Yinuk, at aap endagembogut inom, akwe kwe nggwok nogo inom, imbirak yoret o,” yinuk, yo'negerak o.

Yeremiya 16:13

an nen inabuwa mbarigin lek, o yime nen wumbiinok, o ambi it inom, inombomini inom, ineenggo'lek me time mbo piyaminggirak wonogo logonet, an neegak kwe, liingge-kii'me inagugi mban mugurok nogo logogun, yegerak, yoraamunggun o,” yinuk, yo'negerak.

Yeremiya 28:4

Ndi, eyo aaninggin tapi inuut paga pogo mengga kwak at aap Mbaben endagembogut nen aaninggin it aakumi inoba piige nogo kalenogo pigin me, at aap Yoyakim aput it Yekura inowe endagembogut Yoyakin nogo inom, it aap Yekura mendek o Yekura nen o Mbaben wogoren nogogwaarak wonogwe nogo inom, iniyokan o yime piya woraagin o, yinuk, Aliku ALA nen aret yegerak o,” yinuk, an yo'nereegerak.

Yeremiya 29:2

Ti eereegerak nogo ti, it Yekura inowe endagembogut Yoyakin inom, at agalo kwe nggwok nogo inom, aap endagembogut awi o nggwok abe wurik me eyabu eeka inom, it aap inengga warak o Yekura mendek, o Yerutalem mendek, inarum menggaarak inom, it eyo paga, mbutiwak paga, ineenggi amburu lombok eeka inom, it abok aret o Yerutalem nen kugun wogoren o Mbaben piya nogogwaarak wonogwe iigak, liiru mbaneegerak.

Yeremiya 44:14

it aakumi Yekura mendek eegu yumbunik o Metit ari wa'nuk wonogwe nogo, abok aret inagap ndakko'nok kole mbaganggwi, ndi, Niname niniyokan nogo logomonggoorik, ye mbambatinuk logowok lak, ao, yinuk, mbaremenggam nogome teppiyamenggaarak iniyokan nogwe, eerugun lek aret o. Ata, it ambitak mban inagap ndakko'nok iniyokan o time ari nagun, yegerak me, yokkiragi o,” yinuk, yoragagerak.