Yeremiya 22:15 - Ala Wone Peenok Peebi Mbanak

¹⁵ Eyo nggabina abe poorak awi akem nabenogo pit nagak eeremenggerak ti paga aap endagembogut ariyak mbake agaarik ya? At ogoba nano eeke nagagerak paga endagembogut kagak, yi tahun ndi tahun eereegerak? At ambi nengge, niyo nengge, eeke paga endagembogut logolik o. Ata, iniki abu koonak logonet, obeelom eeppiinet nage, Eekaatak a'me nggelok togon eeppiige, Eeke nagagerak paga Endage obeelom wonagagerak nogo lek a?

Yeremiya 22:15 ပူးပေါင်းရင်းမြစ်များ

2 Endagembogut 23:25

Eeko logorak wone yugu mbuku Muta liiru mbaneegerak paga wonage nogo ndak-ndak, at Yotiya nen iniki inom, eebe inom, omaawi inom, abok aret Aliku ALA wogo'nuk, mugurok nage nagagerak nogo kokwak, at endagembogut aga'lek kagak, agagerak kagak, it aap inendagembogut togop ambi logolik aret o.

Yetaya 3:10

“It aap iniki abe koonak perak, obeelom eerit nugwi paga obeelom anggen mbanogo nagun me, It obeelom enaani ndegenak aret logogun, yoret o.

Wone Alom Kibingga 10:17

Kat o yi wae. Kowe endagembogut ogoba obaane'me mi'ndak wonage, Ndi, it karum menggaarak nogo nen kumili aganaburak nduk lek inomaawi eekkolaawok nduk, ndi eyom paga noorak koonak nogo mban nunggwi, Eekwi iinok, Kale'nggen kage logomunggun o.

Kini Wuppiige 25:5

Aap maluk mendek aap endagembogut owagam nen leenogo wumbiige kenok, a'me nggelok eerit namenggerak paga at wone lengganogo yorage menggim nogome omaawi aret age menggerak.

Kini Wuppiige 29:4

Aap endagembogut ambi nen a'me nggelok eeppiinet nage paga o at unde menggim omaawi eerogo pit nage menggerak kwe, Aap endagembogut ambi nen, “Kinamendek wo'ninip o,” mban yorage menggerak kenok perak, o at unde menggim naalop-kaalop eerogo pege menggerak.

2 Endagembogut 22:2

At Yotiya nogo ombo Ndawut eerit nage nagagerak ndak-ndak eeke logonet, ena agi age, ogu age, eeka'lek Aliku ALA enegen kagak obeelom mban eeke nagagerak.

Yeremiya 42:6

Nit obeelom logowok nduk, Ninake nen kogoba Aliku Ala yoru o, yinuk, yokkogoorak nogo nen wone obeelom a, maluk a, yo'nirage ti, ninaruk konenggo logogun o. Ninogoba Aliku Ala oone konembunuk, liirogon aret eeko logogun o,” yinuk, yoreegwaarak.

Yeremiya 21:12

Aliku ALA nen ari logonet, It Ndawut paga wiganak mendek ti, Ko'lu-kii'me kubondendok eekaatak a'me nggelok mban inowak loonggwi, It aap tebenogo piinok, inamendek kolamenggaarak ineenggime wonage nogo ndinggologwe, Eeko logowak o. Eeka'lek iinok perak, maluk eerit nogo nagaarak paga kani wunuk yinuk, noguk yega'lek yi mendek ndi mendek nenet nage menggi kwak, An nanini togop aret mi'nage logonet, eeppiinet nage logogin o.

Kini Wuppiige 21:3

Aliku ALA ake warogo wogogwi ti, mbuuluk inikilom mbake menggerak kwe, Abe koonak mban eerit nugwi, eekaatak a'me nggelok eeppiinet nugwi, eekwi iinok perak, inikilom nggwok aret mbake menggerak.

1 Endagembogut 10:9

At Aliku kogoba Ala nen inikilom kombake logonet, aakumi Iterali inowe kendagembogut logonet wone lengganogo yorage logonok nduk, mippagareegerak me, endage tiyappogo logowok o. At Aliku ALA nen it Iterali mondok-mondok iniki kunik eeginake menggerak me, it abe mban koonggwi, li'lak mban eekwi, eekwi iigak, inarum logonok nduk, kendagembogut mippagareegerak o,” yinuk, yoreegerak.

2 Tamuwen 8:15

At Ndawut nogo it Iterali mendek abok aret inowe endagembogut a'nuk, wone lengganogo yorage logonet, apuri Iterali inake abe mban koongge, li'lak mban eeppiige, eeke nagagerak.

1 Korindut 10:31

Kinambi nunggwi, kinagi nunggwi, yi eekak ndi eekak abok aret eeko logonet, Ala endage tiyappuurak nduk mban eeko logonip o.

Nappiigak 2:46

It nogo iniki ambit a'nuk, ko'lu-kii'me Ala awi wurik me kuwak ari unggwogwe, iniki mot-mot logonet, ale'nggen paga iname lombok mbi karerogo punuk nunggwi, eeko nagaatik,

Lukat 11:41

Lek o. Kinikime aken yonggolak ti, it aap ineenggi lek wogorogwe kiinok perak, yi mendek ndi mendek abok koorak aret kaamunggup o.

