Yeremiya 22:17 - Ala Wone Peenok Peebi Mbanak

¹⁷ Togop aret eeko menggaarak kwe, at aput ti perak, enegen kage, inikime koongge, eeke nogo ti, Aakumi wi-wi aganake logonet, eenggi warak eekkoloorak mban koonit nege, It aap maluk eeka'lek iigak inooke, Ineebe tebenogo piige, oone omaawi paga inamendek wagangge, Eerit noorak Iniki ti paga mban panggonak menggerak o,” Yinuk, yegerak me, yagi o.

Yeremiya 22:17 ပူးပေါင်းရင်းမြစ်များ

1 Endagembogut 21:19

Pekka nage logomenggendik, wone yoriyak nogo yi o. Naliku ALA nen aap ambi warogo punuk, anggween ndinggolegerak at Akap aret nogo lek a? At togop aret eekerak me, nggeewo nen aap Nabot amiya inamili menak nunggo menggam time at amiya togop aret nagun o, yinuk, Aliku ALA nen yegerak, yori nak o.”

2 Endagembogut 23:37

Ndi, at Yoyakim nogo ombomini maluk eeko nogogwaarak ndak-ndak, Aliku ALA enegen kagak maluk mban eeke nagagerak.

2 Mbinineegwaarak 36:8

At Yoyakim nogo endagembogut a'nuk, wone lengganogo yorage logonet, maluk ogole warak eeke nagagerak inom, eraambe nggolo logonet, eeke kogo nogogwaarak inom, ando abok ti, it Iterali inom, Yekura inom, inoweewi inendagembogut eeko nogogwaarak liiru mbanak wonage nogo paga, inom mbanak wonage o. Ndi, at obaane'me aput Yoyakin aret endagembogut agagerak.

Ayup 31:7

Tu abe kagak nomok togon nage, An nenegen kenok niniki nenet nage, Maluk neenggi paga lenggenak wonage, Eeke neenok,

Ndawi 10:3

“Niniki nengge nogo aret eerit nogo ogoorik o,” yinuk, wogoppakwi, It aap yi mendek ndi mendek mban kolaawok, mbarit nugwi nogo inendage tiyappiigwi, At Aliku ALA endage meek eerogo pugwi,

Wundeegwaarak 18:21

yeenggwa kugo logowak nduk, it aakumi inanebunu lombok inenggela'me nen aap ineebe wone koongga kenok, Ala inagabiti mbaka kenok, wone yo'nuk, Abet aret eerigin, mbaka kenok, iniki yanggo yuwak nduk, wu wogogaatak waganggeelik kenok, leenogo piige logomenggendik, at ambi nen aakumi ineebe seribu unde logowak nduk mippege, at ambi nen aakumi ineebe 100 unde logowak nduk mippege, at ambi nen aakumi ineebe 50 unde logowak nduk mippege, at ambi nen aakumi ineebe 10 unde logowak nduk mippege, eeru o.

Yetaya 56:11

Nggeewo nen, “Abu nenggi o,” yinuk, mbaka'lek inaanogum andi lek lagap mban agan nugu mengga kwak, it aap ti togop aret wonogwe, It aap ndomba ndegeninaka nen inaanggumi ndegeninaburak kobak mengga kwak wonogwe, It abok aret eeriyak mbakwi nogo mban mugurok nogwe, Inalitik-inalitak ineenggi warak eekkoloorak mban kwaarit nugwi, Eeko menggaarak.

Yeremiya 17:11

Aap ambi aakumi wi-wi aganake logonet, eenggi warak eekkolage nogo ti, Towe at ako lek alik ambi ako kagak tebeni unggwage nagaatik, tubungge menggi kwak aret menggerak o. At nda'nagagim obate paga kagak amindik-amendek unde agaarak nogo lek age, Ndi, at nda'nagagim abu ari nage kagak, at eeremenggerak paga, “Aap yi, wi yuundurak kwak wonage o,” yinuk, aakumi ineenu ogwe, Eeko logogun o.

