Yeremiya 22:25 - Ala Wone Peenok Peebi Mbanak

²⁵ it at wariyak mugurok nugwi iinok, agabiti inombake it Mbaben mendek inowe endagembogut Nebukanetat awuri Mbaben mendek inom ineenggime piige,

Yeremiya 22:25 ပူးပေါင်းရင်းမြစ်များ

2 Mbinineegwaarak 36:10

Tahun ambi eeppunuk, ambi eerikit nduk eeke kagak, endagembogut Nebukanetat nogo nen at Yoyakin wonok woraawak nduk, aap nappiya wagagerak wogo nogogwaarik, aap Yoyakin nogo waganggwi, yi mendek ndi mendek onggo nggwok Aliku ALA awi wurik me wonage nogo waganggwi, eeko nogogwaarik, wonok o Mbaben pi nogogwaarak. Ndi, at Nebukanetat nen aap Yoyakin ogobaluk Yerekiya nogo aap Yekura mendek inom, Yerutalem mendek inom, inowe endagembogut logowak nduk, mippereegerak.

Kini Wuppiige 10:24

It aap maluk mendek nen, “Ninamineeri ne agan nage,” mbakwi nogo aret inoba age menggerak kwe, It aap iniki abe koonak nogo nen perak, uugwe mbakwi nogo aret kologo menggaarak o.

Yeremiya 21:7

Aliku ALA nen ari logonet, Ti eeke logominggirik, it Yekura inowe endagembogut Terekiya inom, aap endagembogut awuri inom, it aakumi kugilengga paga kanggwi, wooluwak paga warak kanggwi, mbi noogelo paga kanggwi, eeka'lek teppiyamenggerak it o kota yime menggaarak inom, nogo waganogo aap Mbaben inowe endagembogut Nebukanetat inom, it inooriyak eekwi inawim nogo inom, ineenggime piyaminggirak at aap endagembogut ti nen inabuwa mbake, ambi teppiige, obeelom eeppiige, eerigin mondok lek abok aret inoorogo piyaagin, yegerak, yori nabagip nduk, yokkiragi o.

Yeremiya 22:28

Niyoowak nggween nggabok paga ogobakkigirik telenak kenok aakumi ineebi mbakwi kwak, At Yoyakin togop aret wonage nogo lek a? At inom, at apuri inom, o ambik me it ineenggo'lek me time nonggop nduk mbo piya noorak mbakop?

Yeremiya 27:6

yogondak nen it inogobamini inanggween ti, abok aret waganogo aap Mbaben mendek inowe endagembogut nayeloman Nebukanetat eenggime pege, ndiimbu-nggwiya eyonggaame menggaarak kunduk abok aret at mban unde eeppege, eerigin o.

Yeremiya 38:16

Yoge mbareegi, at aap endagembogut Terekiya nogo alik kote Yeremiya yoge logonet, “An nen kat koorogo pagage, ndi, it aap kat kooriyak nduk, mukkeren nugwi nogo ineenggime piige, eerigin lek o, yinuk, aakumi ineenik eeppiiga mondok eenik menggerak Aliku ALA endage kumbunuk kumbuk mbanggi o,” yinuk, yoreegerak.