Yeremiya 22:19 - Ala Wone Peenok Peebi Mbanak

¹⁹ Ata, nggeewo kanggetak niik eerogo mbo wumbogo mengga kwak, at eebe niik eerogo o Yerutalem tu unggwogo menggam endekem time mbo wumbugun o,” yinuk, yegerak o.

Yeremiya 22:19 ပူးပေါင်းရင်းမြစ်များ

1 Endagembogut 14:10

Togop eeke kenok, at Yerobeyam apuri wiganak paga aaninggin nggwok lombok inoba kwippiyaagin me, at paga wiganak wologwe inendage warak inom, inendage lek inom, abok aret inaan ineenggi paga lenggennagaatak obari kenok niyo mbilik-mbelek koorogo nappogo mengga kwak, it togop aret lek eerogo piyaagin o.

2 Endagembogut 23:36

At Yoyakim nogo ndarak kagak, tahun 25 age paga aap endagembogut a'nuk, o Yerutalem logonet, wone lengganogo yorage kagak, tahun 11 eereegerak. At agalo ti, awi Uruma mendek aap Peraya apuluk kwe Tebura aret.

2 Endagembogut 24:6

Ndi, at Yoyakim nogo, ombomini kambunuk nogogwam inom yonggonggola nage mbareegi, obaane'me aput Yoyakin inowe endagembogut agagerak.

2 Endagembogut 9:35

Yorage mbareegi, eebe pi ungguwok nduk, wundi wogogwaarak kwe, eebe lek we anobak mbanak inom, eenggi-iyok mbanak inom, ti mban wonage kogogwaarak.

2 Mbinineegwaarak 36:6

Eeke kagak, it Mbaben mendek inowe endagembogut Nebukanetat nogo nen at tebenogo punuk, wonok o Mbaben pi naakit nduk, mbutigeele tembaga paga eerak nogo paga maarogo pege,

Wone Alom Kibingga 6:3

Aap ambi nda'nagagerak nggorek lombok logonet, apuri 100 ndappiinok, eebe obeelom logomenggerak kwe, iniki ale'nggen mbaka'lek logonet kangge kenok, “Aap nogo aret kanggi o,” yaga'lek logonet, nggween abe taambega'lek ugun-ugun taanogo pugun me, an nen mbake logonet, “Aap ndarak nggorek logorak ti meek kwe, elege warak nda'nariyak perak op aret o,” mbake minggirak.

Yeremiya 15:3

Aliku ALA nen ari logonet, “Maluk eerit wundi wogogwaarak onggo aaninggin alom 4 paga an nen inoba kwippiyoorak nogo, ambi, wooluwak paga inookwi, ambi, yi nggeewo ndi nggeewo nen ineebe inoorak nogo nigiren nogwe, ambi, yi towe ndi towe wiga agan nugwi nogo nen ineebe nunggwi, ndi, ambi, ndiimbu-nggwiya nggween paga nugwi nogo nen ineebe lek eerogo nunggwi, eerugun o.

Yeremiya 36:30

Yoreegerak ti paga at Yekura inowe endagembogut eeppuurak Nalik Ku ALA nen ari logonet, “Ndawut wone lengganogo yorage nagagim at Yoyakim apuri wiganak paga ambi wone lengganogo yorogo logogun mondok lek aret o. At eebe kambemenggerak mbo pemenggaarak endekem wonage kagak, o liingge paga mo andi wake, oonikiya paga togwi nen miin tu eerogo pege, eeke logogin o.

Yeremiya 36:6

inambe mage negen eeppunuk wonogwe ne ti paga, Aliku ALA awi wurik me unggwi nage logomenggendik, wone an yokkege neegak mbuku pirik-perek aago paga liiru mbanogo pegendak nogo, aakumi kuwak aago wonogwe ti, inenggaanom paga lungge, it aakumi Yekura mendek inawi kota-kota nen wogwe kunduk, it abok inenggaanom paga lungge, eerumunggun o.

Yeremiya 8:2

it iniki kunik aganakwi, inake eerit nugwi, muguren nogwe, Nonggop o? yinuk, kin wogonakwi, inayuk wukwi, eeko nogogwaarak inagugi oonegen inom, tut inom, laaluguragan mbogut paga wonogwe abok aret inom, it abok inenggaanom kin paga piyaagun me, kuwak eerogo piigwi, taambiigwi, eerugun lek yabume nggween mili ake aret arugun o.

Yetikiyen 19:8

Ne agan nage mbareegi, yi aakumi ndi aakumi at enaagan-ambokan wonogwe nen pilak yinuk, at tebenogo puwok nduk wogwe, At yiluk yuwak nduk, keele pit nogwe, Nggween labu pugume wangge kenok, tebenogo pugwi,

Yetikiyen 39:5

Yabu penaame time inoorak wambit nagun o, yinuk, Naliku Nitok Minggirak an ALA nen aret yagarak me, eerigin o.