Yeremiya 23:5

Aliku ALA nen ari logonet, “Agarip kwak Ndawut paga iniki abe koonak nda'naruwak nduk, kin eeppuurak eyom panggoni wage agaarik o. Wage logomenggerik, at endagembogut a'nuk, iniki warak logonet, wone lengganogo yorage, O yime obeelom mban eeppiinet nage, A'me nggelok liirogon mban eeppiige, Eeke logogin o.

Yeremiya 22:18

Togop me, Aliku ALA nen it Yekura inowe endagembogut aap Yotiya aput Yoyakin eeriyak yegerak nogo yi aret. “At kangge kenok, it aakumi nen, Ai, noweeluk o. Ai, nawuluk o, yinuk, ale yogwe, Ndi, Ai, nogoba o. Ai, nowe kendagembogut o, yinuk, aleenggu maakwi, Eeko logogun lek o.

Yeremiya 22:3

Naliku ALA nen abe koonak a'me nggelok eekwi, it aap tebenogo piinok, inamendek kolamenggaarak ineenggime wonage nogo ndinggologwe, it aap nggiru inom, elege moono inom, it kumi togwe inom, inoone omaawi paga yorogwe, maluk eeppiinet nugwi, ndi, o yime aakumi maluk eeka'lek iigak inookwi, eerugwaarik o.

Yetaya 33:16

It aap puut tiyarogon yugum pak wurogo pereegim iniki ugun tayenak wonogo mengga kwak wonogwe iigak, Inambi pipuk eerak wonage, inaniyo lek arigin lek wonage mban wonage, Eeke kagak nonggo logogun o.

Yetaya 9:7

At wone lengganogo yorage logowam nggwok wiganinuk nage, Aakumi inom lambunik iniki ugun tayenak wonogwe nogo lek aga'lek kundugu wonage, Eeke logogin o. At Ndawut paga wiganak aret me, At wone lengganogo yorage menggim mi'na'nuk, At abu'me piige menggim wone lengganogo yorage logogin o. At obeelom mban eeppiinet nage, a'me nggelok mban inawone mbangge, Eeke logomenggerak paga At abu'me piige menggim akom kwippiige, Omaawi nu'lek eerogo pege, Eerogo pege kenok, Mondok-mondok aret logogin o. At Omaawi Lombok Menggerak Aliku ALA nen, “Mondok eerikit aret,” mbarit unggwage me, aret eeke logogin o.

Wone Alom Kibingga 2:24

Togop aret me, aap ambi nen, “Eekirak abu op aret kagi,” mbariyak nogo ti, mbi nengge, niyo nengge, ligak wuundamo eerit nage paga ale'nggen mbake, eeke logorak ti aret o. Ala nen eeppega'lek kagak aap ambi mbi nengge, ale'nggen kage, eeriyak meek me, mbi nengge, niyo nengge, ligak wuundamo eerit nage paga ale'nggen mbake, eeruwak nduk, at Ala nen aret eeppiige menggerak kagagirak o.

Kini Wuppiige 31:9

Eeppiige logonet, eekaatak a'me nggelok mban inowak looninake, Aap ineenggi lek inom, aap tebenak wonogwe inom, tebenogo piyookwak, inaana'le mbanogo piige, Eeke logot o.

Kini Wuppiige 20:28

Aap endagembogut nen aakumi at abu'me wonogwe nogo inabuwa mbake, liirogon aret kooninake, eeke paga At eebe kuuri'me aret nege, It at abu'me menggaarak inabuwa mbake paga at wone lengganogo yorage menggim mondok omaawi aret wonage, Eeke menggerak.

2 Mbinineegwaarak 34:2

At ombo Ndawut eerit nage nagagerak ndak-ndak eeke logonet, ena agi age, ogu age, eeka'lek Aliku ALA enegen kagak, obeelom mban eeke nagagerak.

1 Mbinineegwaarak 3:15

Ndi, at Yotiya nen apuri aap ndaganabeegerak ti, aput manggu Yokanan ndake, at ambo'me Yoyakim ndake, at ambo'me Terekiya ndake, at ambo'me Talum ndake, eereegerak.

Pelaareegerak 4:40

Kit inom, peebi kinapuri ndaganabumonggotak inom, at Aliku kinogoba Ala nen kit mondok-mondok logomunggup nduk, kinanggween wokkirage nogome logonet, kineebe abu obeelom li a'nuk kanggo logomunggup nduk, Yogop ee'nu ndogop ee'nu, yinuk, wone inom, eeko logorak wone lengganak inom, an yogondak yokkirage yi, mondok liirogon aret porogo logonip o,” yinuk, yoragagerak.

Yeremiya 7:5

Inobaabut inom, eeko menggaarak inom, mbo punuk, alik ngget mendek ogo logomenggaarik, inalitak lombok a'me nggelok eeppiigak mban eekwi,

2 Mbinineegwaarak 35:22

Wone eerogo nappiya wagagerak nogo yoreegwaarak kwe, at Yotiya nen, “At Neko yi, Ala yoge kagak yo'negerak kagi,” mba'nuk, melak togon iyokan noolik. Ata, imbirak perenggolaakit nduk, kaninggen mili kak eeppatinuk, o kobappaga Megiro time nagagerak.

2 Mbinineegwaarak 35:26

At Yotiya nogo endagembogut a'nuk, wone lengganogo yorage logonet eeke nagagerak inom, Aliku ALA nen eeko logorak wone yereegerak liiru mbanak nogo ndak-ndak, liirogon mugurok nage logonet eeke nagagerak inom,