Yeremiya 19:4

It nen an mbo paninuk, o yime inogoba an wonage neegak kugi eeko menggam eerogo punuk, inombomini inom, it Yekura inoweewi inendagembogut inom, kugi it ineenggo'lek mendek inake warogo kani kunggwi, it aap maluk eerulik ugun iigak kwe, inamiya kilirik o yime yagabit aruwak nduk, eerogo piigwi,

Yeremiya 22:3

Naliku ALA nen abe koonak a'me nggelok eekwi, it aap tebenogo piinok, inamendek kolamenggaarak ineenggime wonage nogo ndinggologwe, it aap nggiru inom, elege moono inom, it kumi togwe inom, inoone omaawi paga yorogwe, maluk eeppiinet nugwi, ndi, o yime aakumi maluk eeka'lek iigak inookwi, eerugwaarik o.

Yeremiya 6:13

“It aap inendage lek inom, inendage warak inom, abok aret ambi kolaawok nduk mugurok nugwi, It an wone yorage neegak yoraga inom, it an neebe unde inom, abok ndak-ndak inoone pilit pugunggo logonet, aakumi wi-wi eeginabit nugwi, Eeko menggaarak.

Yeremiya 6:6

At Omaawi Lombok Menggerak Aliku ALA nen yegerak nogo yi aret. “Eyo muurogo pit nogwe, Iniyok punuk ungguurak nda'nggi pit laganggwi, Eeko logowak o. O kota aken time at ambi nen at ambi tebenogo pegak mban eerit nugwi me, Teppiyoorak lek it maluk eekwi onggo inoba kwippiigo logowak o.

Yeremiya 7:6

aap nggiru inenggela'me wonogwe inom, elege moono inom, kumi togwe inom, tebenogo piigo logonet, wi-wi aganaka'lek obeelom mban eeppiigwi, o yime it aap maluk eeka'lek iigak, inamiya wunaka'lek teppiigwi, kugi eerit nugwi paga maluk inoba paka'lek an mban mu'neren wogwe, eekwi iinok,

Yeremiya 8:10

It inakuwi ndinogo aap alik wogorage, Ndi, ineyabu eerak nogo it aap o tebengga wogorage, Eerigin o. It aap inendage lek inom, inendage warak inom, abok aret ambi kolaawok nduk, mugurok nugwi, It an yorage neegak yoraga inom, it an neebe unde inom, abok ndak-ndak inoone pilit pugunggo logonet, aakumi wi-wi aganabit nugwi, Eeko menggaarak.

Yetikiyen 18:12

Aap aaninggin inoba wonogwe, aap ineenggi lek wonogwe, eerak nogo wi-wi aganake, Awu luulu wogorage logonet, inamendek wagangge nogo iyokan wogoraga'lek kolage, Kugiwak nen yeenggwaaruwak nduk ayuk wuke, Maluk ogole warak lombok eeke,

Yetikiyen 19:6

Singa aagaluk nogo ti, abu wakaa'ngget agagerak me, orewologwe inom nege, At noorak nogo nibinogo puurak mamunggolage, Aakumi nibinogo piinok, ambeme yonggorinake logorak mamunggolage, Eereegerak.

Yetikiyen 19:7

Eeke nagagerik, aakumi ineebe op logorak pak wurogo pereegwam langgunogo pege, Inawi wurik kota-kota nogo yigirogo pit nage, Eeke logonet, Nggween inom, it aakumi nggween ti paga wonogwe inom, at oone kole ari nogo inaruk konembunuk, inamineeri ne agan nage nagagerak o.

Yetikiyen 19:9

Nik eerogo mbuti keele yiluk-yiluk eerak me mambugwi, Mambunuk, wonok aap inowe endagembogut Mbaben mendek wonage me pi wogwe, Pi nanuk, keele maarogo piigo menggam nogome mambugwi, Eereegwaarak me, Puut-puut Iterali wonogo menggam time oone kole ari konenggo nogogwaarak nogo, ambinom konengga'lek aret wonogogwaarak.

Yetikiyen 22:6

It Iterali inoweewi nagawan o kota time enggela'me wonogwe nogo, inalitik-inalitak nen inendage tiyanak paga aakumi inoorogo piinet nogwe ti, liippiyet o.

Yetikiyen 33:31

yogo nagaatik, ineebe an napuri negen a'nuk, ambik aago wogo nagaatik, kat koone konenuwok nduk kowagam kwi'nari wogo menggaarak kwe, kat nen it yorage nogo eekulik aret menggaarak o. It inambe paga, Aakumi niniki kunik eeginako monggoorak o, yinuk, yogwe kwe, iniki perak, aakumi wiwi aganako logonet, ineenggi warak eekkoloorak nogo mendek mban mugurok nogo menggaarak.

Mika 2:2

It nen aakumi ineyabu eerak uugwe mba'nuk kologwe, Inawi wurik uugwe mba'nuk tebenggologwe, Inawi wurik inom, inoreewi ineyate pugu inom, ndinggologwe, Eeko menggaarak.

Mika 3:10

Aakumi maluk eeka'lek ugun iigak kwe, inoorogo piinet nogo logonet, o Tiyon wukwi, Aakumi inawu yowaarogo o kota Yerutalem wukwi,

Tepaniya 3:3

At inom eeka aap inendage warak wonogwe nogo ti, Singa at nengge menggerak naakit nduk oone nggwok ari menggi kwak, wonogwe, At aagalogwe inowak loongga ti, nggeewo owo nen nggwiya wappunuk ko'lu noorak mbakulik, o ne ambit weege paga uwiirogo wurako mengga kwak, wonogwe,

Oroma 1:29

Pulunogo mbo piyareegerak me, yi maluk ndi maluk alitik-alitak lombok ambik aret eeko nogogwaarak. Eeko logonet, maluk mban eerit nugwi, uugwe-uugwe mbakwi, inogogumbuk logonet agan nugwi, neebi-keebi yogwe, aap wakwi, yawi pugwi, inambokan laganggwi, inanini agaket yogwe, togot-togot wone yogwe,

Kolote 3:5

Togop me, noreewi o. Kumi ugun wurinabit nogwe, kiniki kumi paga mban lunik nugwi, kiniki nengge nogo mugurok nogwe, maluk eeriyak mban kinikilom mbakwi, yi mendek ndi mendek koloorak uugwe mba'nuk, tiyappugwi nogo ti, kugiwak alut eekwi ndak-ndak me, uugwe-uugwe mbakwi, eeriyak mage o. Ti eerit nogwe kiinok, Ala anini abet aret kinoba pinagarak me, ti eeriyak eekkinake nogo abok aret mondok warogo wuppogo logonip o.

Yotuwa 7:21

Kugun wogo yum nggorek kigirikwe o Mbaben mendek penggaarak abe mendek inom, wu mbuti perak aaninggin mbere wakkaanuk, ambi oolo negen ari nage inom, mbuti emas aaninggin ambi oolo negen ari nage nogo inom, an nen nenegen kage nagarik, uugwe nen wagangge nagarik, nawooliya wurik me nggween kabunogo mbuti perak nogo abena pege nagarik, ando ogombaga kumaappigirak wonage o, nogoba.”

2 Peterut 2:14

Ti eeko logonet, it inigen alik ambi paga pugwi lek o. Ata, kumi we ugun ya wurinakak nogo mban inigen wogoren nogo logonet, ugun-ugun eeginabit nogo nagaatik, “A! Yi abu eekirak me, ndonggoppanigi,” yinuk, yogolik, nabenak mban eerit nogo logonet, it aap iniki awo kole aga'lek nogo, inenggaanok nggerok yuwak nduk, nomoniren keele pugume piya nogo menggaarak. It yi mendek ndi mendek koloorak uugwe mbako menggaarak me, ti kolaawok nduk, “Wone ngge yoraawok o,” yinuk, iniki koombunuk agan nugwi nogo paga, Ala nen mondok pulunogo piyareegerak wonogo agaarik o.

2 Peterut 2:3

It aap mamuniraga ti nen ambi kolaawok nduk, kinambokan laganggo logonet, inoone ugun pilit pugunogo yokkirogo logogun o. Togop yokkirogo logomenggaarak kwe, it eekwi paga at inowak loombunuk maluk inoba piyoorak maan koonogo pereegerak Ala nogo ti, we ugun maanggo yugu logonet nogo lumok ari wonage lek o. Ata, ineebe lek eerogo piyoorak nduk abu li'luk eerak aret wonage agaarik o.

1 Tamuwen 8:3

inogoba eeke nagagerak nogo liirogon woppunuk eeko logolik. Ata, wu kolaawok nduk, aakumi inambokan laganggwi, wu wogorogwe iinok, inoone yaga-kaga eerogo abe inowak looninaka'lek teppiigwi, eeko nogogwaarak.